المهيله
اليوم ابي اشرح لكم طريقة عمل القهوه ادري ان البنات بيتشققون علهيا وادري انهم رفل(يعني محسوبات حريم) ما يعرفون يسونها بس يلا نعطيهم من خبرتنا شوي ههههههههههههه
اليوم المهيله وهي القهوة العربيه
المقادير على حسب الكميه يالحبايب اوكيه وعلى حسب البن ؟
اذا البن العادي فنجال قهوه متروس للدله الواحده
واذا البن من البن البري للدله الواحده فنجال ونص او اثنين.
وذالك بان نضع نصف الكفكيره (الابريق الخاص بطبخ البن ) ماء ....ونخليه الين يغلي وبعدها نضع البن المذكور انفا <<<<حلوه انفا صح والله ادري بس اسوي دفعه معنويه لنفسي المهم
نضع البن علي الماء ونخليه يطبخ لمدة 10 دقائق .
في هذي الاثناء !!!
نذهب ركض الي الدله ونضع مقدار ملعقتين صغيره (مو صغيره مره حقت السكر لا يعني صغيره اخت الوسط ) من الهيل في الدله .....ونضيف بعض الاضافات .
مثل العودي((المسمار)).....الزعفران ...القرفه ....الزنجبيل ((بالبرد)) ... النانخه ...اضافات تختلف على حسب الاذواق .
وبعد وضعها في الدله ونذهب الي البن الا يطبخ ونشله ونخليه الين يركد (((يعني نطفي النار عنه ونخليه الي الدقيقه دون حراك عشان البن يستقر بقاع الكفكيره))) ...ونسكب البن على الدله ...وبعدها نلمسها ع النار(((يعني نحطها شوي ))) عشان يغلي بالهيل ولازي منه.
ثم نشيلها وتقدم مع التمر ساخنه وبالعافيه .
ملاحظه / الهيل على حسب الذوق ممكن يكثر وممكن يقلل
وبس وسلامتكم وانتم سالمين
يلا هذي بس عشان بعض البنات تعرف ولا تتفشل عند اهلها او زوجها وما كتبته الا عشان اكسب اجر فيكم ادري ما تعرفون الا بيض حطه بالماء الين يغلي وطلعه وبكذا كانها طبخت لها ذبيحه ...<<<<<تحطيم من جد
بس الا يسويها يوقولي وش لون شافها معه
السهم
^_^
28-01-2008, 08:05 ص
المهيله للمحترفين فقط <<<السهم
النمط المتتابع
