مساء الورد الفل والجوري لكل جوري وجورية
طلبتكم تكفون لا تردوني
بعد كم أسبوع عيد زواجنا أبي فكرة جديدة وتهبل
أدري بتقولون أن المنتدى فيه أشياء وايد حق هالموضوع بس أنه طبقت معظمها وبعضها
أحسها عادية فياريت ما تخيبون أملي فيكم وتفيدوني بتجاربكم وخبراتكم
بلييييييييزززززززز أبي الرد بسررررررررررعه
تسلمون مسبقاً

السلام عليكم ورحمة الله وبركاته
اهلا فيكي اختي حتى انا ذكرى زواجي بعد اسبوعين تقريبا وهي الذكرى الثالثة الله يهنينا ويبارك بايامنا كلها
بالنسبة لي في ذكرى زواجي الاولى سويت حركة حلوة اللي هي سجلت رسالة صوتية على الكمبيوتر بصوتي واضفت عليها اغاني انت اذا حبيتي حطي انشودة كلن التسجيل بصوتي وهي عبارة عن رسالة لزوجي طلبت منه يفتحها لما يشوفها
بدأت الذكرى عن طريق اولا نظفت البيت قبلها صرفت زوجي وخليت اختي تجي تساعدني وضعت شموع صغيرة سويت فيها زي الممر من باب الشقة الى مجلس الرجال الى الصالة الى مجلس الحريم
كان الترتيب كالتالي اول مايدخل يلقى الانوار كلها مطفية والبيت مشغلة فيه اغنية رومانسية عند المدخل حطيت طرحة زواجي فردتها على الجدر ووضعت عليها صور زواجي وكتبت ورقة اتجه حسب الاسهم كان السهم على مجلس الرجال وكانت فيه ورقة فيها كلمات رومانسية بعدين اتجه الى الصالة وكانت فيه هديته بصندوق وردي على شكل قلب عبارة عن شورت وبدي وبلوزتين بعدين خليته يشغل الرسالة الصوتية اللي هي صوتي عجبته كثير لدرجة انه جلس يبكي بعدين اتجه لمجلس الحريم كان فيه الشماغ والثوب وملابس داخلية ولوشن وعطر وطلبت منه يتحمم ويتكشخ كنت ابغاه زي العريس هذه كله وانا بغرفة النوم قافلة على نفسي على اساس لما يجهز افاجاه بشكلي ولبست فستان زواجي ووضعت مكياج كاني عروسة طبعا بنفسي وانا ما أأيد اللي يروحون عند مشاغل بذكرى زي كذا يعني ماله داعي زيادة تكاليفولما اتكشخ ولبس فتحتله باب الغرفة واكلنا الكيكة سوى زي الزواج بالضبط وكملنا ليلتنا على خير كانت مرة حلوة بالذات انه ماكان عندنا بزورة مو زي الان والله مدري وين اودي ولدي
ان شاء الله اكون افدتك

مشكورة أختي همس على ردش ومرورش بصفحتي

فكرتج وايد روعة وأعجبتني

أتمنى لج السعادة في حياتش الزوجية

وأمنياتي بمزيد من الرورد لتتحفونه بأفكارهم الروعة

تحياتي

الفكرة جداااااااااااااااا روعة



عسا الله يهني سعيد بسعيده

مشكورة الفيتو تو على مرورج في صفحتي

تحياتي

يلا يا حلوين نبي مشاركاتكم وتفاعلكم معانا

بالتوفيييييييييييييييييق

والله أنه زعلانة منكم

وين الردود والتفاعل ؟؟؟؟