قصيدتي اهداء الى كل من كابر في الحب وقال لمحبوبه
( فراقك عادي )
مستـهــتره صـاحت تقـول وشلون افــراقك خساره
وش عـاد لـو تبـعد ياهــــذا عـزالله انــي مســــتريح
ماتشــوفني مـثل القـــمــر والله لــو بــس باشــاره
كان الرجـــــال بطـــولها تنـــــهـد عالارض وتــصــيح
ان كان مــاودك تصدق بعطيك على قــولي امــــاره
ماشـــفتني بالفيـصلــيه الــناس تعاكـسني بمـديـح
والا بكـورنيش الـخـبر والـوقت تـــوه فــي نـــــهـاره
تجمعــوا حـولي الشـباب مـاكـنهم شـــافــوا مـلـيح
قلـت العـفــو يافـاتـنه المـسـأله مـاهــي شــطـاره
ادري جمالك ماله حــــد ومن ينـظـرك ســره يبــيـح
وش فايـدة هـذا الجمال لاصار مــــن غــير اسـتناره
بدون اخلاق وتواضع راعي الجــــــمال يظهــر قـبيح
تـرى الـتـواضع ياقــمر يعــمـــر به الانــــــسان داره
وبيـت الكــبر ياحـلـوتي مـــع الـزمـن لابــــــد يـطيح
صحــيح انا مــاني وســـــيم وكل مــاامــلك اعــاره
بـس شـوفني لوتنتخـيني كـــيف مــيزانك رجــــيح
عندي اخـــلاق ومـــبادئ ماتـجتمع في اهــل قاره
وعندي قلب(ن) تعرفينه ان كان في قــــولك صريح
تعرف اني يوم اضمـك والـــمـشاعر فــيني حـــاره
تدوخ وماتشعـــر بنفسك وينزاح هــــمك وتسـتـريح
يــوم كــنت تـقــول حــبك كل مــافــيني اســـتثاره
وكل مـااخفــيته بصــدري بشــوق حــبك مسـتبيح
مــدت اصابـعها لــفمي واسكـتت مـــــني العـباره
واقــربت مــني بلهــفه والــمست قلــبي الجــريح
تلـفـتت تخــفي الـدمـــوع ثـم قالــت فـي مـــراره
والله مااقـــوى فـــــــراقـك ومـايـصح الا الصـحـيح
شعر د. duraman
27-09-2008, 04:13 م
فراقك عادي !!!!!
النمط المتتابع
