تكفون ساعدوني خلاص توترت

الشاطئ الهادي · 03-06-2008, 05:26 م

مساء الخير لكل اعضاء المنتدى الله يخليكم عندي مشكله سببت لي ازمة ومو عارفه اقول لااحد ومو لاقيه حل

فيه رقم مزعجني مره على الجوال بصوره رهيبه حتى النوم مااقدر انام من الازعاج صار الجوال على الصامت طول اليوم ماابي اهلي يحسون كمان خطيبي خايفه يجي يوم ويكون معي ويدق الرقم يزعجني

لاني مره رديت وظل ساكت كأنه بس يبي يسمع صوتي وانا ماتكلمت
بصرااااااااحه اشك انه خطيبي السابق ......هو مايعرف رقمي بس اخته تعرف او يمكن جايبه من الاتصالات لانه بأسم البابا

والله خايفه ربي يستر ماابي مشاكل ابي اعرف كيف اقدر احول جوالي على مقفل بس لهاالرقم او اي طريقه ثانيه
تكفوووووووووووووووووووووووووووون لاتخيبون املي

فراولة& · 03-06-2008, 07:54 م

مرحبا اختي انا من رايي بصراحة تعطين اي رجال يرد
وخليك واثقه من نفسك والافضل مصارحة الزوج إن استمر الازعاج..

نهاية حب · 03-06-2008, 09:18 م

مراحب اختي
الله يستر عليك ويوفقك ان شالله ويتمم عليك علي خير
المشكله مايبيلها ابد دقي على خطيبك وأعطيه الرقم وقولى له عن الازعاجات لجل لاتحطي نفسك بأحراجات مالها اخر ووقتها ماراح يصدقك احد بعيد عنك
لكن دقي على خطيبك وقولى له القصه وربك يفرجها وبالعكس انا بنظري راح تكبرين بنظره حتى لو كان هو اللي بيستهبل
والله يوفقكم مره ثانيه ويستر عليكم ويجمعكم على خير يارب

زهور الشام · 03-06-2008, 09:18 م

ضروري تخلين ابوك يرد عليه مره
واكيد ان شالله ماراح يتصل بعدها
سالفة التقفيل طويله شوي مااعرف اشرحها
بس ان شالله مالها داعي

خـفايـا الروح · 03-06-2008, 10:59 م

أختي الشاطئ الهادئ لاتشيلين هم
طنشيه ولاتردين على إتصالاته ومصيره يطفش ويمل
حصل معي الموقف وأزعجني واحد ليل ونهاريتصل
شكله مهبول ماينام لابليل ولانهار

كنت أطنش إتصالاته وجوالي صامت اغلب الوقت من كثر الإزعاج
لكن بلغت ابو الشباب بالسالفه وقال طنشيه
والحين فكه منه إختفى وإرتحت منه
طنشي ولاتفتحين الخط حتى لو ماتتكلمين
لأنه يزيد يتمادى أكثر لو فتحتي الخط
تحياتي والله يوفقك اختي

حمووودووو · 04-06-2008, 02:48 ص

اختي الشاطئ الهادي ......
بسيطه اختي ..... انا بعطيك حل .... كل الي عليك .... اكتبي خطاب حطي فيه رقم

الي مزعجك .. وكتبي الاوقات الي ازعجك فيهااا

وبعديين رسليه على رقم 8003030902

وهم راح يفصلونه لك .... طبعا هذا رقم في الاتصالات

انشاءلله اني اكون قدرت اساعدك ....وحنا حاضرين للطيبيين

اخوك حموودوو

أحلى البنات · 04-06-2008, 11:10 ص

الأحبه قبلي سبقوني

فعلا ياتعطين أحد من أهلك أو أعطي الرقم لخطيبكــ يالغلا

وماله داعي تتوترين ولاحتى تخافيــن

حتى لوكان خطيبك السابق

لأنك أنتي صح وماغلطتي بشي

وهم راح يوقفون صاحب الرقم عند حده سواء كان خطيبك السابق او غيره

بس لاتخبين ولاتخافين عشان لاتكونين موضع شبهه

والله معاكــ ويتمم لك بخير

عشـق الكتـابه · 05-06-2008, 11:45 م

بصراااحه

شفت العنوان توترت مثلك
لكن بصراحه انتي شوي متحسسه من هالموضوع
اختي اذا انتي واثقه من نفسك فمايحتاج توتر
كل اللي عليك انك تقولين لوالدك او احد اخوانك انه فيه رقم مزعجك
على الاقل حتى يكون عندهم خبر
يعني بعدين لو دق وانتي معاهم يكونون عارفين بالسالفه
او سوي تحويل عند انشغال الخط واول مايتصل حوليه على واحد من اخوانك

ونصيحه احقريه ولا تعطينه اهتمام

والله يكون في عونك ويوفقك يارب

الشاطئ الهادي · 07-06-2008, 10:58 ص

ربي لايحرمني منكم ومن نصائحكم
وربي يكفيني شره
وشكر خاص لــ حمووودووو على المعلومه وهذي وان شاالله اسويها

الف شكر لكم اخواني واخواتي وهذا العشم فيكم

حمووودووو · 07-06-2008, 03:05 م

يااهلاا بك اختي الشاطئ الهادي .... العفووووووو مايحتاااااااج

اختي وراح اساعدهاا طبعآ .. الي يزعجك يزعجناا .... تعودنا في هذاالمنتدى انه كلنا اخوان لبعض

واذا تبين نسويه لك حااضرييين للطييبيين

لله يفكك شررره .......

تـــحيـــاتي

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط المتتابع التحول إلى النمط التشعبي التحول إلى النمط الأُحادي


القرارات والتقسيمات الجديده (يرجى الدخول للإهمية )



		أعلن معنا
أعلن معنا		أعلن معنا

يتصفح الموضوع حالياً : 1 (0 عضو و 1 ضيف)