خلى الزوج صديقك لا زوج فقط !--صارحيه لان الصراحة راحة --اشتكى منه وله لما بينكم مشكلة ارمى نفسج في حضنه !! واشتكى له من نفسه بدل ماتتسرب اسرار علاقتكم بره البيت وحسسيه انه اهم شيئ بحياتك--وانه الانسان الوحيد اللى يعرف كل شيئ بداخلج --- الصداقة بين الزوجين من اروع ما يكون -صدقينى مع الوقت يبدا يعرف بشنو تفكرين بدون ما تتكلمين ؟ ويعرف بشنو تبين بالضبط من النظرات ؟==وانت بعد !
الموضوع يا جماعة --بين الزوج وزوجته اكبر بكثير مما تعرفه بعض الزوجات (الزوج) مورجل يجامعنى وانجب منه عيال وبس !!!! لاوالف لا--
الزوج اب واخ وصديق كل شيئ
يعنى انسان يمتلك احاسيسك وجسمك ويسيطر على حواسك ما يستحق ان يكون الدنيا ومعانيها
خليه صديقج في كل شيئ --اطلبى المشورة منه واهتمى برائه وخلى السوالف بينكم مولازم تكون حصريه على البيت والعيال --
شاركيه في كل مايحبه
دائما قولى له انت في الصورة ومالى غنى عنك وانت سندى ---
وانا وانت روح تسكن جسدين -
وبس سلامتكم

وربي يالغاليه ان ودي ارمي نفسي على زوجي مراااااااااااااااااااااااات كثيره وابكي لايواسيني لايقولي شي بس الاقي حضنه مفتوح لي للاسف دايم يصدني ويقولي مااحب الحرمه اللي تشتكي وتبكي حتى لما نتهاوش ويشوفني ابكي يجلس يتريق علي ويقول ياحبك للنكد اقوله الحين دموعي نكد وانت اللي تبكيني حتى لما مديت ايدك علي واهنتني ماجيتني وقلت لي اسف وربي ياام الغلا انه لما مد ايده ماكنت اقدر اتحرك ولااسوي شي واهله كانوا زياره لنا مم مدينه ثانيه وربي قمت بواجبهم لاني كنت ببيت خاص فيني وسويت لهم احلى غدا وباين علي التعب ولااقدر اتحرك وراسي باين فيه الطيحه لمارماني على الارض بس قلت لهم زلقت بالحمام ماابي اشوه صورته عند اهله حتى وربي ولااحد من اهلي يدري ولا قالي تسلمين ولاتعبتك ولاحتى اعتذر مني ومو بس غدا حتى العشاء وانا في قمة تعبي كل شوي ادخل غرفتي ابكي من التعب والالم ولاحسستهم بشي في النهايه يقولي مااحي التشكي ولا احب غالدموع الله يسامحه فيني وانا وربي دايم اسولف معاه وهو بعد بس شي يحزني شي احتاج حضنه مالاقيه ياانه مسافر او انه يصد عني اسفه طولت عليكي حبيبتي
ام لمار

اللة يعطيك العافية ام الغلا واشكرك على الموضوع

هلا فيج اختى ==ام لمار
الله يكون في عونج والله عورتى قلبى وحسيت اشلون نفسيتج متحطمة --بس انت سوى اللى قلته لج في اخر موضوع لج --وبعدين يمكن زوجج ما يحب المراة الضعيفة وحاولى تغيرين استايلج يعنى صيرى لينه مرة معاه ومرة شادة بس عاد على حسب موازنة امورج معاه يعنى مو عناد على الفاضى وانت اذا شفتيه متضايق او حتى عادى ما فيه شيئ --لاتكثرين القعدة معاه خليه يتشفق شوفتج ولا تكون دمعتج على خدج كل شوى ترى الرجال يملها وما راح تكسرين قلبه خليها عزيزة وهم ليش تطوفين مدة يده عليج !ترى اذاخليته راح يا خذها عادة لا والف لا ---علميه حدوده معاج
اسمحيلى طولت عليج بس انا ما احب اشوف متضايقة وما ارد عليها خصوصا انت يا الغالية
والله انى احبج والله يسمح امورج

حبيبة قلبي كلماتك هونت علي وعلى نفسيتي بس يالغاليه اذا شديت وكنت قويه معاه يقول مااحب الاالمراه الضعيفه ضعفها قوه الله يسامحه على كل ماسوى فيني بس له اخر فرصه واشوف بيستمر بخيانته ولا بيختارني على الحيه حسبي الله عليها بس اللي مهون في خطاري ان الله اذا احب قوم ابتلاهم لاني يشهد ربي علي ماعمري اذيت احد او سويت شي لحد حتى لو اذاني احد اقول حسبي الله ونعم الوكيل الله يخليكي ليه وماتحبين الا اللي يحبك
ام لمار

يعطيك العافية

كن صديقي !!!!!!!!!!!!!!!!!!!!!!!!

نادرا مايصير الزوج صديق ........فيه شرط مهم للصداقه .وهو ان تكون الميووووول متقاربه
لكن لما يجي واحد رايه شرق وزوجته غرب مستحيل يكونون اصدقاء
مثلا انا غالبا لما اطرح موضوع على زوجي سواء عائلي او مادي او بخصوص العمل دايم فيه اختلاف وننتهي بهوشه ....................عشان كذا خلاص ماصرت اقوله الا الاشيا المهمه واللي لازم يعرفها بس
لان الرجل غالبا يحب ان يصغر المراة ............

ماشاء الله وحده من زميلاتي تقول زوجي صديقي.........والله باين من خلال كلامها التفاهم والانسجام ...............


الله يرزقنا


امنيه (مابيه صديقي ابيه خاتم في اصبعي بس )