بشريني عنج اذا صار فيه اي تطورات ولا تنسيني من الدعاء

الصراحة ماشالله عليج حييييييل مبين عليج متحمسه وعندج عزيمة قويه.... والله شي حلو وهذا إللي يعجبني فيج عيني عليج باردة واللة يوفقج
ومشكورة حبيبتي على الوصفه ومن عقب ما بينت نتايجها عليج حمستيني اجربها والله يكثر من امثالج إللي ينصحون من قلوبهم

وطبعا كل ما كثرتي من المشي والرياضة كل ماكان احسن ويقلل من ترهلات الجسم مع الضعف....ياليت ألقى وقت نفسج واسوي كل هالرياضة اجي من الكليه تعبانة اتغدا وانام واقعد المغرب وامشي وبعدين احل واجباتي يعني كلش ماكو وقت بالتالي يا بختج

وبعدين بقولج شغلة .....ترا في بداية الرجيم الاكل إللي عطانياه الدكتور مو فارق حيل عن إللي انا نزلتة ألحين ...بس في اشياء لاحظت إن الدكتور كان يكتبلي في وجبة الغدا اشياء بس الحين ماعاد حطلياها مثل الغدا: علبة روب+سلطة عادية ليمون وخل+خضار مفيوحة بماي وملح(زهرة بروكلي ملفوف جزر) ووجبة غدا ثانية على ما اذكر كانت سلطة عادية+شابورة رجيم اسمها(العشرة حبوب بالنخاله )كرتونها ازرق
بس عموما رجيماتة مو فارقة حيل عن إللي ألحين بس في اشياء ثابته بالجيم معاي من بداية الرجيم لي ألحين مثل الريوق والفتره بين الغدا والعشا لازم جاي حليب او كبتشينو
و اكل الحبوب قبل الريوق والغدا والعشا

وانا الوجبه الرئيسية كانت بس الغدا كنت ما اكل عشا بس اشرب كبتشينو عليه+الحبوب
ولا عمرة عطاني حبوب زنيكال او انقع حبه حلوة مثل ماذكرتي في رجيمات البنات
وبعدين انتي قلتي أنج لاحظتي إن كمية الاكل قاعد تقل بالعكس انا اكتشفت نظام الدكتور أنه أذا عطاني رجيم قاسي ونزلت حيل الرجيم إللي وراه يعطيني رجيم فيه أكل .... شفتي الرجيم إللي كاتبته هنيه ونزلت عليه 4 كيلو كان بيعطيني عقبه رجيم يكون الغدا فيه صحن مفتوح يكون نصه سلطة ونصه من الاكل إللي امي تسويه يعني عيش او مكروني او اي شي...جان اقولة من صجك دكتور انا توني ما وصلت للوزن إللي حاطتة فبالي ولوسمحت غيرلي الغدا وحطلي غدا رجيم جان يقوم ويغيرة والهدف من الصحن المفتوح عشان مايختل توازن الجسم من النزول المفاجئ في الوزن بالتالي حطلي الغدا ساندوتش امريكانا اي نوع وقلت للدكتور ترا في انواع فيها زبده ومايونيز واشياء تمتن جان يقولي ماعليج راح ينزل وزنج...بالتالي ما اعتقد ان الاكل قاعد يقل مثل ما انتي معتقده

ونصيحتي لج ابدي من اول رجيم نزلته لأن رجيم البنات إللي جبتيه فيه شغلات مختلفه كليا عن نظامي....وانتي نفس طولي وتقريبا قريب من وزني يمكن هالبنات طولهم واوزانهو غير عني وعنج .......وعاد انتي وكيفج طبعا كل واحد يعرف وين مصلحته

تصدقين إني سولفت حق صديقاتي عنج وكلهم يدعون لج بالتوفيق وانا بعد ادعيلج

وياريت مانزلته لأنك أقنعتيني بنظامك بس بسيطه هي إسبوعين ونبدء من نظامك

عادي اعتبريه تمرين على الرجيم الفعلي والله يوفقج انشالله


وأعتذر إني ماإستأذنتك حبيبتي في نقل نظامك بس والله نقلته وكتبت إسمك كنت حابه قبل ما أنقله أسئلك بس إنتي إتأخرتي بالرد وأعتذر على نقلي للموضوع من غير ما أسئلك إذا وهذا رابط الموضوع إقتبست كلامك ونزلته بالموضوع وحكيتلهم عنك

لا بالعكس عادي ياحياتي ...الله يعلم إني شكثر ارتحت لج وعادتج مثل اختي ومافيه زعل او مشاريه بينا واذا كان الشي إللي سويتيه فيه فايده لغيرنا من البنات انا ماعندي مانع انا احب الخير للناس مثل ما احبه لنفسي ...بس اهم شي يدعولي بإللي يقبله ربي وبالتوفيق إنشالله للجميع

صباح الخير ياعسل أنا من اليوم إبتديت في النظام قست وزني لقيته 89 ونص وإن شاء الله أقولك بعد إسبوع كم صار


وااااااو عن جد ماشالله عليج واللهم مابارك فيج ولا تضرج عيني عليج بارده شفتي شلون مافي شي اسمه مستحيل مع الاراده والصبر والعزيمه.......ذكرتيني بشغله اول مراجعه لي عند الدكتور كنت بيني وبين نفسي اقول مستحييييييييييل اوصل لل 70 خلال 5 اشهر واقل فقلت له : دكتور معقوله يمديني اوصل للسبعين خلال هالمده فقام وطلعلي كشوفات بنات بنفس عمري تقريبا وماشالله إللي نزلت 30 كيلو خلال 4 اشهر وإللي نزلت 25 خلال3 اشهر ومن هنيه حيل تشجعت والحمدلله ماجا عرس اخوي إلا وانا سمبتيكه


بخصوص النظام والله أخذت إقتباسات من كلامك


عادي والله حتى لو ما خذيتي اقتباسات من كلامي انا معطيتج الgreen light وروحي انشالله دربج خضر

يوميات عروس.... انا الحين قاعده اشربلي شغله جان تجين على بالي عاد قلت خل اقولج عليها يمكن تساعدج مع الرجيم والصراحه انا صارلي فتره اشربه لأن في وحده قالت إنه يوخر الكرش ...وهاذي مشكلتي جسمي صاير يجنن بس الكرشه عافسه علي الصراحه
والشغله هاذي عباره عن اعشاب مكونه من : العشرج(سنى مكه)-مرميه-اكليل الجبل
تاخذين كميه شويه بأطراف اصابعج من كل نوع وتحطينهم في الكوب وتغلين ماي وتصبينه فوقهم وعلى طول غطي الكوب بصحن صغير عشان ما يطلع البخار ولمن يبرد شوي اشربيه
تشربين هالاعشان في الصبح على الريج وقبل لا تنامين وطبعا راح يمشي بطنج وانتوا بكرامه