السلام عليكم
حلم طيف
تراودني في احلامي ،، الحقيقه ماقد شفتها في الواقع
بس حلوه ،، في الحلم عذبه ،، رقيقه ،،
كل شي من وصف جميل فيها ،،
وكل ماسوي قصيده وبغيت اوصف تذكرتها وكتبت من وصفها بيت
واليوم ،، كان حلم خاطف مامداني اشوفها عدل
تصويري لها فقط في لمحه
عبر هذي الابيات
اتمنى ان تروق لكم اخواني واخواتي
شـفت عيــنه وفتـنـتـني وسحـرتـني وذبـحـتـــني
وشفت خطواته وضاعت كل افكاري بشــــــوفه
كيف شوفه وكيف يوفه وكيف تفكيري هزمـــني
من حلاته مابقالي شي واوصف له وصــــــوفه
كيف نسج الوصف يحلى والغزيل عاندتــــــــني
مثل ذيـــار ٍ تذيــر ولـتـمـحت إلا عـطــــــــــوفه
ماتكحل شوف عيني ولا روى رويا امهلتــــني
رسم واضح في ثواني وانطبع اقصى حـــــروفه
مثل شامخ عود طوله ياحلا عذب ٍ بهـــــــــرني
افتديه بكل عمري والعمر اجني قطــــــــــــوفه
مالكني ما مـلـكــــته وان مـلـكـته كم أســــــرني
وكم حبه راح قلبي وكم ليلي مع طيــــــــــــوفه
وكم نسجت ابيات شعري والشعر لجله يحـــــني
والقلم لي دار يسبح سابح ٍ يشكي ظـــــــــــروفه
يشتكي بعده وقربه والمسافه فيه تضــــــــــــــني
والرسم لي حل غيره بان لي مصعب كلـــــــوفه
مايوازي البيت شطره دون لا يحضر بمتــــــني
وكل اركان القصيده تنتشي فرحة صنـــــــــوفه
يادياوين المجرب من البحر اغرف وعطــــــني
ان لقيت اشباه دره صف يامكمل صفـــــــــــوفه
مايعرف الوزن شاعر دون لايشعر ويجــــــــني
ولايمر الوقت عابر وان عبر عبرت غــــــدوفه
هذا ان كانت لـيـــــــــالي واللـيـالي حبر حــزني
والحزن عني تبعد مبتعد ماهوا صـــــــــــــروفه
استسيغ الحب جاني والجنا جنوه يضمـــــــــــني
وان تعانق ود ودي شابكت ايدي زلــــــــــــوفه
هكذا حب المتيم من جنون الوجــــد يـــــــــــدني
والذي عاشق ومثلي ذاق اصناف معـطـــــــوفه
والختم بزكى الـتـحـــيه والـصــــلاه بكـــل اذني
ع الشـفـيع بيوم حــاشر للـبـشـر من كـل لــــوفه
محمد المبعـــوث فـيـنا رحـمــة ٍ في كـل افــــني
ياصلاة الله .. واكثر و وردنا الكــــــوثر رشوفه
كلمات : حارس الليل.....
16-10-2007, 08:57 ص
.. شفت عينه ..
النمط المتتابع
