ذكــــرتــــــــك

ذكـرتك والزمان غروب ذكرتك والمكان الشط بالصدفه

ذكـرتك والـعيون تذوب دمع من حنيني ماستر خافي

ذكرتك يوم شفت الشمس غابت والقمر ينساب من شرفه

ذكـرتك والـنجوم تلون لحاف السماء وتعاتب الجافي

ذكـرتك نـصف قلبي هم شوق وهم حبك ماخذ نصفه

ذكـرتك كـل مـافيني حـنين ودمـعتين وكفي الدافي

ذكـرتك ما ذكرت الى عيونك والجبين و كل ما اعرفه

ذكـرتك مانسيت الى جروحي والانين ودمعي الصافي

انـا اول عـزاي انـي حملت العاشق الي مانسى حلفه

وانـا اخـر عزاي انك نسيتيني وانا طيفك معي وافي

تـلوم الـى تـفانى فـي طـريق مالقى في اخره ولفه

الـى منه بكى كل الندم في حجر عينه غصب ينشافي

اروح ولا طـرت حنيت مثل مضيع يركض على حتفه

ولا نـاديتها كـسر حنيني جوف صدري مثل مجدافي

يـبيك الـي عيونه ماقوت تحمل قليل من بعض عطفه

يـبيك الـى مشالك او مشابك او مشى في سكتك حافي

يـبيك الـي اذا شـافك تلعثم بالكلام وينصعب وصفه

يـبيك الـي يـشوفك شمس والدنيا ظلام ودفتره طافي

انـا قـلت ازعلي خليني اشوف الحنين وش مدى نزفه

انـا مـاقلت خـليني اقـول مـن الـوفاء يالله ياكافي

امـوت ومـا اعود اتذكرك والمشكله طيفك ملا الغرفه

وامـوت وما اعود انساك ياحبي القديم الصادق الوافي


أتمنا تنال هالمختارهـ على أعجابكم
كلمات الشاعر الأمير الراحل / طلال الرشيد

واااااااااااااااااااااااااو كلمات رووعه اختي جبر الخوااطر

تسلم يمنااك الله يرحمه ويسكنه فسيح حنااته

ونحن ذكرناك متميزة

وعدت متميزة

نقل رووووووووووووووعة

ولا يستغرب

فالشاعر طلال الرشيد رحمه الله

هذا يكفيها

شكرا على نقلك

وننتظر بوح قلمك