السلام عليكم ياأخواني وأخواتي أنا بطرح لكم سالفتي انا متزوجه ولله الحمد ومبسوطه
مشكلتي هي انني جميله ولله الحمد وزوجي اقل مني جمال هو واهله بكثير
طيب انا واهلي واقاربي جميلين جدا وهم العكس طيب هذا الشئ يضايقني خاصه انه احيانا الشيطان يسيطر على عقلي واجلس افكر انا ليه ماتزوجت ناس في مستوانا بالجما ل وزي كذا والله تعبت من التفكير وارجع واقول قسمه ونصيب..............
بس والله العظيم ان زوجي قمه في الشخصيه والاخلاق والطيبه وكمان ماشاء الله متعلم ومرتبه وكل شئ واهله طيبسيييين والحمد لله بس مشكلتي زي ماقلت لكم
................. الشكل والمظاهرلان اهلي يحبو المظاهر واهل زوجي العكس مره بسيطين
وأكثر شئ خلاني اوافق على الزواج مرتبة زوجي وعلمه لانه متعلم وطموح ماشاء الله..
اريد منكم حلا وردود صريحه على اللي انا كاتبته...........بكل صراحه

اختي ابعدي وساوس الشيطان عنك ولم نسمع أن مقياس الرجل جماله

فالرجل بدينه وخلقه(كما ورد عن الرسول) وزوجك يتصف بهما

وبالنسبه للبساطه أريح بكثيرررررر من المظاهر وقارني بين معيشة أهلك وأهل

زوجك وسترين الفرق

فااحمدي الله على النعمة التي أنت فيها وتذكري أن كثير من النساء تتمنى لو ربع زوج

وبالشكر تدوم النعم

وعليك بالاستغفاررررر يزول همك وتنحل مشكلتك

الله يصلحك يا حلووه والله كلامك عجيب...
ولاتزعلين من ردي...
وش يعني يكون الرجل جميل
اهم شي دينه واخلاقه...
وبعدين وسامة الرجل في نظافته واهتمامه..
واكيد زوجك مو بشع وصعب المنظر...
عزيزتي لست اول الجميلات...
كثير بنات جمالهم باهر....
ولهم نصيب من الزين... لكنهم جالسين في بيوت اهاليهم
مالقووو ازواج عادين او حتى موضف بسيط..

انتي في نعمه احمدي ربي واشكري فضله..
وروحي لزوجك حبي راسه ويده وقولي يدوم وجودك بيتك...

اعتذر لوكلامي ازعجك بس نحتاج بعض القوووه حتى نفيق من غفلتنا...

أختي .. أنا حالي من حالك .. أنا وخطيبي الحين بيننا شوية مشاكل بسبب قلة اهتمامه كتبت عنها من فترة ووصلت بينا اني طلبت الانفصال ... وكنت أقول في نفسي يحمد ربه اني وافقت عليه ... ولا وحدة بجمالي وبمستواي ما تاخذه ...
لكن عمري ما فكرت هالتفكير بدون سبب .. بصراحة كانت تصرفاته تخليني أفكر بهالطريقة غصب ...
قبل شهر كان عنده إجازة و زارنا في البيت بس انا ما رضيت أقابله وبعدها بيومين زارنا مرة ثانية وقابلته بعد إلحاح الأهل بس كنت مرررررررة باردة معاه وكان لما يتصل ما أرد عليه وإذا رديت أرد بكل بروووووود .. وقبل أسبوعين اتصل و حاول معاي اني أرجع مثل ما كنت وقالي انه محتاجني وانه ما راح يرفضلي طلب بس أوافق أكمل معاه بصراحة حسيت ان موقفه قوي وانه بجد شاريني .. بس خايفة يكون كل هذا كلام خاصة انه في غربة .. وأنا ما ودي أجرحه بس في نفس الوقت مو قادرة أرجع مثل أول .. أنا الحين اتعدل اسلوبي معاه في الكلام بس ما أبادله كلام غزل وحب وهو يقولي ليش تعامليني بهالطريقة أنا ما أستاهل منك كل هذا .. وأنا أحس اني كفاية عطيته مجال يكلمني ورجعت أكلمه عادي ولا كأن شي حصل بس ما عندي استعداد أقدم أكثر لأني ما أضمن ان مشاعره تستمر لبعد ما يرجع من السفر ....

حبيبتي .. أنا حبيت أقولك احمدي ربك ان حياتك مستقرة مع زوجك وانه بالمواصفات اللي قلتي عليها .. وأنا لولا بعض التصرفات اللي تضايقني من خطيبي مافكرت هالتفكير ....

الله يوفقنا جميعاَ

ودعواتكم لي .........

احمدي ربك البلا في رجال حلو يطاردونه البنات
واهم حاجه الاخلاق والماده

عزيزتي تعودي بالله من الشيطان وخلي بالك من زوجك قبل ماتندمي

اختي الله يسعدك دنيا واخرة

والله يعينك على نفسك بس اعرف ان الجمال والمظاهر زايلة ما يبقى الا الذكرى الطيبة وهي الحظة الي اعيشها في كل يوام ااحاول اني اسعد روحي واسعد نفسي وممكن الانسان إذا عاش في بيت علم يصبح عالم وإذا عاش في بيت تهمة المظاهر اكيد راح يتأثر فيها وصعب انه يتخلص منهها ولازم الانسان يجاهد نفسة ويفكر في اقل منه مستوى من المادة والجمال ويقتنع انها ابتلاء من عند الله الا تحسبين الله يمد هذا بمال او اولااد او حسن خلقة هو رضى من الله ممكن ابتلاء من الله مثل يوسف عليه السلام

ورضي بما قسمة الله لكي واحمدية على النعمة ترى النعمة زوال وتحتاج منى الحمد والشكر والرضى

ولله يوفقك ويثبتك ويثبتنا معاكي

الله يرضى عليك..مو مهم الجمااااال اهم شي يكون شكله مقبوول

موزوجك اخلاق وقمه في الاخلاق خلاص اقتنعي فيه

واحمدي ربك على استقرار حياتك معه..

عمره ما كان الجمال مهم في الرجال اهم شي الاخلالالالالالالالالالالالالالالالالالالالالالالا لالالالالالالالالالالالالالالالالالاق والعشره الطيبه والاحترام والتقدير

الله يعطيكم العافيه على ردودكم ومساندتكم لي وجزيتم ألف خير وأنا أقول اللهم لك الحمد والشكر لا والله أنا مبسوطه بس الشيطان أحيانا يأثر علي بالعكس زوجي ولله الحمد شكله وسيم مو شين للدرجه هذي بس أحيانا أقارن بجمال عائلتي فقط ولكن ............
اللهم لك الحمد كما ينبغي لوجهك وعظيم سلطانك وأبعد عنا الشيطان ووساوسه يارب.
وشكرا لكم جميعا وجعل الجنة داركم وقراركم .........