عندي حكي ياصاحبي لازم احكيه = وأبينه لهل العقول الفهيمه

لو الزمن نعلم وش ادنى خوافيه = نترك هزيل الوقت لرضا عظيمه

واليا امتلى صدر السنافي مشاريه = يصير صمته عيب واكبر جريمه

وانا لو اتجاهل هروج المسافيه = تحدني على الكلام.. الظليمه

بقولها والعلم مافيه يكفيه = الحر يفهم.. والبهيمه بهيمه ))

الرجل لو ما عاش من مدّة ايديه = عيشه على مدّات غيره شتيمه

ومن لا استحى كل شي يقدر يسويه = ولا للمنافق بالحياه اي قيمه

والعمر مهما نعيش معروف تاليه = ولا يبقى ذكر الا التقي الصتيمه

والصاحب الكفو السنافي ابديه = ولايضيع فيه الطيب الله يديمه

ومن لايقدر خوتي ويش ابي فيه = فرقاه عن عيني غناه وغنيمه

اقدر الطيب واحشمه واخاويه = ولا التفت لهل الردا والنميمه

وشرواي ؟راع المصلحه ما يدانيه = واللي مثل شرواه يبقى حميمه

ولا كل ماكنه على الناس اببديه = في وقت مابيض النوايا سليمه

ولو كل خاطر مجبر أني اداريه = ابلشت فكري بالعقول السقيمه...

قصيدة قوية جدا

تستحق النقل

وروعة المنقول من روعة الناقل

شكرا

مشكور اخوي في الله
على المروووووووور

.. صح لسانك ولسان من قالها ولاهنت


والله يعطيك العافيه

سلمت يداكي
علي النقل الرائع
تقبلي مروري

تسلموووووووووووووووووووووون ياحبايبي على المرور