في سؤال دائما محير أفكاري ومحير كثير من الناس ليش الإنسان يحس أحيانا إنه متضايق وهموم الدنيا كلها فوق راسه؟ بالرغم من إنه قام الصباح مرتاح ومبسوط بس فجأة يجيه هالإحساس وهو في عز الإنبساط والوناسه بإنه مخنوق ومو قادر يتنفس وش السر ورى هالضيق معقول يكون موت حبيب ولا فراق غالي ولاطلاق ولاعلاقة حب فاشله حسب إعتقادات الشباب والبنات الحاليه بهالزمن؟؟ مستحيل فجأه إنت ولا أنت مبسوطين تتذكروا وخلاص تكتأبوا؟ شي غريب ما أعتقد إن هذا السر مو إحنا ياما صارت لنا هالمواقف ولا متنا ولا كانت نهاية العالم بهالمشاكل وكملنا حياتنا طبيعي وبدون أي عقبات بالعكس طوينا صفحات الماضي وابتسمنا للدنيا من جديد..
بس ناس كثير أتحولت عندهم هالحاله للإكتئاب وضاقت الدنيا بعيونهم واسودت كل معالمها وكانت نهايتهم الإنتحار وناس قدروا يتعالجوا من حالة الإكتئاب وارتاحت نفوسهم لكن برضوا في ناس رجعت لهم هالحاله ثاني طيب وش السر؟؟
ياما قلوب قست على بعضها بسبب ضيق النفس ولا قدرت تصفى حتى بعد الموت وللآسف جميع المجتمعات ماعرفت وش العلاج مع إن الأمة الإسلامية عارفه وش العلاج لكن تحب تتغافل عنه أو إنها تتجه لعلاج الدول الأوروبيه كنوع من الإعترار بالنفس والغرور والكبر في استشارة الأطباء النفسيين وتعاطي المسكنات والمهدئات((فيجي الواحد يقولك والله انا سافرت برا عشان استشير فلان وأعطاني مسكن ما ينباع غير بفرنسا ولاانجلترا)) فرحان بنفسه مو هامه راحة البال قد مو هامه إنه يبين لك إنه ولد عز وغنى مع إنهم لو تواضعوا شوي و سألوا أجدادهم ولا جداتهم كانوا دلوهم على الحل لجميع المشاكل مو بس هالمشكلة وهو التقرب لله وقراءة القرآن بس الله على العيون اللي انصابت بغشاوة والنفوس اللي غفلت عن ذكر الله وتوجهت لأفكار أحفد القردة والخنازير وبعد ما كان الطبيب النفسي عيبه ووسام عار على اللي بيقصدة من أبناء الأمة العربية والإسلامية صار فخر يتباهى فيه الصغير والكبير وبدون أي اكتراث ولاحرج حتى إنه من قلة الذوق يجيك الدب وهو يقول لصاحبه الثاني إنت متضايق روح أتعالج عند الدكتور النفسي الفلاني اللي متخرج من كندا ولا من أوروبا وبكل وقاحة لأني رحت له وقلت له على مشاكلي مع الحرمه ولامع أهلي وعالجني.. ومايدري إنه صاحبه هذا أكل في لحمه لين شبع عند الحرمه وفي الديوانيات بين الرجال وملى بطنه وبطون غيره هذا إن مالقبه بالمجنون ومنع الحرمه والعيال إنهم يزورا أسرة هالدب ... مسكين حالك ياخوي ومسكين حالك يا أختي
يا إخواني وأخواتي انا مو قاعد بكلامي أحطم إختصاصات الأطباء والإستشاريين النفسيين بالعكس هم ناس لهم قيمتهم بالمجتمع ومكانتهم العلمية المرموقة لأنهم عارفين طباع وشخصيات البشر وهذي نعمه من نعم الله وفضائله عليهم بس مادام الله أنعم عليهم بهالشيء ليش مانقصده هو أحسن دام العلاج عنده ليش نتعب القلب والنفس والبدن ونصعب علاجنا مع إنه مابيكلفنا لا مية ريال كشفيه ولا خمسمائة ريال أدوية .. آيتين لونقرئها وندعي الله دعوتين خالصة من القلب وبعدها بنرتاج جربي ياأختي وجرب يا أخوي وصدقني بتدعي لي انا عارف إن الكل عارف هالشي بس ليش نتناسى ديننا وعقائدنا ونبدلها بمسكنات ومواد كيميائية يمكن تهلك فيك والله قال في كتابه العزيز (( ولا تلقوا بأيديكم إلى التهلكه)) لكن إحنا وش سوينا هلكناها وهلكنا أبو جدها يا بشر الرحمة حلوة البدن والنفس مو محتاجين مننا غير الراحة اللي بنلاقيها عند اللي خلقنا وخلق الكون كله لو نجي نطالع للعصور القديمة كان عندهم الإيدز ولا السرطان عافاكم الله؟؟ كانوا مرتاحين بس قرؤا آيتين وصلوا ركعتين ودعوا دعوتين وأخذوا ملعقة عسل حط الله بركته فيها وصاروا عال العال.
بس وش صاير بهالوقت مافي غير قرقعه بهالأدوية والعياذ بالله صح ربي قال أسعى ياعبدي وانا أسعى معاك بس مو بهالطريقة ناخذ هالدواء وهذي الحبه ونسمع كلام فلانه وعلانه وأدفع ياأبوي الفلوس وجيبي ياأمي هالوصفه وأضربي ياأختي هالخلطه وأشياء تجيب الأمراض للي مابه عله والله حالات كثير أعتمدوا في شفائهم على الأدوية ونسوا آمر الله إن قال لشيء كن فيكون ويبلعوا الدواء على إنه سر العلاج ويموتوا مشركين وبعضهم يتشافوا وفي إعتقادهم إن لولا هالدواء لكنت في الداء ويروح فضل الله علينا ونشرك مع الله حبة اسبرين ولا جرعة فيفا دول هااااا شايفين بإيش أشركنا برب العباد؟ ياريت على شي على شيء محقر والعياذ بالله
والله رسولنا الكريم أعطانا بلسم للشفاء آيات وأدعية وأحاديث صحيحة وثابته لكن الواحد فينا مايفكر يكلف خاطره ويفتح عشان يقرأ وش في بالقرآن الكريم وكتب الأحاديث مع أنه لو مريض ونازله قصه ولامسلسل كان فتح وقرأ وطالع المسلسلات من إلى.. وهاتك يا كتب شي آغاثا كريستي وشي شارليز دكينز وغيروا وغيروا
مابي أطول عليكم أكثر يا أخواني وأخواتي بس يا أعضاء المنتدى فكروا بكلامي ممكن يكون على يدكم صلاح عقول كثير من أخواننا المسلمين اللي تشتت أفكارهم بسبب الغزو الفكري اللي شغلهم عن دين الله وسنة نبينا محمد عليه الصلاة والسلام..
وفي سؤال آخير لو كان في خير بكل هالأدوية تتوقعوا كانوا أرسلوها للدول الإسلامية وهم ألد أعداءنا؟؟كانوا عالجوا نفسهم أولى صح ؟؟؟؟؟؟!!!!!!!!
وأرجو تثبيت الموضوع عشان يستفيدوا بقية الأعضاء والزوار
وتحياتي للجميع.....
27-08-2006, 01:18 ص
في سؤال محير عقول البشر؟؟؟؟؟!!!
مواضيع مشابهة للموضوع: في سؤال محير عقول البشر؟؟؟؟؟!!!
النمط المتتابع
