السلام عليكم ورحمة الله وبركاته
كيفكم ؟؟ شخباركم ؟؟ عساكم بخير
كثير منا ( اذا ما كان كلنا ) يقرا روايات
على حسب ما قريت , لاحظت في هذي الروايات عدة اشياء ما عجبتني صراحة , ومادري اذا هذي الاشياء موجودة حقا في الواقع ولا لأ
راح الخص هالشي من خلال نقاط (4نقاط)
النقطة الاولى : الحــب
كل الروايات يدور محورها حول هذا الموضوع ... الحب
هل فعلا الشباب ما عنده سالفة غير الحب ؟ كل ما يجمتع شابين مع بعض , ما يتكلمون الا عن البنات اللي يحبوهم؟
حتى البنات في القصة , ما عندها الا انا احب هذا وهذي تقول هذا يخوني
والغريب ان كل الروايات تنتهي بنفس الطريقة
ما يلتقي اثنين من بداية القصة , الا ويحبون بعض بعدين
هذا غير لحظات العذاب والالم بسبب الحب
معقولة؟؟ معقولة الشباب تافه لهالدرجة؟
انا صراحة ما صدق ان هذا هم الشباب , ما صدق انهم سخيفين لهذا الحد
بس اذا كان هذا هو الواقع , خبروني حتى اعرف , مع اني مارح اصدق ان الحب هو كل شاغل الشباب والبنات.
النقطة الثانية : مشاكل من لا شيء
بجد مادري شقول عن هالشي
لاحظت في الروايات , ان المشاكل تطلع من العدم , او من شي ما يستاهل
تقطيع الرحم والخلافات والزعل كلها من دون اساس
بصراحة
ماعتقد ان الناس دمهم ثقيل لدرجة يحصل قطع علاقة بسبب اسخف من السخيف
ومو معقولة
ان كل الناس ما عندهم تفاهم, اكيد هناك من هو المتسامح, بس ليش المتسامح ما يظهر في القصة ؟؟
النقطة الثالثة : الحالة المادية
كل احداث الرواية تدور حول شخصيات من الطبقة الراقية ( الاغنياء )
قصور وسيارات لكزس وليموزين وشركات وسفرات
وكأن المجتمع كله اغنياء
وين الفقراء ؟ وليش ما حد فكر يألف رواية عن شخص فقير؟
ولا لان اهم شي فالرواية هو الحب
عشان كذا تكون الشخصيات مرتاحة مادية بكذا تفضى للحب بدون ما تتعب نفسها في المعيشة ؟؟
النقطة الرابعة : الحياة الزوجية
الروايات تصور لنا الحياة الزوجية بصورة خيالية وليس واقعية
يعني .... الرواية ما تعرض لنا مشاكل هذي الحياة
كل اللي تعرضه هو المثالية الكاذبة في الحياة الزوجية
وكأن الزواج خالي من المشاكل
وكل رواية تنتهي بزواج الحبيبين وكأنه هو السعادة اللي نبحث عنها
اما اذا كان هناك مشاكل
فهي مشاكل الخيانة وبس ...
وين باقي المشاكل
وليش ما تنعرض ؟؟
.............
طيب انتو راح تقولو ان هذي روايات
وما في مشكلة اذا هي كذا
انا اقول
انو ولو كانت هذي روايات وما لها اساس من الواقع
انا افضل اني اقرا رواية قريبة من الواقع
وليست بعيدة عنه
وايضا
ترى العقل الباطن يصدق
وكل ما صدق العقل الباطن
ازدادت الصدمات في حياتك لانك كونت اساس على اساس الرواية اللي قريتها >>> وللي .. صرت طبيبة نفسية
بعد هذي الخربطة
اريد اقول انو
انا ما قصدي اعارض احد او انزل من قيمة رأي احد
هذي كلها آرائي الشخصية
واتمنى ماحد يزعل
وتقبلو مني التحية
16-07-2008, 09:16 م
الروايات ! ما لها وما عليها
>> عذرا عالكلمة
احترمه واقدره
النمط المتتابع
