ياجماعه والله ماني داريه كيف ابدأ الموضوع احس اني ارتجف من القهر اني يالله نمت وماصدقت اصحى واخلص شغلي حتى ادخل لكم واقولكم عن اللي شفت امس واعذوروني ان كان الاسلوب ملخبط بس من قهريامس كنت معزومه بزواج في قاعه نياره وطبعا دخلنا وسلمنا وهلو ورحبوا وكانو جايبين طقاقه اسمها العنود المهم رقصوا العالم ووناسه الا فجاه كنت طالعه وبعد مارجعت سمعت البنات حتى الامهات اللي اعمارهم من 30 الى 45 يصارخون والطقاقه بموالها تدندن وش السالفه اثاريها تغني اغنيه المسلسل التركي سنوات الضياع والعالم وااااااااااااو لميس ويحيى والله اني مادريت وش السالفه سألت وش هالاغنيه والله اول مااقبلت احسبها اغنيه وطنيه قلت ماشاء الله وش ها الوطنيه الا قالو لي هذي اغنيه سنوات الضياع معقوله ماتعرفينها حشى والله مهب صاحين وجلست اتفرج على الحريم وهم يرقصون والله ولا وحده ماهامت بالكلمات وعيونها مسبله والفم من الاذن الى الاذن حشى تقولين مكتوبه عن قصه حياتها طبعا الطقاقه شافتهم كذا وتمط
الاغنيه الى ربع ساعه وهم يتمايلون مع لميس بصراحه ارتفع ضغطي و(صال علي القولون) حشى ورانا وصلنا الى ها الحال لها الدرجه ها المسلسل مأثر في الناس والاشد واللي خلاني ادق على زوجي واطلع من الزواج ما قدرت اتحمل وحده ترقص ويوم لفت الا وش معلقه على فستانها من ورى تخيلوووووووووووا صوره مهند اففففففف حشى ماصارت وش خلانا نوصل لها الحد وين الحياء والمخافه من الله وين الرقيب بالعائله من والدين للبنات وازواج للمتزوجات ياعالم رسولنا عليه افضل الصلاه والسلام (كلكم راع وكلكم مسئول عن رعيته )لاحول ولاقوه الا بالله حسبي الله ونعم الوكيل والله الوحده منا صارت تخاف تروح تؤدي الواجب تلاقي ها المهبل ولاتقدر تنهاهم وان اسكتت قهر والله المشكله عالم غريب

يابنت الحلال هذا اخر الزمان
اكون صريحه معك انا اتابع نور لاكن ماتوصل لها الدرجه
اشوف البعض حاطين نغماتهم وصورهم في الجوال ....
مانقول الى الله يهدي شبابنا وبناتنا وعجايزنا وشيابنا ويحسن خاتمتنا..

الله يعينا على الأمر بالمعروف والنهي عن المنكر

هههههههههههههههههه

هم يضحك وهم يبكى الله
الحمدلله الذى عفانا مما ابتلاهم

الخمد لله الذي عافانا مما ابتلاهم
فعلا شر البليه مايضحك
الله يهديهم ان شالله ويرجعهم لعقولهم

حياكم الله جميعا واشكر لكم مروركم وبالنسبه للمتابعه اذا ماتعدت حدود المشاهده اثناء العرض فاعتقد عادي انا اتابع نور بس مو دايما حسب الفراغ واذا ماكان عندي طلعه لكن مجرد مايخلص خلاص ينتهي كل سي بس لها الدرجه صراحه قهر الله المستعان وحيااكم

ههههههههههههه

لا حول ولاقوة الابالله


لهذي الدرجهـ

مسخره


الله لا يبالنا

عن جد مشكلهـ!!

هههههههههههههههه

ياحبي لك اجل ماشفتي شي...

الحين اللي منهبلين عليهم الكبار مو بس الصغار...

والله اني اعرف ناس جدتهم تابع نور ومتحمسه معهم <<<من جد منسمه...

الله يعافينا مما ابتلاهم به..

هذي من الفتن الله يستر علينا دنيا واخرة..