السلا عليكم ورحمة الله00000
المشكلة باختصار لصديقة عمري تطلقت من زوجها من 4 تقريبا 5 سنين بسبب مشاكل من اهله للاسف وقفو ضدها وهو للاسف ماله شخصية فطلقها ما ابي نتكلم بالماضي ونقول ماله شخصية لان الكلام بالماضي جهالة بس الحين ودها ترجع له عشان الصغار(2) وخصوصا انها حنت له بعد ما شافته في محل بمجمع ودخلنا بالصدفة ويوم شافنا تخسبق وانعفس وبصراحة كسر خاطري لان فعلا بين عليه انه يحبها وظل طول الوقت يطالع لها بشوق ولهفة لدرجة اني ما دريت انه هو بس انصدمت من ردة فعل صاحب المحل (هو) لما شاف رفيجتي (طليقته) لاني مو شايفته من سنين وطبعا تغير الشكل المهم انا اشور عليها انها تروح للمحل مرة ثانية كنها تبي تشتري عادي ويمكن لما يشوفها مباشرة قدام عيونه يتحرك نسيت اقول انه تزوج بوحدة من ترشيح اهله وعلى فكرة هي الي طابخة فكرة الطلاق مع اخته 0

الله يخليكم شورو عليها بالراي السديد تراها حل متوترة وتمشي مع الناس وعقلها وقلبها معاه لانها تحبه ومانسته ومو راضية برايي تقول اخاف انه يصغرني0 شكرا

الله يعينها ويصبرها

بس ماتحسين انها صعبه شوي بالذات انه متزوج

وامكن لو رجعتله يكون في مشاكل اكثر من قبل

انا اقول لو في احد غيرها يكلمه عن الموضوع

امكن يكون احسن

انا في نظري لو كان هو يبغاها




ومتشوق لها اتوقع لو هذا مشاعرو اتجاهها


هو الي راح يكلمها مو هي

الله يكون في عونها ويسهل عليها امورها يارب

حبايبي شكرا بدلتواصلكم بس انا اشور عليها بس تدخل المحل تشتري وتطلع00000بدون كلام بهالموضوع0
والباجي عليه

من رايي خليها كمان فتره

وعلى قولك بعدها تروح وخليها تتاكد انه عرفها او تشيل احد من اطفالها معاها

وتشتري وتطلع

وان كان يحبها اكيد بيحاول يدق عليها او يكلمها وان كان ما سواها خلاص هي كرامتها محفوظه وما عليها شي
وتنساه ولاعاد تروح المحل ثاني

الله يوفقها ويوفقك....

نبي ردود شدعوة وين الرجاجيل؟؟؟؟؟؟؟؟؟؟؟؟؟؟؟

اناشوري ان تحفظ كرامتها ولو كان يبيها كان رجعها من زمان
ويمكن هو مرتاح مع زوجته وكل شي قسمه ونصيب

والله الموقف مرة صعب

وراحتها له هذا يتوقف على شخصية الطرف الثاني اللى هو الزوج

يعني اهي عاشت معاه وتقدر تحدد اذا راحته له بتصغره اولا

واذا طرف ثالث يدخل يكون احسن واحفظ لماء الوجه

والله يفك ضيقتها يارب

بقولك راي ......

لو هو يحبة مرة ومتمسك فيها ....

مستحيل احد يوقف في طريقة لو شخصيتة مثل الدجاج .......

هذا واحد الحب في وادي وهو في وادي ثاني .......

بعدين قولي الصديقتك تنساه ما دامه تزوج وحدة ثانية ..... وتروح دور حياة ثانية .........

احسن لها لانه لو يحبها من جد ما يفرط فيها لو انتطبقت السموات على الارض ................

الولدين عايشين والحمدالله والشكر له .. إذا كانوا لهم 5 أو 4سنوات على قولتك

ومدامها مرتاحة .. من المشاكل إلي ممكن تلحقها إذا تزوجته .. فخليها كذا

وخلي تنسى محله .. عشان لا تقهر نفسها ولا تقهره .. ولا تغضب ربها .. في أنها ما غضت بصرها

وخليها تشوف نفسها وحياتها .. العمر واحد .. ولا هو ينعاد