ابدى بذكر الـرب رزّاق الانسـان
ربٍ كريـمٍ يفـرح ابعبـد تـايـب

سبحانه اللي منشي ابحور واكـوان
ربٍ خلـق حـورٍ حسـانٍ كعايـب

ومن عقب ذكر الرب سطّرت قيفان
فيهـا معانـي واضحـة للبـايـب

حي الذي نادى بصوتـه ياصدقـان
يبغى المشوره يوم شاف العجايـب

امفارق الخلان يـا شيـخ نوعـان
نـوعٍ و نـوعٍ مختلـف بالتعايـب

فيه الذي ترجيه في كـل الاحيـان
لازال باقي فـوق نبـت الشعايـب

هـذا تجـوّد فالامـل لازم ايبـان
لابـد مايظهـر وتنسـى العقايـب

والنـوع الاخـر مايعـوّد وفنيـان
في وسط لحدٍ فوق قبـره نصايـب

مايرجع ابدنياك لـو كـان ماكـان
ولو احرقت خدك دمـوعٍ سكايـب

ماله ياغير الصبر والصبر الايمـان
اصبر على المكتوب وارج الثوايب

وفي عالم الاحباب ملزوم الاحـزان
لابـد مايرحـل احدهـم وغـايـب

كم واحدٍ عايـش بدنيـاه ضيمـان
على خليلٍ صـار تحـت الترايـب

ذكّرتني ياجارح وهاضـت اشجـان
والجاش جوفه مشتعـل باللهايـب

ذكّرتني شخصٍ عزيـزٍ وسمحـان
فؤاده ابيض حـاز زيـن النجايـب

ذكّرتني وقتٍ صفـا لـي ابخـلان
من قبل ما اشوف العجب والغرايب

من قبل مايرحل سلايـل كحيـلان
رفيقـي اللـي مامشـى فالمعايـب

نويـت بالقيفـان نظـمٍ ورثيـان
الصاحب اللي فقدتـه لـي نحايـب

واليوم انا في بحر عيني وغرقـان
اغرقني كثر الدمع والقلـب هايـب

ومالوم عينٍ تصطفق دمعهـا بـان
ومالوم نفسي لو غديـت ابدبايـب

انا الحزين اللي من الحظ مرضـان
ماعمر حظي لي صفا من شوايـب

انا وحظي والمتاعـب لنـا شـان
راضي وقانـع بالقـدر والكتايـب

وياجارح اليا شفت حظـك تعيبـان
اضرب تاهتيـه الخطـر لا تهايـب

قطع البحور اخير من ذل شجعـان
واخير من عيش العنـا والعقايـب

وياللي نخيتوا صوتكم صرت سمعان
لاباس يا جـارح وللجـرح طايـب

ادع الكريم اللي جمع شمّل الاثنـان
يعقوب ويوسف عقب وقت النشايب

ادعه يرد اللـي غـدا راح لهيـان
ادعـه يكافيكـم فجيـع المصايـب

ادعه عسى غيمتك تمطر من امزان
ويجعل ديارك خضر عقب الصبايب

ويصبح بها وردٍ عطـورٍ وريحـان
ويلاعبك بالوصل طيـر الرعايـب

وادعه عسى حظك بعد شين يزدان
و لازان حظك شفت منه الكسايـب

هذي بيوتٍ من ضميري و نقيـان
نقيتها من هاجسـي جيـت جايـب

وياجارح ابغى اقول بالفـمّ مليـان
والنعم فيكـم ياعطـاب الضرايـب

واختامها صلوا عدد إنس ٍ وجـان
على النبي قاهر ظـروف النوايـب

واعداد من صلى وبا لبيت طوفـان
واعـداد ماهبـت نسايـم هبايـب