قوائم واحتياجات العروس ....!

نبض الوفاء · 27-03-2008, 11:07 م

غاليــــــاتي عرايـــــــس جوري

اقدم لكــم قوائم واحتياجات العروس ....

وأتمنى اني اكون وفقت في اختيار الموضوع ومانسيــت شي ..

وانشالله الفائده تعم على الكــــــل ...

أولا نــــــــبدأ بالحجـــوزات المطلوبـهـ:

حجز القاعـــه

حجز المكياج والشعر (للعرس والحنا والصباحيه )

حجـز الكوشه والاضاءه

حجزالتوزيعات

حجز التصوير واختيار البوم العرس

اختيار بطاقات الدعوه

حجـز الفـرقه

حجز الأمن ( تفتيش جوالات الكاميرا)

ثانيــا قائمة مشتريات العروس :

الفساتيــــــن :

1-فستان الزواج ( تفصيل - ايجار- جاهز )

2-فستان الصباحيه

3- فستان او فستانين زياده على حسب انتي شلوون

الجلابيات :

1-طبعا تختلف الوحده عند بيت زوجها بتسكن تحتاج كميات من الجلابيات اكثــر .. يعني من 5 الى 10 جلابيات لاتكثرووون ......

وفيه بنات مايحبون الجلابيات فلاتتعبون نفسكم

2- جلابية الحنــا أو فستانها ( طبعا شعبي)

قمصان النوم :

كل عروووس لاتكثر عن 15 قميص نووم لانها بتمل منهم وبعد الزواج بتشتري ...

طبعا يتنوعون بين الطويل والقصير وبوفتحه

والرئيـــــــيسي الي حق اول ليله يكون طويل ومستر ( مايمنع يكووون دانتيل وشفاف طبعا )

ولون العرايس المعتاد للون ليلة العرس هو السكري ودرجات البيج ..

البجامات :

تنوعون بين بجامات الحرير والشورتات والبجامات القطنيه ( بتحتاجونها ايام الدوره )

وبعد لاتكثروون يعني 10 كفايه ..

وطبعا مايحتاج اوصي عالسليبرز عشان نكمل الطقم >> حركات...والارواب

الملابس الداخليـــــه:
من15 الى20 طقم

ملابس البيت :

طبعا ملابس الغرفه اقصد اوالبيت لوكنتي بروحك

وتتنوع بين برمودات وتنانير قصيره وحركات دلع ..

اخذوا الاشياء العمليه الدلوعه (شرايكم بالتعبير) عشان تنفعكــم

ملابس السبورات :

جنزات ... وتيشيرتات ... قمصان كشخه وعمليه ... حزامات ... وماالى ذلك

البــدل والتنانير :

تحتاجين من 4 الى 6 بدل كشخه لانك من بعد العرس بتجيك زيارات كثيره وبتحتاجينها .... والي بتسكن مع اهل زوجها بتحتاج التنانير الساده العمليــه

العبــــــايات :

عدد 4 عبايات (أطقم طبعا) ( 2 راقيات للمناسبات + 2 عمليــات فيهم حركات خفيفه وممكن تفصلين وحده ساده )

يتبع

نبض الوفاء · 27-03-2008, 11:15 م

العطورات والكريمــات :

بتااخذينلك كذا كولكشن عطور مع كريماتهم

عطور عربيه (دهن عود ومخلطات وبخور)

عطور فرنسيه

مسك المنطقه الحساسه

الشنــــــط (الحقائب) :

العرووس تحتاج الشنط كثيــر فلازم تكون حريصه انها تنوع وتاخذ شنطه او ثنتين عمليات لشهر العسل

شنط سهره بالالوان المهمه مثل الاسود الذهبي الفضي

شنط ماركــات راقيــه

شنط لتجهيزاتك (طقم)

شنطة مكياج

شنطة للمجوهرات

المكيـــاج :

كريم أساس للسهرات ( ديور).

- كريم أساس للاستعمال اليومي ( ذا بودي شوب).

- أساس استوديو فيكس من (ماك)

- بودرة مضغوطة من (كانيبو ).

- بودرة مضغوطة للاستعمال اليومي ( ماكس فاكتور).

- لووز باودر ( من شانيل).

- مثبت مكياج ( جيفنشي).

- كريم ترطيب قبل المكياج

- اللمعة دايموند باودر من ( ميك أب فور ايفير)

-الكونسيلر تاتش أوف لايت من (ايف سان لوران ).

- و الكونسيلر المتنوع الباليت الكامل من ( ميك آب فور ايفير).

- قلم الكحل الأسود من لانكوم و ماك.

- ماسكرا من استي لودر.

- و ماسكرا هيبنوس من لانكوم.

- الآي لاينر آرت لاينر من ( لانكوم)

- الشدو:

بيق مينت من ماك للسهرات بآخذ ألوان معينة .

- مجموعة شدو منوعة بين المات و اللمعة و الكريمي من ماك و بن ناي و نوبا
- علبة الشدو الكاملة من مكياجي للاستعمال اليومي و الخفيف .

البلاشر :

نوبا و ماك.
- الأرواج و الجلوسات:
- ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.

مثبت الشدو:
من ماك رهيييييييب و يخلي اللون يثبت و ما ينثر على الوجه.

- رموش :
ماك.

يتبع

نبض الوفاء · 27-03-2008, 11:23 م

مفــرش السريــر :
راجع لك اختيار العدد بس اعتقد 2 كفايــه ..

الذهب والمجوهــرات :

نصيحه لكل عرووسه لاتكثرين من المجوهرات لان راح تجيك هدايا كثيره ...

يعني تاخذين طقمين او 3 الماس وذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثـر) ..
والباقي نوعي بين كم خاتم وأساور لليد ..

والشبكه ليوم العرس (طبعا مب شرط) ....

الســاعات :

ساعة ليلة العــرس ...

وساعتين وحده عمليــه لشهرالعسل

ووحده كشخه للزيارات وغيرها ..

(( لوكان عندك ساعات من قبل العرس فماله داعي تكثريـن)

الأحذيــه :

تاخذين على ألوان الفساتين الي شريتيها

أحذيه بألوان أساسيه أسود-أبيض-بيج-فضي-

أحذيه عمليه لشهرالعـسل

أكيـــد حذاء ليلة العرسـ

الأدوات والمستلزمات الثانويه :

مجفف شعر (سشوار)

مكينة للحف

عدةأظافـر

عدة خياطة

حلاوه –شيره سويت (بكل اللغات )

ملقط شعر

اكسسوارات الشعر

مكواة بخار

مشقر لشعرالجسم

الاهتمــام والعنـــايه:

حمامات مغربيه

عنايه بالجسم

رياضه

حل مشاكل البشره عند دكتور جلدي

حمامات زيت وبرامج عنايه بالشعــر

بادي كير ومانيكير

عنايه بالاسنان

أغــــــــــراض ومستلزمات السوبرماركت (الجمعيه) ومحلات العنايه :

صابون (للوجه + شور جل + للجسم )

شامبـو
مقشرجسم

مزيل مكياج

كريمات عنايه

قطن للتنظيف

أعواد الأذن

أسيتون (مزيل المناكير)

فوط نسائية

كيرفري للاستخدام اليومي

غسول المنطقه الحساسه (ستيل أو كيرفري )

سبراي شعر

جل شعر

كريم شعر (فاشكول )

مناديل مزيله للمكياج

كلينكس ( للشنطه )

كلينكس معطر

فحم سريع الاشتعال (للبخور)

ليفه الجسـم

علكه للشنطه

زيت لوز ( لجفاف البشره )

فرشاة أسنان + معجون

معطر جوللحمام الله يعزكم

ديودرنت+مجموعة عنايه على ذوقك

يتبع

نبض الوفاء · 27-03-2008, 11:27 م

مقتطفـــــــــات :

*إعداد قائمة المعازيم من وقت عشان ماتتعبين

*تأكيد حجوزاتك قبل العرس بفتـــــره

*تشاورين الناس القراب منك في الخطوات الي تسوينها لان النصايح مفيده

*لوحجزتي شي (مكياج – شعر- حنا – كوشه ) وانتي مقتنعه وعاجبـك ... لااااتخلين احد يحيرك الي حجزتيه خلك عليه

*حجز المكياج لاتحجزين لاشخاص كثير معاك عشان تاخذين راحتك ومايكون ضغط

*خلي لك مبلغ بسيط من المهر ينفع لبعد العرس

* لاتنسين الهدايا لخطيبك بين كل فتره وفتره (تقرب القلوب) >> طبعا عشان هو يجيب بعد هههه

* قراء سورة البقره كامله يوم العرس

* لبس الفستان والحذاء قبل العرس والتمرن على المشيه ويفضل مايكوون ثقيل عشان ماتتعبين

* تبتعدين عن السهر عشان وجهك يكون منور يوم العرس

* اكثار شرب الماء واكل الفواكه والاشياءا لمفيده (للبشره )

* لاتتوتريـــــــن ... ترى يقولون أيام التجهيز من أحلى الايـــام حتى لوكانت تعب

الموضوع منقول

وبالتوفيق لك العرايس

أنثى استثنائية · 27-03-2008, 11:47 م

نقــل رائـــع وطرح مفيـــد و هادف
ركزت ِ فيه على اهم الضروريات و احتياجات العـروس
:
كل مميز نجـدهُ بصفحاتك ِ نبض الوفاء
خالص الشكـــر والتقديــر

جوليان · 27-03-2008, 11:59 م

مشكووورة حبيبتي

موضوع جدا متكامل راح تستفيد منه كل عروس

يعطيك العافية على مجهودك

فجر1410 · 28-03-2008, 12:01 ص

يعطيك الف عاااااااااااااااااااافيه

على المجهود الرائع

لك مني كل الشكر والتقدير

تقبلي مروري العط\\فجورة

ام الغلا · 28-03-2008, 12:26 ص

ملف مميز يا الغالية كفيتى ووفيتى بكل معلومة والله

ألف شكر لج وماقصرتى

النظره الخجوله · 28-03-2008, 12:32 ص

فعلا ضروريات لكل عروس

متميزه دوما

ألف شكر لك نبوضهـ

ننتظر منك ما هو مميــــــز و رائع

الله يسعد أيامك

لا هنتي


القرارات والتقسيمات الجديده (يرجى الدخول للإهمية )



		أعلن معنا
أعلن معنا		أعلن معنا