يا صانع المكياج الله يجازيـك
خليتني مخدوع في شـكل خلي
الله يحرق مصنعك مـع مبانيك
والمعرض الموجود في بيكاديلي
ادعي عسى تعمى وتنشل رجليك
هذا دعائي دوم لا جيت أصلي
خليتني اركض ورى البنت هاذيك
وأشـوفها أجمل غرام ٍ حصلي
قلبي عشقها يا حبيبي تو ماتيك
وان شافها قلبي يرحب يهلي
هي رحبت بي وقالت الله يحييك
وقالت هلا باللي عشق زين شكلي
وقالت أنا أجمل بنت في اللي حواليك
شف حسني الأخاذ وروجي العسلّي
طالعتها ثم قلت هالقلـب يبغيك
ومن شاف حسنك خلي غيرك يولي
ابغي أشوفك دون مكياج يكسيك
وابغي أشوفك بالجمال المحلي
قالت تبيني افرك الوجه تفريك
وأشيل هالبودر وروجي وكحلي
قلت أي نعم قومي عسى الروح تفديك
ابغي جمالك هالطبيـعي يهلّي
قالت دقايق راجعه لك واراويك
ذاك الجمال اللي لعينك يسلّي
ويوم رجعت لي شربكتني الشرابيك
وحسيت الارض تدور وانا بمحلي
الخد كنه يا حياتي سيراميك
والوجه شارع مثل شارع حولي
الوجه كنه بيت كله شبابيك
من هالحفر في وجهها اللي يعلّي
كله سبب مكياجك الله يجازيك
خليتني مخدوع في شكل خلي
ونصيحتي لكل شاب من غيرتشكيك
لا لا تسـرع ثم تنغش مثلي
اللي بلا مكياج خلها حواليك
واللي تحط مكياج خلها تولي
والسموحة ممن يعنيهن الأمر من النواعم.
الوالــي.
06-03-2008, 10:47 ص
يا صانع المكياج الله يجازيك..
النمط المتتابع
