السلام عليكم ورحمة الله وبركاته
انا عندي مشكله ومتعبتني جسديا ونفسيا واتمنى تساعدوني
انا ولدت في تاريخ 16شعبان وماتوقف عندي الدم تقريبا الابعد 37 يوم من الولاده واول ايام العيد جاتني الدوره او زي مايسمونه دم الاربعين و انتهت في اليوم السابع ويوم 21 من الشهر جاتني ثانيه وبقت معاي خمس ايام معنا انا دورتي دائما سبع ايام ويوم الثلاثاء المغرب من اللي توه طايف نزل مني دم وللان هو موجود
شالحل نفسيتي تعبت وجسمي بعد احس ان ظهري منكسر ورجلي اليمين ما اقدر امشي عليه معني هذه المره الثانيه اللي اولد بس في المره الاولى ماجاتني الدوره ابعد الاربعين الامره وماجاتني ثانيه الابعد سنه ونص
انا الان اخذ حبوب منع الحمل بس من نزل عندي الد هالمره وقفت قلت يمكن منه معني ماخلصت الكورس كله باقي فيه يمكن خمس حبات واللي استخدمه خفيف لاني ارضع بنتي طبيعي بس فهل تتوقعون انه من الحبوب
اسفه على الاطاله بس اتمنى تفيدوني لاني تعبت مره
وحاولت اروح المستشفى بس ظروف العمل حق زوجي ماتسمح
واتصلت على كذا دكتوره بس ماعطوني مجال حتى اتكلم دائما يقولون مشعولين
واسفه مره ثانيه

ما تشوفين الا العافيه ....... بس اعتقد انهم ما نظفوك بعد الولاده يعني لازم تروحين المستشفى . ويمكن تكون الهرمونات متلخبطه عندك . الامر مش هين عشان تتعذرين بدوام زوجك لانك بعد الولاده محتاجه فيتامينات وبعد قاعده ترضعين .لازم تعملين فحص للدم .ولا شلون يستفيد الطفل وانتي صحتك كذا .ولاتنسين كثير من النساء تجيها كئابه بعد الولادة من نقص الفيتامينات .تحياتي

مشكوره اختي روز عالرد
بس انا قبل كم اسبوع سويت سونار للرحم وقالت لي الدكتوره انه الرحم نظيف مافيه شي
ولاادري شسوي بالصراحه خوفتيني بحاول قدر الامكان اني اروح اليوم

والله اختي ماعرف افيدك...
ينقل للقسم المختص

انا اقول ممكن من الحبوب .. لان معروف اذا اخذتيها وقفتيها فجأء من غير تكملي الشريط بتنزلك دوره غزره شبيه بالنززيف .. وغير ان الحبوب بتاثر على هرمونات الجسم وبتغيرها .. وبتلعب في جسمك كاامل .. ((من خبرتي في الحبوب ))

ياترى اخذتيها بوصفه ولا من عندك .. !!

"

الله يعينك اختي .. وافضل ان تراجعي مع طبيبتك ..

ما قدامك الا العافيه

المرحه يمكن الدوره هذي تدور الحمله حريمناا الاولياات يقولوون كذاا اذا جتهاا الدوره اكثر من مره في الشهر يقولون تدور الحمله ويمكنك مااستعملتي الاشيااء الي تستعملهاا النفسى تعرفين الادويه مثل المعمول المره والملح والادويه الشعبيه واتمنى انك تستفيديين من اخواتك الي ردو عليكي

مشكورين أخواتي عالردود
جزاكم الله الف خير
انا رحت للدكتوره وقالت لي من الحبوب وتركته على طول
وعلى فكره الحبوب ماخذته بوصفه طبيه
بس امر الله انه مايناسبني