السلام عليكم ...........
اليوم انا جايه وفي جعبتي.. مصطلحات حساويه مررررررررررررره فله تهبل بس الله يخلي اهل الأحساء قولوا آمين............
يالله نبدأ.........
يدردب .....رايح جاي وهو يشرب مثلاً يقولون وشفيه مغير يدردب في هالمياهه
تشرقدي...... يعني تمددي على ظهرك
يمرحون...... يعني اذا احد طلع من بيته وراح البر مثلاً يقولون عليه انه بيمرح يوم او يومين يعني ينام.
تقف الحشي.... حشي (كلام)يعني تخذ السالفه منأولها بس والباقي من مخها
يتشلبا ..... يتسلق كقول الشاعر (ولدي العيط النخل يتشلبا صاعود ) ومشتقه منها كلمة
شلوبي وهو المسمار المعكوف تعلق عليه الاغراض
عيطه........ طويله
نقذه..... يعني قطعه صغيره
شاخص....الم ودائماً ما يكون في الرجول
مشراخه.....خفاقة البيض اليدويه
يترهدج.......يتخضخض يعني اذا كان في واحد سمين مررررررررررره وجسمه مترهل يقولون عنه سمين ويترهدج
دهره.....يقولون للوحده ما شالله انتي تدهرين يعني متزينه واجد
تمرخي.......... تدهني وغالباً ما يطلق على المساج
شاص،شامص،لاكّ،لازق.....كلها بمعنى ضيق
دجه .....منصه مرتفعه عن الارض مث الطاوله
جوتي........جزمه (وانتو بكرامه)
ريبوه.... طعوس
اشذاذا....... ايش هذا ؟
منطول،مقطوط....... مرمي يعني مجدوع بالارض
امحق ....... امممممممم والله مادري كيف اشرحها بس يقولون امحق عليك ... يعني مالت عليك
مقاقة.... امممممممم شلون تنشرح هذي..... يعني يقولون ماعندها مقاقه على البزران .... يعني مالها خلق على البزران
زط ..... يعني مشفوح على الاكل
حمولة.... يعني قبيلة.. يقولون هذا الولد ولد حمولة يعني ولد قبيلي
طبينة... هذا اسم ريحة النخيل اذا حرقوها ...... والله ريحتها رهيبه
تراشي ... حلق الاذن
معاضد.... اساور
شحقة....يعني ايش حقه هذا
يزنط.... يعني يخنق ... تذكرون طاش ماطاش يوم يقول ... الله شذاذا حقيقة بيزنطوووونه
هطفة ... يعني خبله
زهبه.... يعني بسرعه
ينجب... اممممممم يعني يقولون انجب الغدا يعني حط الغدا
طرطور... ماعنده شخصيه
الله يغربلك..... هذي سبه
رياري....... يعني سعابيل ... لعاب بالعربي الفصيح
انطم..... يعني سكر فمك
ازعق .... يعني اممممم يقولون ازعق له يعني ناده
سكَان .... يعني دركسون السياره
مطيور.... يعني خبل مو عاقل
ودج.... عكس مطيور يعني يقولون للمطيور صير ودج يعني صير عاقل خخخخخخ
ألمَك.... يعني أضمك ....
الموسدة..... يعني الوسادة
سمادة .... حظيرة الحيوانات
عصقول .... الضعييييف مررررررره
جغم ......يعني رشفه من شي ... مثلا عطني جغم من عصيرك
يزرط.... يعني يبلع من غير ما يهضم
شمخ.... جرح صغير
ذب ....يعني رمى يقولون ذبيه يعني ارميه
قميظة.... يعني حسافه
الناس مول.... يعني الوقت متأخر
لثد ... يعني دبق مثل العسل لو لزق باليد يقولون يدي صارت لثده
امردقك.... يعني اضربك بقوووووه
هبابك ...... يعني عساه يمديك
إدن.... يعني اممممممم يقولون إدن لي مكان يعني وسع لي مكان
الصكة...... يعني برا البيت ..يقولون فلان بالصكه يعني مو بالبيت
سويعة..... تصغير ساعه
امبطح.... يعني انسدح و تمدد
مدعجة ..... اللي يدعكون فيها الجسم
صوغه ....... هديه يعني اذا سافر واحد لازم يجيب لاهله صوغه
ماتعدينا.... يعني ما طلعنا من بيتنا اليوم
يتصوخ...... يتسمع ... يسترق السمع بالفصحى
هاش ام الطرور يطرك..... هاش يعني كعه على الوجه ...... وكلها على بعض ...سبه
مصخن..... يعني حرارته مرتفعه
طير يطيرك ......يعني الله ياخذك
موَقل ...... يزعل بسرعه يعني ماينقاله شي
مخنود : يعني كسلان .. يعني اذا مثلا كلم واحده بالتلفون .. و سمعت صوتها كأنها توها صاحيه من النوم او صوتها كسلان .. يقولون .. ايش فيك مخنوده
ملهوق : مع شد الواو .. مشي حالك .. يعني مثلا تقول لواحد ايش في شغلك ملهوق .. يعني ماهو مضبوط
مديرع : مع كسر الدال و الياء ... معناتها واحد مفتوحه ازرار قميصه من قدام ..و شكله ماهو مضبوط
مسركل : يعني متعدل و هندامه تمام
هتل = متهتمل : يعني واحد غير مهندم .. متبهذل شكله
قظاره : يعني باديه كبيره .. يقولون .. حطي المرق في القظاره
كمشه : ملعقه
فضيخ : واحد غير جدي في حياته ..يقولون له قلبك فضيخ يعني ماغير يكركر و يضحك .. بالعربي موسع صدره
كديج : يعني واحد معتوه و مفهي
متبربد : واحد تعبان جسمه من الحراره .. يعني اذا طلع الواحد للشمس ..و كان مررره حر .. يرجع البيت و يحس جسمه تعبان و مبهدل
مستهوي : يقولونها للشخص المزكم .. و فيه نزلة برد
حواطه = سواعه : مع شد الواو ..هي الحرمه اللي ما تقعد في بيتها .. بس طالعه تتمشى و تسير من بيت لبيت
كنديه : بشد الياء .. الغرفه اللي في منتصف الدرج .. لاهي فوق ولا تحت ..
عسو : مكنسه من عذق النخل
دراز : فلفل حار
ماصخه : ثقيلة دم
صم حصمصم : يقولونها للبنت اللي بس ساكته .. يقولون لها .. هذي البنت صم الحصمصم
ب
جت : وصف للدجاجه في بعض اوضاعها يعني باضت .. و يقولونها اهل منطقة الكووت .. يعني مو كل الحساويه
سبابيج : سيقان .. يقولونها .. مثلا .. يا يمه مدي سبابيجك .. يعني مدي سيقانك او رجولك
زوليه : سجاده
تدوده = تبهبه = طارت بوهته .. : تلعثم .. يعني .. امممممممممم مادري كيف اشرحها ..
متشاغبه: .. يعني خايفه ..او قلبها يودي و يجيب .. مثلا ..وحده متشاغبه على ولدها لانه تأخر عن البيت .. يعني تفكر . ياربي وين راح . لايكون صار له شي ..
مرتخي : مرتاح
تطرب : بشد الطاء و الراء .. فرحانه او تتباهى به .. مثلا يقولون .. هذي الام تتطرب على ولدها .. يعني مستانسه عليه
دلاغ : شراب .. جوارب
باق : يعني سرق .. باق الولد الحلاوه .. يعني سرق
بشروا فهمتوا شي ...........
أنتظر ردودكم
17-06-2008, 08:57 م
مصطلحات حساويه خطيييييييييره ..........
و تسلم على المرور العطر
زوروها ..........
قصدي مطر 
النمط المتتابع
