مساكم الله بالخير وحياكم الله انا اول مره اكتب موضوع بها المنتدى الرائع وابيكم تتجاوزون عن الهفوات ان وجدت(واثقه من نفسي)عموما اخواتي واخواني الاعضاء حبيت تشاركوني مشكلتي وتطرحون علي حلولكم وارائكم مشكلتي تتمثل في تعامل زوجي مع ولدي الكبير عمره 9سنوات واخوه 6سنوات دايما يحطمه اقصد الكبير ويتهزأ عند اتفه سبب واذا حب يناديه مايناديه باسمه الا نادر دائما اعزكم الله ياحمار تعال ياحيوان لدرجه انه اذا قال مره ياحمار وهو مايقصده رد هو يابعد امه واذا ردقال له مب انت قال انت ماتقول حمار الا لي دايما وفي المدرسه دايما يعلق على اخوه انه متميز وشاطر وهو لا رغم انه شاطر وكان متفوق بس هاالسنه من درس اخوه صار مايهتم كان لسان حاله يقول واذا تفوقت وش ابلاقي ولا تغليق لدرجه اذا قال ابوه شاطر ياع000( الصغير )قال وانا سويت كذا اوجبت الدرجه الفلانيه ولكن لاتعليق من ابوه الا مني انا لا والمصيبه جابو من المدرسه السجل وهو مسافر ووقعت باسمي على سجل الكبير والصغير ماعطوه لحد ماجا ابوه ولما جابوه الشهر الثاني قال زوجي لولدي الكبير عط امك توقعه ياولد امك لو تشوفون شكله والله رحمته والمشكله زوجي ساعات ينتقد نفسه يقول حشى كأني زوج امه مب ابوه واليوم صارت مشكله بين الاثنين كالعاده اطفال وحركاتهم وتدخل الاب وضرب الكبير على خفيف بس كون ابوه قام ولحقه سببت له رعب والصغير تخبى ورا ابوه وجا الكبير بيضربه قال له ياويلك تلمسه لاشعوري انا تكلمت وقلت يااخي خله يضربه وياخذ حقه وترى ها الحركات مب مطوله عمر الصغير وزعل وتلفظ علي لاول مره من 18 سنه زواجو الحين انا اكتب لكم وهو نايم وكتبت له رساله على ايميله وتعذرت له بس مابينت له خطأه مع ولدنا دبروني دلوني على اسلوب ابين له خطأه من غير مااجرحه وترى زوجي مررره زعول يعني يزعل بسرعه واسفه على التطويل وعلى الاسلوب العامي بس من حر مافيني تكفون لاتطنشوني

السلام عليكم .. نسعد بانضمامك لكوكبة نجوم جوري ونرحب بتفاعلك
اضع بعض المقترحات لهذه المشكلة :
1- اذا كان من النوع المتفهم المصارحة حل ناجح له
2- استخدمي الاسلوب غير المباشر وضع كتاب عن اخطاء التربية - كاسيت دورة في هذا المجال واقترح اشرطة د . هانئ العبدالقادر
3- اياك اعني واسمعي يا جارة .. قصة ولو مختلقة حول هذا الامر قريب عاقل متفهم ينبهه لهذا الخطأ الفادح
4- الدعاء الدعاء اخلي بربك واسأليه تغير الحال واذا علم الله صدقك لن يرد يديك صفرا

مشكوره اخي على مرورك وارائك وسأحاول اجرب معه الاسلوب الثالث والرابع هو الملجأ ليس لي الا هو سبحانه ومشكوره مره ثانيه

الله يكون بعونك ام المزايين والله يحفظ لك اولادك ويسعدهم
معاملة زوجك لأولاده خاطئه
وضحي لزوجك بأن شخصية الطفل تتشكّل من صغره
وحرام ينمّي فيه الشخصيه الضعيفه والمهزوزه
والأفضل لزوجك يتابع طرق الدكتور .. ميسره طاهر خطوه بخطوه
بكيفية معاملة الأبناء والتربيه بالحب يمكن يستفيد منها ويتغيّر أسلوبه في معاملةأبناءه
تحياتي لك والله يفرجها عليكم

أختي الغالية ربي يفرج همك ويسخرلك زوجك ادعي ربك يحنن قلبة على ولدة وربي يفرج همك

كل الشكر والتقدير لكم اخواتي خفايا الروح وزينه الغنادير وبارك الله فيكم وبمروركم وجعله في موازين اعمالكم واله يسخر للجميع ويهدي الضال ويرشده لطريق الحق

حيااااك اللة يالغالية وربي يسعدك اختي وحنا خووووووووات واللي نقدرة الدعاء وماراح نبخل عليك فية تمنياااااااتي للجميع بالسعاااااااادة

الله يعينك اختي ويفقكم

ولكن يحاول الانسان ان يشرح للصغير ويفهمه وتعذر له عن تصرفات الطرف الثاني ممكن تهون عليه المشكله

ويحاول انى يرفع من معنوياته ويعوضونه الحنان والحب المفقود

حيا الله الجميع وبارك الله في ردودكم وسامحوني على التـأخير هاليومين مادخلت عندي ضيوف اخوي موووج الحب الف شكر على اهتمامك وللاسف ابوه متوفى الله يرحمه ووالدته عايشه الله يطول بعمرها وسبق وكلمتها وكلمته لاني بصراحه دايما الجأ لها حاسبتها لي ام مع ان اميعايشه الله يخليها لي بس اقول هي ادرى بطبع ولدها وابشرك والله انا مفهمه اولادي ان اسلوب ابوهم معهم هو من شده خوفه عليهم ولله الحمد اما دوري مع زوجي انا اخطيت هذاك اليوم يوم تكلمت قدام الاولاد واعتذرت وقبل اعتذاري والدعااااااااااء اكثر اوسائل اخوي متيم1 بارك الله فيك وماقصرت وبالنسبه للتعويض هذا اللي صاير واغلب الاحيان اعامله عادي حتى لايحس ان هناك فرق بينهم بل احيانا اقول انت خليت ابوك يزعل ليش تسوي كذا وتعرفون مهما كان هذا اب وماابي صورته تهتز قدامهم زينه الغنادير الله لايخلينا منكم