السلام عليكم:
ما ادري وش اكتب بس والله طفشت وتعبت مالي الا الله ثم انتم مليت من وضعي كذا
صار لي متزوجه فوق 6 شهور وتعبت ما احس زوجي يفهمني(شخصيته حلوه وهو انسان كويس)بس كنت في بيت اهلي
عاااادي كل واحد يسولف ع الثاني يقوله عن حياته من يقوم الين ينوم نضحك ونسولف
يعني 24ساعه مشغوولين بس هنا غير ما فيه احد اكلمه زوجي ع الكمبيوتر دائما
واحيانا يسولف واذا ماله نفس يكمل يسكت واحس انه يسفه (بعدها اقوول ليش اتعب
نفسي اسكت احسن)كل واحد عايش حياته بعيد عن الثاني مثلا يطلع ويدخل متى
ما بغى حتى ما يقولي هووين طالع اوحتى اصلا هو بيطلع ,ما احس اني على باله
يتاخر ولا يقولي بالعربي شكله ما حس ان عنده زوجه في البيت,ما حسيت بوجودي
ممكن الى الان ما طلع من جو العزوبيه،وحاااولت اسووولف معه,اتقرب منه بس مافيه
فايده(اذا كلمته ع الجوال واقول له مشتاقه لك احس من صوته زي الي يقول وش عندك
)اشغلت نفسي عنه بس مااافيه فااايده مطنش,نفسي نعيش اصدقاء كل واحد يفتح
قلبه للثاني,,والله تعبت احيانا اذا رجعت من عند اهلي اصيح اتذكر ايامي عندهم....
حاولت معه بس ما قدرت لاتقولون لي كلمي او صارحيه لاني بجلس اصيح ولا راح ياخذ
مني لا حق ولا باطل(وبعدين وش اقول له اجلس معي واهتم فيني؟؟مو تجي منه احسن وبعدين ممكن يجلس من غير نفس)
واذا كان السبب مني او التقصير ليش ما يقولي او يكتب لي في ورقه او رساله ايميل
(لانو مره تكدر خاطري منه وكتبت الي فيني في رساله وعطيتها اياه وتصحح الخطا بدون
صيااااح)تكفففون ردوعلي ولو بدعوه والله اكتب لكم وانا ابكييييييي...

8

8


اختيـ العزيزهـ

ولإيجاد الحل أولاً علينا معرفة الأسباب ومسك طرف الخيط

من واقع تجربتي

ان كل رجل وكل امراة له مفاتيح الى قلبة

وكل زوجة بذكائها تعرف ماهي متطلبات زوجها

حتى لوكان من محبين الخروج من البيت عليك اختي ان تتحملي وان لا تناقشة بعد

مايرجع للبيت

اولا استقبلية بابتسامة فان الابتسامة حل لجميع المشاكل

كرري كلمات الاشتياق قبل خروجة وبعد مايرجع

كوني باحسن صورة دائما ويكون البيت نظيفا ومعطرا

كل هذا الكلام يبعد عن البيت اكثر

عليك ان تصبري وتستمري بحسن المعاملة

ولا تيأسي وركزي على مفاتيح قلب زوجك اذا كان بالطبخ او خف الدم او المظهر اوالهدؤء

في البيت وهكذا

واخيرا لاتنسى الاكثار من الدعاء

واتمني الحياة السعيدة لكي والجميع انشا الله

لى رجعه ان شاء الله

أهلا بك

هذا الشيء يحدث كثيرا في بداية الزواج

لكنه لايستمر وسيبدأ التغير غالبا بعد سنة من الزواج

لكن تجنبي كثرة مناقشة هذا الموضوع معه

وأظهري السرور والسعادة ولو أنها غير حقيقية

ولاتناقشيه كلما دخل المنزل000لأنه سيدخل وهو مشدود الأعصاب

ثم يغضب لأول حوار 00ويبدأ بالبحث عن أي شيء يشغله عنك

هربا من النقاش000
واعلمي أنه مع الوقت يزيد الحب وتزيد الألفة

كان الله بعونك

عزيزتي لاتحكمي على زوجك من السنه الاولى
غالبا يكون الازواج لسا ماتأقلموا مع حياتهم الزوجيه
خصوصا اذا هو متزوج صغير شوي
يعني لسا مااستمتع بعزوبيته
انت بامكانك تستمري على وضعك اكثري من رسائل الشوق له اذا كان برا
واذا دخل البيت رحبي فيه كانه داخل عليك ملك
بمعنى خليه يحس انك فعلا كان ناقصك شي ولما جا لقيتيه
لاتكثرين عليه بالكلام اذا شفتي نفسيته مو مره
سوي اجواء رومانسيه في البيت
خليك يتعود عليك ويكره فراقك
ركزي على الحاجت اللي يحبها
وفي الاخير اكيد بتقولين
ليش انا اسوي كل هذا وهو ماسوى لي شي ؟
بقول لك الشكوى على الله مالنا الا ازواجنا مانقدر نتزوج عليهم اذا طفشونا

ربنا يكون في عونك ويغير أحوالك إلى الأحسن...

الأخوان اللي سبقوني ما قصروا والله فاصبري وأعتمدي على الله دائماً واستجيري به.

فما دام زوجك شخصيته حلوة كما تقولين فتأملي بالله خيراً وقد تكون ظروف عابرة وتزول.

فعامليه برفق ولين ولا يرى منك إلى الطيب عسى الله يساعده ويغيره إلى ما تحبين وترضين.

احترامي.

الوالـــي.

اختي تفاحه حمراء الله يسعدك في الدنيا ولاخرة

هذي وجهة نظرك انتي ولكن لازم يكون عنده وجهة نظر اخرى في كتب تحدث عن اسرار النفوس تباع في المكتبات وانما وشخصيات كل شخص ومجال اهتمامتة وكيف التعامل مع اصعب البشر وكلنا نعاني ولكن ككل انسان بطريقة ولكن حاولي انك تفهمي انه ممكن يكون طبيعة الهدو الصمة والتحدث في المواضيع المهمة وانسان جاد او ممكن انسان عنده بعض الاختبارت يجرب كيف راح يتحمل الانسان واهم شي مو مهم ايش نقولة للشخص الذي امامنا او طريقة طرحنا للسؤال ولكن كيف نطرح السؤال بصيفة للتنفرة ( ولكن يبقى كثير من البشر تصرفاتهم غامضة)

والله يوفقكم ان شاء الله

مشكوووورين والله يعطيكم الف عافيه..حبت اقول لكم اني ما قصرت من ناحيه اللبس

والابتسامه والمعامله الكويسه,واذا شفته مطول ع الكمبيوتر اشغلت نفسي في اي

شي عشان ما اترك مكان للشيطان بعدين تصير هوشه..وقريت كتب واستفدت منها

_وحاولت انو يقراها بس ما فيه فايده-غالبا ما اتصفح النت عشالن المواضيع الي تنفعني


وسويت اجواء رومانسيه بس ما شجعني اكررها

ماااااااااااالي الا الدعاء والصبر وان شاء الله تكون السنه الاولى بعدها يتعدل

كل شي...

والله قلبي معاك وياريت لو يتغير فأنا صارلي سبعة سنوات متزوجة
ولسة زوجي على هالحاللا يناقشني ولا يقول كلام
حلو وأديني صابرة ان الله مع الصابرين والله زعلانة عليك كتير وعلى حالي كمان
ياريت يجعل أخرتنا أحسن من دنيتنا

اميــــــــــــــــــــــــــــــــن..

وما لنل الا الدعاء يا اختي ذكرياتي