السلام عليكم ورحمة اللة وبركاتة

الصراحة يا الوزيرة احرجتيني بكلامج الحلو ودايما اهل السعودية مايطلع منهم إلا كل شي حلو وبعدين اهل الكويت والسعودية طول عمرهم اهل وحبايب و اللة لا يغير علينا قولوووووووو آمين

انا بالبداية قبل لا اروح حق الدكتور كنت ما آكل شي بس اشرب عصير اناناس واعشاب مسهلة وصج ضعفت حيييييل ليما وصلت 67 (وزني كان بالتسعينات)خلال 3اشهر بس بالمقابل شعري كلة طاح وكلة احس بدوخة واقل جهد ابذلة علطول اتعب
وعقب ماهديت هالطريقة صار عندي نهم على الاكل الريوق والغدا والعشا من المطاعم واللة وكيلج بس شهر ونص ياليت رجعت حق التسعينات ابشرج دخلت الميات وعشان جذية رحت حق الدكتور لأن امي تخرعت مني

الزبدة من هذا كلة إلي ابي اقولة ان الامتناع من الاكل والصوم ماينفع صح راح تضعفين بس راح تكونين مشفوحة على الاكل بس اذا مشيتي على هذا الرجيم راح تكونين شبعانة وبنفس الوقت الاكل صحي ومفيد
وتقدرين بعد اتسوين كل اسبوعين فجة يعني تاكلين وجبة وحدة مفتوحة والافضل تكون على الغدا
وانتي تذكريني بنفسي كنت ما امشي على اي رجيم يعني ماعندي حس الالتزام بأي شي بس الحمدللة اول مابديت عند الدكتور كان اول اسبوعين صعبين من ناحية الالتزام والحين اذاخليت الرجيم احس إني ضايعة وسستم حياتي يعتفس بس انتي انشاللة اول ماتبدين هالرجيم راح ترتاحين لة وتلاحظين نفسج ضعفانة لأني انا اول اسبوعين نزلت 6 كيلو والكل لاحظ اني ضعفت وبين علي هالست كيالو إلي طيحتهم
وخلي خواتج يسوون معاج هالرجيم عشان كل وحدة تشجع الثانية نفسي انا وخواتي واذا ما سوو الرجيم انتي ماعليج منهم وابدي واول مايشوفون الضعف بين عليج صدقيني راح يسوون معاج
ولازم تمشين على الاقل ساعة باليوم واذا تقدرين تسوين رياضة يكون احسن

واذا عندج اي سؤال انا تحت امرج وعطيني خبر اذا صار معاج اي تطورات وانشاللة ربي يوفقج ويضعفج

الريوق:جاي+حليب/نسكافية/كبتشينو الكمية مفتوحة