مراحب على الحلوين والزينين
بنات انا وحده مانيب فالحه زين بالطبخ اطبخ بس مو كل شي <<لا والله
المهم بغيت منكم اذا مافي كلافه<<اقول اخلصي بس
ابي حلى قهوه او بعد الاكل بس مايدخل الفرن يعني على طول الثلاجه وكل وحده تتفنن باللي عندها بليز
ابي اصير سنعه ولو قليلاً<<من وين جت قليلاً؟
فوتوها عادي
ويسلمو حبيبات البي .....
جـــمـــانـــه...

^
^

سنعوها يابنات

تستاهل جمانه

تحياتووو

هلا اختي تبين تصيرين سنعه الله يعينتس على السنع ترى موب سهل >>وحده بتخوفها من الاول

شوفي عندي حلى مثلتس حلو مايبي ثلاجه بس يبي شغل
المهم المقادير :
1_10_ليمونات مقطعات انصاف ومعصورات ومنظفات من الداخل ومغسولات
فهمتي حنا هنا نريد القشر بس على حاله مرتب ونظيف


بعد تنظيف الق نحظر التبطينه التاليه وهي عباره عن
1_1بسكوت شاهي كبير مطحون
2_علبه قشطه واحده
نخلطم مع بعض بملعقه حتى يتجانسوا ثم نقوم بتلبيس القشر فقط وترك الوسط خالي للحشوه

الخطوه اللي بعدها نقوم بعمل الخلطه التاليه لكي نحشي الليمون وهي عباره عن :
نضع بالخلاط 6حبات كيري +1بيضه +1باكيت كريم كراميل +ثلاث ارباع الكاس حليب سائل +ذره فانيلا
ومن ثم على النار حتى يكون قوامها مثل المهلبيه او الباشميل >>الا يافاهمه مدامك منت سنعه المهم
نصب في كل نصف ليمونه جزء من الخليط حتى تنتهي الكميه
وبالثلاجه
الى موعد التقديم بقليل عشان التقطيع >>>اصبري باقي خطوه
قبل التقديم تقطعين كل نصف ليمونه ارباع

يعني النص تقطعينها بالطول والعرض
وبتطلع عندك كميه عزيمه
الشكل النهائي بتكون ثلاث طبقات وبينهبلون وشلون سويتيه

وياويلك لو ماسويتيه كل هالتعب وبالاخير ماتسوينه

وتراه سهل مره وبتبهرين اللي حولك وبتنخطبين على طول

اختك كل الجروح
واذا عند تس اي استفسار عجلي لاني بطلع مدري متى ادخل

اما حلى العشاء
فهذا اسهل من اللي قبله
الطبقه الاولى تصفين بسكوت شاهي بصينيه البايركس ثم تحضرين
المقادير:
2كأس حليب بودره
2كأس ماء +بيضه
ثلاث ارباع الكأس سكر
ملعقه نشاء
بالخلاط جميع المقادير ثم على النار حتى يثخن القوام مثل الباشميل
ثم على البسكوت نص الكميه ثم بسكوت شاهي ثم باقي الخليط
ثم تقومين بعمل الطبقه الاخيره وهي
2علبه قشطه +4ملاعق كاكاو بودره انا عن نفسي استعملى اما الشوكولاته السائله هرشي أو نيوتلا اطعم
تخلطينهم ثم اذا جمدت الخلطه الثانيه تحطين الطبقه الاخيره القشطه والكاكاو

وبالثلاجه وعند التقديم قطعيها على قد الحضور بالهناء والعافيه
بالخلاط

يابعد عمري عليكم كلكم

والله من بدايتها خفت بس بحاول اصير سنعه لاني متعقده من الكلمه

وليف يسلمو ع المرور الحلو

كل الجروح يبيلي افصفص الطريقه خبرك ماعرف للحركات وتسلمين ياعمري ماقصرتي

ام خالد حبيبت البي تسلمين ع الطريقه وكنك عارفتني حدي هالحركات

تسلمين ماقصرتي والله يوفقكم جميعاً ويسهل اموركم يارب

كل الشكر مني جمووون..

امممممممممممممممممممممم
انا عندي طريقة سهلللة
شوفي حبيبتي
اسمه السنافر
يلا نبدا
المقادير
2علبة قشطة
1 دريم ويب
كيس كريم كراميل
بسكويت اولكر
نسكافيه
علبة صغيرة آيس كريم فانيلا( ممكن تستغنين عنها .. يعني مو ضرورية)
نحتاج لصينية بايركس أو أي صينية تحطين فيها الحلا
الطريقة:
1. نجيب طاسة أو زبدية ونحط فيها علبيتين قشطة مع الكراميل البودر ونخلطهم وومكن تضيفين لهم الآيس كريم
2. في صينية البايركس اتحطين طبقة خفيييييفة من ال القشطة اللي سويناها في خطوة رقم 1.
3.نجيب ماي ونذوب فيه النساكافيه
4.نجيب بسكويت ونغمسه في النسكافيه
ملاحظة:
لا تخلينه يذوب بس حطيه كمن ثانية وشيليه
بعدين حطي صفّة من البسكويت المغمس بالنسكافيه فوق طبقة من القشطة بالكراميلوبعدين صفّة من البسكويت بعدها صفّة من الكراميل وهكذا .. لين ما تخلص القشطة
5. الحين تحطين الدريم ويب اللي سويتيه
6. نجيب الدبس حق الكراميل ونزين به الطبقة العلوية هلى شكل خطوط متقاطعة في النهاية تعطيج شكل مربعات
ملاحظة:
ممكن بدل الكراميل تحطين الجلي الاحمر ... وبدل النسكافيه تحطين حليب
بس انا تعجبني مالت النسكافيه
اتمنى انكم تجربونها وتعجبكم وتدعون لي
اختكم
ضوء القمر

ضوء القمر يسلمو حبيبت البي

وان شالله كل الحلويات اللي خذيتها من البنات

بحفظها عندي واسويها بأذن الله

تسلمون جميعاً..

جموووون..

^
^
العفوو عزيزتي..
جربيهن وقولي لنا عن النتيجة

ااااااااسفة اكثر الحلى الي عندي يدخل الفرن