تعـال مبطـي ياغناتـي انـاديـك
تعـال كافـي لا تــزود عـذابـي
تعـال عـط كفـي بطيـب اياديـك
تعال خفـف فـي غيابـك مصابـي
تعـال نرجـع ياحبيبـي لماضيـك
ونحسب سوى مع بعض مابك ومابي
قبل امس كنت تقول ماقدر اجافيـك
وانك بدوني تعيـش جـو اكتئابـي
وبالامس جيت تقول ياكثر ماغليـك
وانـك متيـم بـي وتكـره غيابـي
تكره معادينـي .. واكـره معاديـك
وتعشق ثرى موطى حضرة جنابـي
واليوم وين الحب ارخصت شاريـك
لا وحسافـه ويـن حبـي غدابـي
بعدك غرقت فـبحر الاحزان ناهيـك
عن بسمه مبطـي ماتحلـت بنابـي
اعشقك ماهو عشق هـذي وهذيـك
عشقٍ نثرته فوق اسطـر كتابـي :
عشق الترف فـعيون فقر الصعاليك
عشق العطش لهطول وبل السحابـي
عشق الظلام لضي نـور الاتاريـك
عشقي لعشقـك ياعشيـقٍ سطابـي
حتى تصدق من كثـر مـا اناجيـك
تمنعنـي طيوفـك ابــدل ثيـابـي
ظامي ومانع عنـي ميـة سوانيـك
يرضيك تذبحني ظمى فـي شبابـي
عالي ومتعالي فـي بـرج عاجيـك
حاجبك عني غيم وافـق وضبابـي
لو ظرف مقنع من ورى البعد حاديك
برضى وبرحل في يدينـي زهابـي
لكن تغيـب وتنكـر الـي مواليـك
تلك التـي ماقـدر عليهـا احابـي
صحيح كنت اقـول مانيـب ناسيـك
وانك مميـز غيـر كـل الصحابـي
لكـن اذا صديـت مـاو الله اجيـك
تـرى ذهابـي غيـر مالـه ايابـي
****
لــ الشـاعر : جـابـر الثبيتـي
تحيـاتـي
29-06-2008, 10:23 م
تـعـــالـ>
النمط المتتابع
