مالكم في الطويله هذا أول موضوع لي وبأدخل فيه على طول ......
أما من حيث التسميه ماجت من فراغ فأنأ بنت وفي روايه ولد تشوفني مقبل تقول ولد ولي شفتني
مقفي مايبيلها طقة عصا بنت ..أشتغل على القلبتين
أما من جهة المشاركه فهذي هي بين يديكم كود الله ينفخ في صورها وتجوز لكم
هذي الله يسلمكم أمي جتني في يوم قالت : ماودتس تروحين معي لأم فهد مبطين عنها ولها حق
قلت إيه هين لها حق عشانها من الكباريه وبيتها تدخل فيه السيارات صار لها حق ؟؟!! ولا عمتي اللي في الدخل المحدود مالها حق يحلفون أنتس مادخلتي بيتها إلا مره وحده يوم عزمتس عروس
قالت جعل حق عينتس يظهر كانتس علتن من بد البني تبين تخاويني ولا خيسي في بيت أبوتس قلت أفا عليتس إن ماخاويتس من أخاوي أصلن أنا مالي طلعتن الا معتس
رحنا لأم فهد ودخلنا بسيارتنا الددتسن << ترا عندنا سواق بس عشان تعرفون إن ابوي مهوب شين شوين شوي مغير معرسن فوق أمي ثلاث وساحب عليها ومعطيها الخامس واللي تسويه فيني أمي اسقاط مايخالف أمي وتمون..عاد أقولكم دخلونا الشغالات وش نشوف نعنبوهم كل ماجيناهم لي بيتهم مغيرينه حتى عوايرهم متغيره قلت لامي تهقين كم رصيد أبوهم قالت انطمي لا احد يسمعتس قلت الحين يوم ربي خلق نطفتي ماحطها في رحم أمهم ( اللهم لا اعتراض) تسان الحين اتمشى في ذا العز ..
شوي الا زرقت علينا قطيوه طخمى حتى قطاوتهم فيها فكره منتفشه تسنها طاووس < لاعمرتس تشبهين تكفين
وتقوطر سعابيلي ياربيه وشذا القطوه الله يخلف على قطاوتنا وتجي وتجلس في حضني بغيت أموت مدري وش جاني توني أعرف احساس الرجاجيل كل ماشافوا حرمتن تغنج قالوا تسنها قطوه هذي القطوه اللي يقصدون ..
جت أم فهد وسلمت علينا ماقصرت الحرمه الله لايقصر بعمرها طارت بنا طيره من دخلت والجوال في اذنها
وأمي مغير تبولع بريدزها ماقطع الملل الا دخلت بنتها تدور القطوه يوم شفت البنت طقتني الغلقه ياعندها بنت
ود الواحد يزرطها نويعمتن مليساء مشيمشه شعرن ناعم و وبيضاء سبحان اللي عطاهم كلش الزين والفلوس .. وتشيل القطوه وتجلس جنبي يافلبي قلباه ودي اتغطى والبس قفازات يدي غدت تسنها يدين صانع عند يديها مالقيت سالفه
قلت : بكم شريتي قطوتس ؟؟ قالت : بألفين وأربع كانت صغنونه << ياربيه وكبرت عندي . قلت : وين شريتيها منه ؟؟ قالت من فيفا وأنا فاقتن ثمي هوذا خشيم هوذا فويم هوذا حتسي إبيييييييييييه بطاي اوصل البيت واشب على أمي ..ورجعنا وانا اللي اصول الحين أنتي ورى ماتشترين لي قطوه وش حيثها رشا بنت أم فهد نعنبو بليسكم حتى اسامي مثل الناس ماسميتوني اجل هيله ويقولون وراتس شينه ؟بلاي والله من الغبن ماشفتيها تسنها زبده من الدلع وذا القطوه تمالص بين يديها.........أنا ابي قطوه مالي دخل ليش توديني لهم واقعد أشاهق
واناهق دموه ونخارير...عاد أمي ماتوفر تهزيء قالت : الحين أنتي يوم جلستي جنبها غديتي تنتس سيلانيتن مروعه مير الشكوى لله الرجلين رجلى صانع والراس راس شريف أنتي أنهبلتي غايرتن من رشا !!
قلت : مالي دخل ليش جبتيني أنا بنتس وانتي مسؤوله عني صحيح أني شيفه وشعري تسنها ليفه ومافيني من الملح قطبه بس عندي احساس
أنثى, ترا ماجاني في ذمتس وأصك غرفتي وانبطح في سريري أسبوعين مغير صياح أبي قطوه ..وأمي تسنها دجاجتن بتبيض تقبل وتقفي علي وانا على صيحه ولا عاد كليت مت من الجوع
عاد انا اعرف أمي كل شي إلا اني ماآكل داريتن باصير اخوف الجن ...غيرت أمي استراتيجيتها في حل المشكله
وبدت في الاقناع قالت وأنا امتس وين أجيب لتس فلوس منه القطوه غاليه وانا ماعندي شي قلت : مالي دخل بيعي ذهبتس وشو له مخزنته عشان تزكينه كل سنه اشتري لي قطوه وريحي من صياحي ..واقتنعت (ياحليلها ) ورحنا سوق الذهب وبعناه وطرنا على فيفا طارت بوهتي ماادري وش آخذ يازين قطاوتهم زيناه !! ولأني عارفه قدري خذت رماديه كلن على شكله خذيتها بألفين .. ومعها عفشها بأربع ميه وقالي : هذي شهادة ميلادها وجواز سفرها ..قلت : سمعتي يمه شهادة ميلاد وجواز سفر القطوه لها جواز سفر وأنا لا الله ياثرني عليكم يااهلي
حتى شهادة ميلادي ماطلعتوها الاعقب ماولدت بثلاث سنين وحاطين ميلادي 1/7/ ......هـ حتى برجي ماعرفته أشوف حظي مثل خلق الله نعنبو هالعيشه لا ومكبريني من صغري عاد ياحياة الشقى
لفزتني أمي بكوعها قالت : اقول الفقيه جعلتس ماتكبرين آمين تسانتس مثل جهنم هل من مزيد مايملا عينتس شي جعل جهنم تحرق عظامتس (عادي أمي وتمون)
خذينا القطوه وأنا شوي واموت من الفرحه دخلنا البيت ماادري وين احطها فيه قلت يمه وين احطها فيه قالت حطيها في ****** (معصبه طلعت الفلوس من قلبها )
ملت علي البيت مغير ميو ميو الله من الصجه <<<الله من قل الحلم بعد ياهيله
صرت اشتري لها أكل واروح السوبرماركت واصف مع عيال النعمه عند ستاند اكل الحيوانات واتنقى لها <<من قدتي ياهيله عندتس قطوه احلا
وه بس ياشعوه ( هذا اسمها شتيرا اذيناتها طايره قبلها رازه عنيقها تسنها نعامه )تلاحقني تسنها بنيتي جعل يومي قبل يومها اللي تبي تجرب الأمومه تشتري قطوه لي ضاق صدري قامت تدور علي يولوموني فيها ولي بغت تطلع تاقف عند الباب وتقول ميو مره وحده وبسرعه <<أحلفي
جعلها في الجنه وباقي القطاوه في النار
مع الايام تغيرت ماعاد تضحك ولا تسولف وتلصق في الجدران وتصيح خفت عليها كلش ولا شعوه
واطمر يمه هاتي عباتس بنروح نكشف عليها نشوف وش فيها خواطرها مهيب اللي أبي قالت وشو ماعاد عليتس الا هي قلت : امشي بس اجل تموت وهي بألفين لوتبيعيني في السوق ماسويت ريال اها بس امشي رحنا لهم وكشف عليها الطبيب قام خبطها خبطتين تحت ذيلها قال : بس قطوتكم تبي العرس زوجوها قلت : وشو !! معصي تعرس قبلي ماعاد الا هي ناظرني قلت : ياحليلها بلغت !! وأنا أقول صوتها متغير!! ..طيب وش أسوي قال : أبد أمرها هين تدفعين اربع ميه وتختارين المعرس من المحل وتمرح عندنا أربع ايام عسل في غرفه خدمه فندقيه وتجين تشيلينها ملقحه وخالصه قلت : ياسلااااااااام ياحظ القطاوه وأنا ماتسوون لي مثلها أنا من عمري 12 سنه وانا عندي ضخ عاطفي سنيني الاولى حبيت راعي البقاله ( العمش ولا العمى) وسافر والباقي راحت هدر ..قالت : امي أنتي صاحيه نعطيهم أربع ميه يتسذبون علينا لاقينا حريم !! قلت : لا والله تبينها تجيب لي سربوت من الشارع الا بازوجها هنا واحدن له اصل وفصل يابنت الحلال زوجوهم وعينوا على ارزاقهم مايكفي انا طايحتن في تسبد نفسي اربع ميه طقها مرض عديها ضايعتن منتس قالت : قولي آمين جعلتس تضيعين
ولا عاد القاتس الا جثه واقبرتس همتس في القبر ولا همتس في الصدر ولَــي ماقوي باستس << تدعي بس ماتروح بعيد نقت الاربع ميه وهي ماتشوف الجاده واخترت لها قطو ابيض منتفخ يشبه قطوة رشا كود الله يبدل ويحول ويجون لها عييل ملحين تسنهم ابوهم << وش اللي حادتس تشترين رماديه
وطلعت من المحل وانا ابتسي الله يوفقها ويسمت بها جعلها ام عياله وهو ابو عيالها جعله مايعرف غيرها
الله يصبرني ذا الاربع ايام من غير شوشو





منقوووووووله ضحكتني مرررره

رووووعه جالسه اضحك على الاسلوب

يعطيك العافيه

الله يسعد قلبك

ضحكتيني

ايش هل اسلوب

دمتي بالف خير

تحياتي

هههههههههههههههههههههههههههههههههههههههههههههههههه

هههههههههههههههههههههههههههههههههههههههههههههه

هههههههههههههههههههههههههههههههههههه

ههههههههههههههههه




الله يسعدك دمعت عيوني من الضحك

جعل كل ايامك ونااااااااااااسه

زهور الشام


نسيم الحب


برق الشقاوه


الله يسعد قلوبكم


حتى انا ضحكني الاسلوب موووووووووت
هههههههههههههههههههههههههههههه



ربي يسعد حالكم ويريح بالكم

شاااكره لمروركم

ههههههههههههههههههههههههههههههه
خخخخخخخخخخخخخخخخخخخخخخخخخ

الله مير يرج ابليستس يا جوري
مزعتي بطيني من الضحك

شكرا لتس

الله يسعد أيامتس
<<خشت جو مع القصه خخخخخ

النظره الخجوله

الله مير يسلمتس انتي

ولا يحرمنا من طلتس

وربي يسعدتس

ماجازت لكم يعني اكيد مافهمتوا اللغه ههههههههه

وينكم؟

خخخخخخخخخ
خخخخخخخخخخخ

الله يسعد فلبك
وناسه وضحك وفله

بس الاسلوب وخرو عنه حركات

يعطيك الف عافيه على الوناسه