.
.
.
.
.
.
.
.
هلا والله
السلام عليكم
طبعا أنا موضوعي اليوم
وهو موضح بالعنوان
هل مره شافك ولد بالغلط وانتي بدون عبايه؟
قولي لنا بالتفاصيل ................

انتظر ردودكم..

هههههههههههه
انا تزوجت بسبة هالحركة
كنا في مخيم وصحيت من النوم 7 الصباح وتزينت ولبست نظارتي الشمسية ورحت للمطبخ وفجأة لما دخلت صادفني ولد عمي وطارت عيونه وقزني قز عاد الشباب والقز فن
المهم وبعدها صار يتقرب ويتميلح وصار اللي صار واحنا الحين متزوجين من3سنين

اما القصة المضحكة انو لما كنت في المتوسط وطبعا كنت اتغطى طلعنا انا واختي في حوش بيتنا ولقينا سيكل جبلي كبييييييير مدري من حقه قمت قلت بركب ودفيني
وياليتني ماركبت
دفتني بقوة فقمت لفيت على جهة الحوش اللي فيها ملحق اخوي وكان عنده اصحابه والسيكل منطلق بغيت ادخل واقلط معهم قمت بقوة رميت نفسي عالأرض قدام الشباب وشافوني وانا اتدحرج ببجامتي عالأرض ورحت اركض والسيكل تزحلق وصقع بالجدار رحنا انا واختي ركض واتخبينا وباخر الليل طلعنا اخوي معصب ووده يطقني وفيه الضحكه قال تدرين وين القهر انا صديقي توه شاري السيكل وجاي يورينا ايها وانتي لزقتيه فالجدار لين تحكك
والحمدالله عدت هالسالفة على خير

يسلمووو على الفكره
اكيد اي بنت يحصل لها مثل هذي المواقف
وعني انا عدي واغلطي خخخخخخ


ننتظر جديدك يالغلا

ههههههههههههههههه

يعطيك العافيه

فعلا مواقف تسير

( شافك ولد بالغلط ياليته بالغلط وبس كان تهون)
خخخخخخ


حنونه لك التحيه

مراحب حنوووونه
رجعت اقولك موقف .. لعيونك
مره كنت زيارة قريبه مريضه ,,
وكثير امون عليها
رن الجرس ورحت افتح الباب
والا وجهاً لوجه اخوها ..
وارجع اسكر الباب خخخخخخ
بعدها بـ ايام استلمني مسجات
وما ارتحت الا لما قلت لاخوي عنه .. وعرف يوقفه عند حده

لاعدمتك يالغلا

أنا عاد مو من كثر طلعاتنا عشان تصير لي مواقف


بس صديقتي كذا شافه ولد خالته وبعد كذا جاء يخطبها والله يوفقها لسى ما تزوجت

والله مواقف تفطس ضحك الله يسعدكم ضحكتوني الين شد وجهي من الضحك الله يوفقكم..

..(( تقبلوا مروري ))..
وانا بفكر في موقف صارلي واجي اقولكم انتم تمونون ..هههههههه

مره صارت لي هذي الحكايه..............
كانت بنت خالي مريضه وهي طالعه من المستشفي و بعد ما سوت التحاليل جابها خالي لبيتنا عشان تغير جو معنا ويوم رن الجرس راحت الشغاله تفتح الباب قلت لا ماحد يفتح الباب غيري والشغاله تناديني "انتا تعال هنا أنافكي باب" ولا أفتكرت فيها و رحت أركض بكل قواي العضليه والعقليه "تدرون البنت توها طالعه من المستشفى أكيد بفزع أنا" ويوم طلعت حسيت أني لمحت أحد في الزراعه بس من الرجه ما ركزت و فتحت الباب ودخلت بنت خالي ولما جيت أدخل البيت التفت على الزراعه وإذ به المزارع المصري قاعد يبّحر فيني وكأنه قاعد يقول "مين العبيطه دي" طبعا وجهي طاح
و خبتني بنت خالي بالعبايه حقتها...... وقعدت طول اليوم والرايح والجاي يتمسخر علي حتى الشغاله و البزران.......
شفتو ضريبه الرجاجه والقافه لو أني مخليه الشغاله تفتح مو أحسن بس للبقاره أحكام........
دمتم بعباياتكم......