يسعد مساكم جميعا وربي وحشتوني مريت بظروف خلتني اغيب عن المشاركه بمنتدانا الغالي
حبايبي تصدقون باقي ماتزوجت وانا عندي مشكله مع خطيبي ولا زوجي(لانه صار لنا سنتين وزياده عن النص مملكين) وهي ان خطيبي وحبيبي زعلان من ابويه لان ابويه دايما والله يهديه لما يجبينا حبيبي يكون صامت بشكل رهيب ويالله يتكلم وخطيبي كمان كلامه معدود ولا يجينا الا في المناسبات ولما سالته ليه ماتجينا دايم يقول ان السبب ابوكي كل ما جيت وهو زعلان ويعطيني من زين الكلام وبصراحه معاه حق لاني انا اسمع ابويه احيانا يتكلم بتجريح وفي نظري ان ابويه يسوي كذا علشان غيابه عنا وكذلك يقول اشوفه بارد ما يهمه احد ووضحت لحبيبي وما فاد ويقول مااجي الا عشانك ووعدت خطيبي ان اكلم الوالد يغير المعامله شوي ولكن لحد الحين ماقدرت لاني منحرجه منه كذلك مادري اش اقول وامي ماقصرت بعمري عنها كذا مره كلمت الوالد ومانفع تكفوووون الله يفرج همومكم دلوني على حل والله العظيم محتاره وادعولي يتمم ربي زواجنا على خير ويفرج هذا الهم اللي انا فيه وصدقوني ماراح انساكم من الدعاء في ظهر الغيب ***

هلا فيك أختي نورتي منتداك

اللي لاحظته بمشكلتك .. إن فترة الملكه طالت وهذا سبب من الأسباب اللي تسبب الإختلافات

الحل بيد خطيبك ممكن يعجل بالزواج ويرتاح من حكاية الزيارات والإحراج مع والدك

وممكن امك تساعدك بالتفاهم مع والدك في الموضوع

سنتين ونص كثيره على سالفة ملكه وزيارات أكيد بيصير هناك ملل وتدقيق على كل صغيره وكبيره من الطرفين

اتمنى لك التوفيق والسعاده

طمنينا على أخبارك

الله يسعدك ويوفقك دنيا واخره و تسلمين ياعسل على الرد ...
وربي حاولت المح له انه لازم نتزوج واللي فهمته ان ظروفه شوي صعبه ولو ان فيه ناس ظروفهم اصعب منه بكثيييير وتزوجوا بعدنا وخلفوا وما شاء الله ولا ودي اوضح زياده اني ابي يستعجل بالزواج لان الكل يحذر من هانقطه ولا ادري اش اسوي واهلي مايقدرون يقولون عجل واهله ما ادري عنهم والله يفرجها

اختى ابوك معاه حق في زعله


وهو يخاف عليك


مشكلتك مع خطيبك ماهو مع ابوك


ابوك يشوف ان الولد ماعنده سالفه راح جاي


خليه يعجل بالزواج وخوفي انه ماهو ناوي


ولا سنتين ونص كان يمديه يكون نفسه ويخلص حتى لو كانت ظروفه تعبانه

ربنا يفرج همك ويغير الأحوال للأحسن

أما والدك فله الحق فيما يفعله تجاه خطيبك

وهذه ردة فعل طبيعية من والدك فالمشكلة عند خطيبك

ويجب أن يكون لك دور أساس في هذا الموضوع لأنه يخصك

بمعنى أن فترة الخطوبة تجاوزت الحد الطبيعي لها

ويجب من خطيبك أن تكون لديه الجرأة في أن يتحاور مع والدك
في أسباب هذا التأخير وما هي المشكلة عنده

ويجب عليك أن تطلعي على تفاصيل هذه الأسباب

وليس مبرر ما يقوله خطيبك عن قلة زياراته

ويجب أن يفعل شيء لا أن يتم هكذا.


اتمنى لك السعادة.

احترامي.

الوالــي.

الله يفرج همك

ويتم لك بزواجك على خير يارب


عزيزتي

الحل بيد زوجك الذي لم يتم الزواج

الحل الوحيد هو بيده ....لان الاب لم يكون تعامله معاه بهذه الطريقه بداية الخطوبه او الملكه

لكن بعدين دخل الخوف عليك يا عزيزتي لقلب والدك .

الاب ينظر لمصلحة ابنته قبل مصلحته .

اصري على زوجك بتعجيل الدخله

والله يوفقك يارب

عزيزتي تذكر في كل تاخيره خيره

ولا احد يدري اين الخيره فيه


^_^

للللللللله يوفقك دنياا واخره يااااااااااارب ويتم زواجك على خييييير يااارب

تبين الصراااااااااااحه ............. الغلط كله من خطيبك .... وابوك له حق

بصرااحه يختي الغاليه .... سنتين ونص كثير وكثير فياليت لويعجل بالزوااج

وللللللله يوفقك ياارب

سكوفيلد ’ الوالي ’ الســ&ــم ’ حموودووو ’
مشكورييين من كل قلبي والله لا يحرمني صدق اخوتكم الله يحفظكم ولا يحرمكم من اللي تحبون دنيا واخره ......تحياتي