السلام عليكم ورحمة الله وبركاته
أخواني ................... أخواتي الكرام
مصافحة جديدة أتمنى أن ترتقي لذائقتكم
يا الصاحب اللي في غيابك تماديت = أتعـبت حــال المنـتـظر وش جــرى بك
أتعــبت حــالي بانتظـــارك ويالــيت = ليــتك تحــس شـلون فكـري سرى بك
ابي تشـوف بحــالتي ويش سـويت = وش صــــار فـــيها بعــد طـولة غــيابك
شفـني بعد غيـبتك ياكـــم تعـنيــت = لا واعــذاب القــــلب يومـــه شـــقا بك
لا واعــذابه يــوم ودعــت واقـفــيت = ويــا ويــل حـــال عــيون تطــرد سرابك
تسـوقـني رجــلي بلا شـعور للبيت = واقـــف واهـــل دمــــوع قـــدام بـــابك
كل يوم أمر البيت لا رحت وإن جيت = وأقــول يمــكن تالــي الشــوق جــــابك
كل ماسهـيت بعالي الصـوت ناديت = باسمك وافز ان شخص حولي حكى بك
وأرفـع يدينـي بالدعا كل ما امسيت = واصــبـحت وإلا لا خـــيالي ســـــهى بك
يالله ياللي تخـرج الحـيْ من المـيت = يا واحـــــد(ن) مايــــوم خــــاب الرجا بك
استـغـفرك لا مني أذنـبت واخطـيت = واستــعـطـفـك واعـــوذ بك من عـــذابك
واسألك يامـن فوق عـرشك تعــليت = اســـأل بكــل اســـم(ن) ورد فـي كتابك
تــرد لـي خــل(ن) لشــوفه تمـنـيت = يالله تـجــيـب دعـــا ضــعـيف انتــخى بك
وسلامتكم
( ابو هليل )
26-06-2008, 11:36 م
هديتي لكم بعد الغياب (( ويــا ويــل حـــال عــيون تطــرد سرابك ))
النمط المتتابع
