السلام عليكم اخواتي واخواني
اريد مشورتكم في موضوع صار معي امس
جتني رساله الصباح من وحده من صديقاتي تهنئه بحلول شهر رمضان
بداية الرساله تقول:انا جايه في الطريق ثم تنزلين بالسهم جهزتي حالك لاستقبالي ثم تنزلين ووووو
الخلاصه
ارسلت الرساله لرجلي طبعا انا كنت نايمه عند اهلي وهو برا الرياض وكانت النفسيه مش ولا بديعني يدق علشان يتطمن على عياله او علشان يجي ياخذنا
قلت يابنت الناس تعوذي من ابليس ودزيله مسج تهنئه برمضان المهم ارسلت الرساله والوقت كان 9:30صباحا كنت مابعد نمت وكنت شابله هم يلاغيني وش مسهرك لها الوقت بس علشاني عند اهلي (يغار -يشك)المهم راحت الرساله ونمت صحيت الساعه 3 الجوال معلق لقيت خمس اتصالات لم يرد عليها انا حاطته اجتماع يحسبني حاطته صامت لاني مخصصه نغمته مفتوحه المهم صحيت وبدت المشكله رديت عليه وش قال يقول وش سالفة الرساله اللي جايتني الصبح قلت وش فيها ؟قال وشو قلت قريتها قال ايه بعدين قال الرساله شكلها جايه بالغلط وين بتطلع هذي الصبح ولا قالتلي لاني مااطلع لاي مكان الا مستاذنه حتى لو كنا متزاعلين قلت له اقرها ثمن كلمني قال مسحتها قلت ابرسلك مره ثانيه قال تقدرين تعدلين فيها يعني الرجال شاك فيني وانا الحين حامل وميهب اول مره قلت له الرساله لو انك قاريها كلها تعرف انها تهنئه برمضان الرجال معد رد علي وصرف الموضوع وسال عن عياله قامو اولا توهم وش اخبارهم رديت على اسألته وسكرت عادي وعلطول ارسلتله نفس الرساله مره ثانيه علشان يتاكد لا يوم قلت له الله يهديك قال وانتي بعد قلت اللهم امييين بعدها باربع ساعات ارسلي تهنئه لرمضان وكان ماصار شيء حتى ما اعتذر .
قولو لي وشلون اتفاهم معه وهو يحس انه مو غلطان
احيانا اقول في نفسي كلن يناظر الناس ..... لاني ملاحطته مو مثل اول الله يثبتني ويصبرني عليه
ادعو لي ان الله يرده لي ويبعده عن رفقاء السوء والمكالمات الي مالها داعي حسبي الله عليهم
29-08-2008, 02:21 ص
9:30صباحا.....
النمط المتتابع
