كبـوة جـواد

عشـق الكتـابه · 25-07-2008, 10:03 م

صعب لامنّك فشلـت .. وصعـب لامنـك لقيـت
إن من يكـره نجاحـك .. يـدري إنـك مانجحـت

أمس ضقت .. ورحت أقلّب ذكرياتي .. وأنتهيـت
عند صورة طفل صوته مثل صوتـي لاانجرحـت

وش مثـل لا والله إلا هـذا أنـا يــوم ابتـديـت
أنطق حـروف ٍ تلعثـم فـي لسانـي لا أنمدحـت

هـذا انـا يـوم الحيـاه فنظرتـي عشريـن بيـت
ومسجدين .. ومدرسه من طين كم فيها اصطبحـت

هذا أنا وأصبحت اتمتم : " هذا انا " حتى بغيـت..
.. أختنق .. بس القدر عيّا على موتي .. وطحت

وصاح صوت الطفل فيني : " أنت من وين ارتميت"
قلت أنا المستقبل اللي فيـه كـم همـت وطمحـت

أمس كنت أبيـك تكبـر .. بـس والله لـو دريـت
أني اللي عشت لأجلـه مـتّ عنـدك وأسترحـت

لو دريت إن الزمان يجـرّ رجلـي .. مـا عديـت
ولو دريت إن البحـور بـلا موانـي .. ماسبحـت

كان دربك لي طويـل .. وكـل ماشفتـك هويـت
قلت لك : كبوة جواد .. وما كبيـت إلا وجمحـت

ليـه تسمعنـي وتمشـي ؟! آه ليتـك مـا مشيـت
و آه ليتك مـن كثـر عثـرات الأيـام أنتصحـت

ضاعت احلامي .. وظلّ الحزن فيني .. وأهتديـت
للطريق اللـي يودينـي علـى دمعـي .. ورحـت

يالحزن .. ليتـك مثـل دمعـي وتنـزل لا رقيـت
بس أعرفك .. لو مسحت الدمع تبقى ما انمسحت !

كان حلمي .. في وجـود إنسـان يبكـي لا بكيـت
وصار حلمي .. في وجود إنسان يفرح لا فرحـت

كنت أشوف الناس مثلي كل مـا جعـت وضميـت
مادريت إن الأوادم نـاس فـوق .. ونـاس تحـت

آه يـاأول ذكرياتـي خذنـي فحضـنـك نسـيـت
لأسألك عن وجه ابوي اللي معـه يامـا سرحـت

خذني فحضنك أبغفـى .. يـاه مبطـي ماغفيـت
وإن لمحت دموع عيني .. سـو نفسـك مالمحـت

خذني فحضنك .. وبعثر في جروحي وإن قضيـت
هزّ لي كتفي .. وقل لي : عيب تبكي لو سمحـت

إضحك .. وعلّم زماني من أنا .. ومن وين جيـت
طقّ باب الحزن .. واصرخ فـيّ لامنـي فتحـت

و ضمّني يمّك .. وكمّـل ضحكتـك لامـن بكيـت
ودي أذكر كيف كانت ضحكتـي لامـن فرحـت !

لـ شاعر : فهد المساعد

تحياتي
عشق الكتابه

بنت المملكـة’,’ · 25-07-2008, 10:13 م

عشـــووقـ ,,

مــاأرووع نقـــلـــكـ ..

رائــع دائمـــاً ..

كلمــااتـــ متــألقـــهـ ,,

صــح الســاانـ شــاعــرهــاا,,

وتسلــم يــد نــاقلهــــااا ,,

بــأنتظــاار جديــدكـ ,,

يعطيــكـ الف عافيـــهـ ..

مــوودتـــي ..

بنـوتـهـ

أنثى استثنائية · 26-07-2008, 05:04 ص

تعمقت ُ بها حد الإرتواء وكأننــي لأول مرة أقرأها
مختلفة جدا ً هذا الصباح
:
يضل ُ فهـد نجم لامـــع بسمـاء القصيــد
/
عشق الكتابـــة
شكـــرا ً لإمتاعنا

عشـق الكتـابه · 26-07-2008, 05:26 ص

إقتباس:

اقتباس من مشاركة بنت المملكـة’,’

عشـــووقـ ,,
مــاأرووع نقـــلـــكـ ..
رائــع دائمـــاً ..
كلمــااتـــ متــألقـــهـ ,,
صــح الســاانـ شــاعــرهــاا,,
وتسلــم يــد نــاقلهــــااا ,,
بــأنتظــاار جديــدكـ ,,
يعطيــكـ الف عافيـــهـ ..
مــوودتـــي ..
بنـوتـهـ

الأروع هو مرورك العطر بمتصفحي

اسعدني كثيراً مرورك الراقي

الف شكر لك غاليتي

تحياتي

عشـق الكتـابه · 26-07-2008, 05:28 ص

إقتباس:

اقتباس من مشاركة أنثى استثنائية

تعمقت ُ بها حد الإرتواء وكأننــي لأول مرة أقرأها
مختلفة جدا ً هذا الصباح
:
يضل ُ فهـد نجم لامـــع بسمـاء القصيــد
/
عشق الكتابـــة
شكـــرا ً لإمتاعنا

بجمال حضورك واطلالتك الغاليه على صفحات الترانيم

حضور تعتز به صفحاتي

تتبروز بمرورك العطر ليكتمل جمالها

الف كر غاليتي انثى

تحياتي

moog_al7b · 26-07-2008, 07:06 ص

عشق ربي يعطيك القوة اولاً

اخوي هذا انتقاء يدل على روعتك

وحسن ذوقك الجميل

قصيده راااااائعه بل في غاية الروعه

ونقل يجسدرقيك اخوي

صح اللسان شاعرها وسلم راسك

عشـق الكتـابه · 28-07-2008, 01:14 م

إقتباس:

اقتباس من مشاركة moog_al7b

عشق ربي يعطيك القوة اولاً
اخوي هذا انتقاء يدل على روعتك
وحسن ذوقك الجميل
قصيده راااااائعه بل في غاية الروعه
ونقل يجسدرقيك اخوي
صح اللسان شاعرها وسلم راسك

الأروع اخوي موج هو ان ارى مسماك في صفحاتي

لتزداد نورا بنور من سبقك ياغالي

افتخر بأشادتك وهذا من ذوقك

لاعدمنااااااااااك

تحياتي

خجل · 29-07-2008, 12:37 ص

كان حلمي .. في وجـود إنسـان يبكـي لا بكيـت
وصار حلمي .. في وجود إنسان يفرح لا فرحـت

.
.
.
صباح الخير للكلمات الرائعه,,,

لاختيارك الجميل...

احيان نفقد الانسان اللي يفرح لفرحنا,,,

عشق اختياراتك مميزه بقدر تميزك بيننا

عشـق الكتـابه · 29-07-2008, 12:51 ص

إقتباس:

اقتباس من مشاركة خجل

كان حلمي .. في وجـود إنسـان يبكـي لا بكيـت
وصار حلمي .. في وجود إنسان يفرح لا فرحـت
.
.
.
صباح الخير للكلمات الرائعه,,,
لاختيارك الجميل...
احيان نفقد الانسان اللي يفرح لفرحنا,,,
عشق اختياراتك مميزه بقدر تميزك بيننا

ياهلا وغلا خجووووله

الأجمل والأروع هو حضورك المشرف لصفحاتي

ونيلها اعجابك وذوقك الراقي

لاعدمناك ياغلا

تحياتي

Na3sanah · 29-07-2008, 07:26 م

وعافاكـ اللهـ من كل شر خيوو إختيار ولا أرووع ....

عسااكـ ع القوووهـ ... لاتعبت أخووي ...

تحيتي

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط المتتابع التحول إلى النمط التشعبي التحول إلى النمط الأُحادي


القرارات والتقسيمات الجديده (يرجى الدخول للإهمية )



		أعلن معنا
أعلن معنا		أعلن معنا

يتصفح الموضوع حالياً : 1 (0 عضو و 1 ضيف)