تجربة ريجيم ناجحة

bentq8 · 03-05-2008, 11:30 م

إقتباس:

اقتباس من مشاركة ام تالا

مشكوره يالغاليه على الافاده وان شاء الله الكل يستفيد

الله يسلمج حبيبتي

الشاعري5 · 04-05-2008, 12:10 ص

مشكوووووووووره ياقلبي
انا اطلب منكي وصفه تخلي القرش تروح تكون سهله
مساعده سريعه
الشاعري5

bentq8 · 04-05-2008, 12:16 ص

السلام عليكم ورحمة الله وبركاته

شلونكم بنات ؟؟؟؟وشلون الرجيم معاكم؟؟

انا اليوم شبه سعيده....اكيد قاعدين تسألون نفسكم ليــــــــ

ــش؟؟؟؟
انا اقولكم ليش.....بالاسبوع إللي طاف خربت الرجيم حبتين

.....ومن قرادة حظي ما اخربط إلا على حزة العشا...يعني آكل من هنيه واحط راسي وانام من هنيه....بعمركم شفتوا عبط اكثر من جذيه

بس الحمدلله إني على الاقل مازدت

.....بس نزلت 300غرام والحمدلله على كل حال شي احسن من شي

والمشكله كانت فيني انا مو بالنظام

بس إللي انا منصدمه إن اليوم لمن رحت لموعدي قالي الدكتور الحين خلاص راح اعطيج للاسبوعين هاذولي على الغدا صحن مفتوح وبعد جم مراجعه بعطيج رجيم لتثبيت الوزن وقالي :انا الصراحه اشوف وزنج وشكلج الخارجي تمام ومايحتاج للرجيم اكثر جان اقوله:لا والله !!! اول شي فكني من الصحن المفتوح ....والمشوار توه طويل جدامي على الاقل انزل 12 كيلو وعقبها عطني الرجيم إللي يثبت الوزن.....وجنه كلامي ماعجبه وقالي : انا نصحتج وانتي حره

المهم انا دايما اتحدى نفسي ....يعني إذا مانزلت حيل بالاسبوعين اتحدى نفسي بالاسبوعين إللي وراهم وانزل اكثر واحمد ربي واشكره على هالصفه إللي فيني

المهم.....احس الرجيم مال اليوم نوعا ما فيه اكل زياده....والرجيم هو كالتالي:

bentq8 · 04-05-2008, 12:30 ص

بسم الله الرحمن الرحيم

الريوق: جاي+حليب/نسكافيه+حليب/كبتشينو/(ببسي-سفن اب)دايت/قهوه/جاي,,,,,,,,,,,,,,الكميه مفتوحه

الفتره بين الريوق والغدا: نفس الريوق

الغدا:
1)- خضراوات نص مطبوخه(قرع-كوسا-جزر-زهره)+1-2 جبن ابيض/كوب روب+سلطة (خس-ورق ملفوف-خيار جرجير-ليمون-خل)+ببسي دايت

2)- 1-3 شابورة العشرة حبوب بالنخاله +1-2جبن قليل الدسم/ملعقه متوسطه لبنه قليلة الدسم مع كل شابوره+خس طماط خيار+دايت

الفتره بين الغدا والعشا: نفس الريوق,,,,,,,,,,الكميه مفتوحه

العشا: 1-2بيض+سلطة ليمون وخل/شوربه اي نوعlow fat /برتقال1-2
وبالتوفيق للجميع

bentq8 · 04-05-2008, 12:43 ص

إقتباس:

اقتباس من مشاركة الشاعري5

مشكوووووووووره ياقلبي
انا اطلب منكي وصفه تخلي القرش تروح تكون سهله
مساعده سريعه
الشاعري5

هلا والله
انا بنفسي متوهقه بكرشتي

.....بس حاليا قاعده اشربلي اعشاب كل يوم صبح على الريج وقبل لا انام وهي تمشي البطن وانتي بكرامه....والاعشاب هاذي مكونه من(مرميه-اكليل الجبل-سنى مكه) تاخذين شويه باطراف اصابعج من كل نوع وتحطينهم بالكوب وتغلين ماي بدون سكر وتصبينه فوق الاعشاب وعلطول تغطينه بصحن صغير عشان البخار ما يطلع وإللي سمعته إن الفايده بالبخار هذا

اتمنى إني اكون افدتج حبيبتي

bentq8 · 19-05-2008, 12:21 ص

السلام عليكم ورحمة الله وبركاته
الحمدلله الاسبوعين فيه تقدم شوي
اليوم رحت لموعدي وكلي تفائل وامل إني داخله للستينات وواثقه حيييييييل من هالشي
بس للأسف مانزلت إلا .....كيلو إلا يعني كنت بالمره إللي طافت كنت 70,7 وألحين صرت 70 بالضبط يعني نزلت 700 غرام
شافني الدكتور خاطري كلش مو شي جان وراني الكشف مالي إللي فيه الاوزان إللي قبل وقالي شوفي انا شنو كاتب بأعلى الصفحه جان اقول انت كاتب من70-75 قال الدكتور هذا الوزن المثالي لج وانتي الحين 70 يعني اوكي قلت له لأ ودي إني داشه للستينات وحلو لمن اشوف الميزان بالستينات...قالي عالعموم انتي الحين جسمج مافيه وزن زايد او ماي بالتالي راح تكون عملية النزول شوي بطيئه لأنج دشيتي في فئة الضعاف فشي طبيعي مايكون عندج وزن زايد بس انتي شدي حيلج ولا تخربطين وبإذن الله تكونين داشه الستينات المره الجايه
وعطاني رجيم تقريبا نفس إللي قبل

بسم الله الرحمن الرحيم
الريوق: جاي حليب/ كبتشينو/ جاي..............الكميه فتوحه
الغدا: 1-2همبرجر مشوي/1-2بيض/جبن ابيض 1-2
+سلطه ليمون وخل +دايت
الفتره بين الغدا والعشا: نفس الريوق
العشا: جاي حليب +شابوره1-3/بريقال1-2/شوربهlow fat

تكفون ادعولي انشالله بالمراجعه الجايه اكون نازله اكثر وداخله بالستينات

لقاء القلب · 21-05-2008, 02:13 ص

أنامشكلتي في جسمي بعد ولاكن لدي مشكله في الدوره الشهريه ماتنزل اْلا باالحبوب وهذه جعلني سمبينه وكنت أخذ حبوب تنظيم وهو زاد ليه وزني وأنا كنت من قبل ضعيفه

bentq8 · 21-05-2008, 02:18 ص

إقتباس:

اقتباس من مشاركة لقاء القلب

أنامشكلتي في جسمي بعد ولاكن لدي مشكله في الدوره الشهريه ماتنزل اْلا باالحبوب وهذه جعلني سمبينه وكنت أخذ حبوب تنظيم وهو زاد ليه وزني وأنا كنت من قبل ضعيفه

اهليبن حبيبتي
يعني انتي كلش ماتقدرين تخلين الحبوب؟؟؟؟؟
لأن الصراحه من عقب الرجيم......الحمدلله بشرتي صارت صافيه ودورتي ماقامت تتأخر علي ولا تعورني مثل قبل
يعني اشياء إيجابيه صارت معاي منعقب ما مشيت على هالرجيم

bentq8 · 31-05-2008, 09:52 م

السلام عليكم ورحمة الله وبركاته
اليوم الصراحه انقص وجهي لمن كنت عند الدكتور....وللاسف طلعت زايده بس لا تخافون مازدت إلا 400 غرام انا ما خربطت إلا 5 ايام وكنت آكل أكل إللي تدري إن وراها رجيم بالتالي كنت آكل اكل سنه بيوم بس عالعموم الحمدلله إنها بس400 غرام إللي زدتهم مو اكثر
وكان عندي امتحانات بالاسبوعين إللي طافو وهذا إللي خلاني اخربط وافجها بحري شوي
بس من يوم الاربعا إللي طاف وانا ملتزمه بالرجيم وانشالله الله يقدرني واكمل وهذا رجيم اليوم
بسم الله الرحمن الرحيم

الريوق: جاي حليب/كبتشينو/حليب+نسكافيه.............الكميه مفتوحه
الغدا:
1) كبتشينو/جاي حليب+شابورة العشرة حبوب الزرقا
2)توست اسمر عدد2+جبنه قليلة الدسم+خس طماط+ببسي دايت/جاي
3)كوب ذره/بيض1-3/جبن ابيض1-3 +سلطة ليمون وخل+دايت
الفتره بين الغدا والعشا: نفس الريوق
العشا: عكس الغدا

والمره هاذي الدكتور وصى على الريوق وقال ضروري تشربين سوائل وماتاكلين شي ليما الغدا
واكيد الحبوب قبل الغدا والعشا.........ودمتم سالمين

bentq8 · 16-06-2008, 09:13 ص

السلام عليكم....

الحمدلله ياربي والله إني طايره من الفرحه
ابشركم هالاسبوعين نزلت 3 كيالو إلا 400 غرام
وصاااااااااااااااااار وزني 67.8
لأني بالاسبوعين إللي طافو كنت ماشيه عدل مدل على الرجيم والحمدلله طلعت النتيجه حلوووووووة
والله جتني حاله هستيريه لمن لقيت وزني دش الستينات لأني كنت بموت إذا ا دشيتها
المهم الرجيم إللي عطاني الدكتور تقريبا نفس إللي طاف بس فيه شوية تغييرات

بسم الله الرحمن الرحيم

الريوق: جاي حليب/كبتشينو/حليب+نسكافيه.............الكميه مفتوحه

الغدا:
1) كبتشينو/جاي حليب+شابورة العشرة حبوب الزرقا
2)توست اسمر عدد2+جبنه قليلة الدسم+خس طماط+ببسي دايت/جاي

ويوم واحد فقط تاكلين من الآتي:
ستيك / همبرجر مشوي1-2 /صدر دجاج / تونه صغيره بالماء / 4-8 حبات تكا شيش طاووق+سلطه ليمون خل+دايت

الفتره بين الغدا والعشا: نفس الريوق

العشا: نوع واحد فاكهه والكميه مفتوحه / شوربه قليله الدسم والكميه مفتوحه

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط المتتابع التحول إلى النمط التشعبي التحول إلى النمط الأُحادي

يتصفح الموضوع حالياً : 1 (0 عضو و 1 ضيف)