السلام عليكم ورحمة الله وبركاته
لدي قصيده اعجبتني كثيرا واريد ان تشاركوني الراي فيها
تجرك الخطوه على دروب الاسفار
وتعصف بك رياح القهر والنوايب
هذي تصاريف الليالي والاقدار
تمسي غريب وتبتعد عن حبايب
وحيد حار الدرب في وجهتك حار
غريب وضروف اليالي غرايب
ياليل مالي في دجا ضلمتك نار
اضوي بها درب مشته الركايب
سافرت ودموعي على الخد مدرار
والقلب من حر التناهيت ذايب
ودعت ربع كنهم بيض الاقمار
فارقتهم من دون ذنب وسبايب
دارت رحا الفرقا ودار الزمن دار
وسوت بي احداث الزمن العجايب
في كل ارض دجت دقيت مسمار
ويعود مسماري عن الارض نايب
يارحلة الغربه غدى العمر مشوار
استسمحك يادرب لو عت خايب
مليت من ضوضا المدينه والانوار
وفوضى الشوارع والسفر والحقايب
وزرعت في صدرى من الهموم اشجار
واسقيتها من دموعي صبايب
وتعبت ادور لي عذر مالى اعذار
ما كنت انا مخطى ولا كنت صايب
اسامر نجوم الليالي بالاسحار
وحيد حتى البدر ياليل غايب
ما ينشرح صدرى على شبة النار
في خبت اجرد كل مافيه هايب
وانا الذى دارى تماري بالانظار
فوق الجبال النايفات الذرايب
هناك لى صاحب وحبايب وسمار
وهناك ربعي والاهل والقرايب
وهناك عشق اليالي والاشعار
ماتوب عنه لو غدى الراس شايب
تذكار ياذيك السواليف تذكار
لا من ذكرته عود القلب ذايب
في ذمتك ياقلب ماشتقت للدار
وياعين ماشتقتي لشوف الحبايب
يا صاحبي في داخلي سور ينهار
ان مرت الذكرى مرور الهبايب
ياهيبة الذكرى على قلب مغوار
لا تشعلي خوف ماني بهايب
ادري همومي جم وذنوبي اكثار
وادري على مثلى تنوب النوايب
وادري بعد ربي عزيز وغفار
عوت لك يارب يارب تايب
22-04-2008, 08:57 م
قصيده اعجبتني
النمط المتتابع
