السلام عليكم ورحمة الله وبركاته
اخواني وخواتي
انا صار لي شهر وانا وامي في هواش بالقوه تبي تزوجني بنت صديقتها
قبل مده كنت موديهم المستشفى قالت ام البنت نبي نزوجك افلانه انا وجهي راح طماطه
امي نقزت وقالت ياحظه فيها بنت السنع وتقعد تهايط
قلت لها اتشرف فيها بس هي مثل اختي (( بحكم اني متربي بينهم وجيران واحيان اوديها المدرسه))
امي زعلت من كلمتي ذي وهاوشتني بالسياره بغيت اصدم بسبب صياحها على الله يخليها لي
كلمت اخواني وخواتي واقنعتهم وقلت لهم اني اعتبرها اختي
قالوا لامي زعلت عليهم وماخلتنا بحالنا هاوشتنا كلنا
المهم قبل يومين قالت لي
ياوليدي افلانه وش فيها بنتن سنعه وجمال واخلاق ومدري وشو
قلت الله يستر عليها بس ما ابيهــآ ..
قالت والله لتاخذها ورجلك فوق رقبتك (( بالغصب))
طيب يمه انا اللي بتزوج دامك خاقه معها وتحبينها هي وامها غصب تحذفينها في وجهي
قالت منت بلاقي احسن منها
وليومكم كل ماجيت بكلمها تقولي انتهى ..
شوفي لي حلول غير اللي انا سويتها
بس امها مقدر اكلمها استحي منها والله حرمه اخلاق وذوق
كل ماقلت لخواتي كلمو ام البنت يستحون منها
لانها بجد محترمه وفارضه احترامها علينـــآ
وانا ما ابي بنتها ماهو كره بس والله اعدها اختي الصغيرهـ
ماني مصدر اتزوجها وهي قبل كم سنه العبهاا في المرجيحه <<
ابي حل تكفوووووووووووووووون والله دراستي راحت فيها بسبب زعل امــي

السلام عليكم

والله انا بنظري المشكله سهله انشاء الله وماتحتاج انك تعفس روحك عشانه

الوالده الله يحفظه لكم تشوف الموضوع من وجه نظره هي يعني مهما كان هي ما

تعرف وجه نظرك ولازم تتناقش معه بهدوء وتفهمه رايك وتاكد انه مهب غاصبك هي

اولا واخيرا تدور راحتك واذا عاد لزمت وقته لا زم تدورلك فزعه يعني وحده من خواتك

تتكلم مع الوالده لان البنت تقدر تتناقش مع الام بتوسع اكثر من الولد

واذا ما اقتنعت الوالده هج من البيت <<<<<<< لا تصدق عاد وتصير على الريحه امزح

وعلى قولتهم كثر الدق يفك اللحام انت ابلشه لمين تقول خلاص لا تعرس ابد



وانشاء الله انه تتقتنع وتلقالك بنت حلال تحبه وتعرس وتفك اميمك



مع امنياتي لك بالتوفيق


ام نواف

ام نواف يا اختي

والله حتى خالتي جايه من القصيم والسبب هالمشكله
الا تقول ولدي وانا ادرى بمصلحته .. والبنت هاذي بتعقله ((كني مجنون))

رحت شرق وغرب استفزع بعماتي وخلاتي
الا هي مصممه بس اخلص هالترم
مدري وش بيسوون ملكه مدري خطبـه

والهجه من البيت حاصله الله لايعوقني بشررر

الله يسعدك يا اختي .. كن في امل رجع لي مع اني متوتر وبقووهـ

ههههههههههههههههههههههههههههههههههه
ههههههههههههههههههههههههههههههههههه


والله حالتك حاله وش رايك بس نخلص على بنت الجيران

اقول بس وسع صدرك وعلى قولتهم ماضاقت الا فرجت

واذا الله كاتبه لك والله ماتاخذ غيره واذا الله ماكتبه لو تحاول امك من اليوم الى بكرا منتب اخذه ابد

فله وربك يحله بس


والله يوفقك

اللهم آمين

ربي يجزاك جنة الفردوس ع هالكلام اللي يثلج الصدر


الله يعيني ويقويني بصبرهـ

حبيبي الغالي : شوف بكون معك صريح مرة واعطيك رؤيتي في الحياة بكل اخلاص
1- الزواج لا تفيد معه المجاملات لانه عمر فاذا كانت البداية غير مستقرة ومتوافقة فما بالك بما بعدها
2- اياك والصدام انت في موقف الضعيف يمكن جعل وسيط مقبول بينك وبين امك ويكون من النوع الراقي والمتفهم

3- لي رؤية قد يخالفني فيها البعض ولكن هي وجهة نظري انا لا احبذ الزواج من قريبة
او من لي بهم معرفة لماذا لان اي خلاف او مشكلة قد تتجاوز حدها الطبيعي وتصل لاصل القرابة وهذه قمة المشكلة

4- عليك بالدعاء والتضرع لله سبحانه فاذا علم منك المسكنة والصدق فسيفتح لك ابواب الفرج

امل اني قد وضعت النقاط على الحروف

انت قول لامك انا رافضها عشانك لان امها صديقتك وعزيزة على قلبك ومثل اختك

وانت ماتدرين لو اخذها ممكن تصير بينا مشاكل او خلافات وبعدين هي بتزعل مع بنتها وانت بتزعلين معي وتصير بينكم مشاكل وبدل ماتكونين انت وياها صديقات تصيرون ماتحبون بعض ومن هالكلام اللي يخوفها من هالنقطة

بعدين قولها اللي تحبه وتعزه لاتناسبه خله حبيب وبس

لان زواج القرايب واللي بينهم معزة مو زين خوفا من المشاكل اللي تفرق بين العايلتين

والاخير انت رجال والرجال ماينغصب على شي مايبيه

والله يكتب لنا ولك كل خير

اختك نووووني

الله يوفقك اخوي ويسعدك

ولكن عندي لك نصيح فكر ثم فكر ما هي وجة نظر امك وليش تريد البنت لك وبعدين اعتقد ان الرفضك للزواج مو السبب البنت ولكن ما تحب احد يفرض عليك شي وما شاورك وخذ رايك فيه وخاصة قرار مثل هذا

ولكن اتبع حديث الرسول صلى الله عليه وسلم والسنة واستشر عالم او شيخ في المسئلة هذي وهو رارح يعطيك القرار المناسب لك

والله يوفقك

سالفتك ذكرتني بسالفتي القديمه
يوم زعلت أمي منّي عشان رفضت ولد أختها ( ولد خالتي )
وأنا مثلك مارفضته لكره والله كنت احسه مثل اخوي وياما لعبنا سوا
هونها أخوي .. وهي تهون وماتضيق إلا تفرج
قول لأمك ما أفكر بالزواج الحين وماأبي أتزوج
لعل بنت جارتكم يجيها عريس ويتزوجها وتفتك من حنّه أمك وزعلها
ترى أنا ما إفتكيت من الحنّه ووجع الراس إلين تزوج ولد خالتي
وأبشرك حضرت زواجه من فرحة الفكه من الورطه
ربي يفرجها بوجهك وتبشرنا بالأخبار الطيبه