السلام عليكم ورحمة الله وبركاته ..
كثرة الشكوى من المجتــــــــــــــــــــمع من حولنا ..ماقابلت وحده الاوهي تشتكي ...من كل اللي حولها ..من الدائره الاوسع اللي هي المجتمع الى داخل بيتها وهو زوجها ،،
نبـــــــــــــــــدأ....من اهل زوجها <<<<<<مايحبونـــــــــــــــــ ـــي...ماينفع يهم الطيبه ..جحوديــــــــــــــن ...انا لازم اطنشهم وماعاد اعطيهم وجه ..مايعزمونــــــــــــــي ..كأني وحده غريبـه .....يخبون عنى ابسط الامور ..يفضلون سلفاتــــــــــــي علي ..مايحبون عيالي ..ووووووهلم جرآ من هالشكاوى ..
اومن صديقاتها ..<<<<<ماعادت مثل اول ..احس انها تغيرت ..افشت اسراري <<<<ومنو طقج على ايدج وعلمتيها ...وووووو ،،،، والكلام يطوووول
او من جيرانها ..آذوني..وازعجوني ومافيهم خيــــــــــر ..وكلهم على بعضهم ثقيلين دم ..
او زوجها ..هذا عاد كله كوم للوحده ..مافيه خيــــــــــــــــر ..مايودينى الابطلوع الروح ولايجيب لى هدايا ..وعصبي ومزاجي ,,واهم شيء بالدنيـــــــــا اهله واصحابه ولايسمعني كلام حلو..عنيـــــــــــــــــد..يبى يمشينى على مزاجه ...<<<<<مساكين رحمتهم والله ...ورحمتنا من حسناتنا اللي راحت لهم .........
.وحتى ان التذمر والشكوى وصلت للحد الاهل والاخوات والام ...امي تحب خواتي اكثر مني ...ماتحب عيال ولازوجي ...خواتي ميهتمون لى ولايحسون فينى ..ولاحتى يقدرون مشاعري ...
والنهايـــــــــــــــــــــــ ــــه معاج <<<<<من جد عصبت ..
وانتى وينك من هالقائـــــــــــــــــــــمه. .!!؟؟؟اقصد دام فيج خير تطلعين عيوب الناس وشاطره تفندينها ليش ماحطيتى نفسج معاهم ..
من جد والله اتكلم دام احنا نطالع للعيوب الناس وندقق عليها..ليه مانعترف بعيوبنا ...<<<<لسنـــــــــــــــا ملائكه ..بشر نخطيء ونصيب ..
فينا من العيوب والسلبيات الشيء الكثيـــــــــــــــــــــــر ..معقوله مافيج سلبيات ..!!!؟؟ليش نبى الناس تصير بمزاجنا ..لاتقولى انا غنيه عنهم ..وانا مومحتاجتهم وانا احسن لى اطنشهم ..الانســـــــــــــــــــان يعيش في المجتمع لليتكيف معه ويندمج وليس ليعاديــــــــــــه ..
بدل مالوم اهل زوجي ليه ماحبوني ولايكرهونى وليش وليش وليش ...طيب ليش انا مااوقف قدام المرايه واكون صادقه مع نفسي واعترف لها بعيوبها ...
هم اختارونى زوجه للولدهم ويبونى اكيد انهم اكتشفوا فينى شيء يضايقهم ...وخلاهم يتغيرون علي ..
يمكن مايحبونى لاني عصبيه ....او طريقتى في الكلام تحسسهم انى اتعالى عليهم او اتكبر او اتفلسف زياده ..او يمكن لاني مزوحه كثير وهم مايحبون هذا الشيء او او زياراتي لهم موذاك الزود ...او رسميه بزيـــــــــــــــاده ..اوهم يحبون البساطه وانا متكلفه او او او ..واحاول اعدل من عيوبي ..
ذا انا رسميه احاول اكون بسيطه ..واذا انااحب السوالف احاول اقللها ..يمكن هم يتمللون منك ..احاول اخاطب الناس بما يعقلون ...بثقافتهم وانزل للمستواهم واكسر الحواجز اللى صنعتها المظاهر .
وزوجك ..بدل ماتطالعي لعيوبه وتحاولي تعدليها <<<<<بمعنى اصح طلعيه من تحت المجهر اللى انتى حاطته تحته ...بلاش تدققي على الشارده والوارده ..وتقارنيه بفلان وعلان ..اقبليه على ماهو عليــــــــــــــه ..حاولي تتعايشي معاه وتكيفي نفسك على طباعه ..تغيري بطريقه غير ملحوظه ..دوري عى مفتاحه اللي يفتحه وبلاش تفكري تدخلي من الجدار .
.اعرف وحده كلمتنى عن مشكلتها تقول عشت مع زوجي اكثر من خمس عشرة سنه
المهم تقول عشت احاول اغيره ويكف من طوالة اللسان والمشاكل ماقدرت ..ابيه يتغير ..ابيه يحترمنى ..هو يتكلم وانا ارد ...مرت السنين اللين نصحونى اخواتى انى اسكت وماارد واخليه يتكلم براحته ........في البدايه كرامتى ماتسمح لى .....لكن مع الايام اكتشفت انه قل كلامه معاي لانى بطلت ارد ..تقول خساره ضيعت سنين عمري مشاكل وعناد ابيه يتـــــــــــغير للاسف لقيت لما انا تغيرت هو تغير ...
ونفس الشيء مع والدتك ..يمكن انتى غير قادره على اظهار حبك وبرك لها مثل خواتج ..ويمكن اسلوبج معاها جاف ...او عيالج مزعجين زياده ..قدري ظروفها وحالتها الصحيه والنفسيه ..
للاسف اصبحنا غير قادرين على تكوين علاقات اجتماعيه ناجحه والسبب هو اننا نعلق خطأنا باالاخرين ..هم مايستاهلون صداقتنا وحسن تعاملنا هم انانيون هم ظالمون هم وهم ،،،،،،
خلاصة القول ..
الناس مومحتاجه منج الالابتسامه ..او كلمه طيبه ..<<<ترى حتى الكلمه الطيبه صارت على بعض الناس والعياذ بالله صعبه .
واخيرآ القواعد الذهبيــــــــــــــــــــــــ ـــــــه للتعامل مع الاخريـــــــــــــن ...
· أصلحي ما بينك وبين الله ، يصلح الله ما بينك وبين الآخرين .
.ابتعدي عن الاسئله الشخصيه البحته ..فمن تدخل فيما لايعنيه لقي مالايرضيه .
· إبتسم في وجه الاخرين ، فالإبتسامة تنبيء بنفسية الطرف الآخر ، وتشرح الصدر وتمهد التعارف والكلام .<<<<<تبسمك في وجه اخيك صدقه ..
· ضع نفسك مكان الآخرين ثم أسمعهم من الكلام ما تحب أن تسمع.
· إعرف نمط الإنسان الذي تتعامل معه ، ثم حاول الدخول له من خلال النمط المناسب له .
· حافظ على مشاعر الآخرين ، واختر كلماتك بعناية .
· لا تغضب ..
· كن بسيطاً وغير متكلفاً في تعاملك مع الآخرين .
· كن متواضعا ً، يعلو شأنك .
· دع محدثك يحدثك بما يحب ، وكن مستمعاً جيداً .
· أوفي بوعدك ، واصدقي حديثك .وابتعدي عن الغيبه والنميمه ومانهى عنه الشرع ..
· حاول أن تقول شكراً لمن أدى لك خدمة ، فوقعها كبير في نفسه .
· إعترف بخطئك ، واعتذر إذا لزم الأمر الإعتذار.
اخيــــــرآ هناك حالات شواذ في المجتمع ..ولكن علمنا الدين ان نقابل الاساءه بالاحسان ..وان لاننتظر شكرآ من احد ..
أتمنى صراحتى ما تكون ثقيلة على غيرى وأحترم كل وجهات نظركم اذا
حبيتوا تشاركونى بالرد وعساكم عالقوه

موضوع رائع ودايم أنا وبدون افتخار افكر بنفسي قبل ألوم الناس


بس بصراحه يعني

هالتفكير مانفع مع أهل زوجي


شكيت بنفسي لين طفشت وبالأخير طلع العيب فيهم



مشكورررررررررررررررررررررة وكلامك سليم جدا يالغالية

صدقتي يا ام الغلا
أحيانا اتينا فترات ونشوف الدنيا بمنظور اسود ونقول الناس تغيرت .. الدنيا تغيرت.. والناس تكبرت والناس ما تحبني ووووووو الخ الخ
الدنيا نفس ما هي لكن نظرتنا هي اللي تغيرت ،، ممكن يمر علينا ظرف ويأثر فينا ونشوف الناس كلها بها الشكل.. وأنا اعترف اني مريت بها الشيء وكنت اشوف الدنيا سوداء والناس قلوبهم سوداء .. ومرة كنت يالسة ويا ربيعتي قلت لها أنا وانتي ليش جذا نقول ،، ليش نحن اللي نشوف هالشيء وغيرنا ما يشوفه،، اكيد ثم اكيد ان الغلط منا ولازم نغير شوي من نظرتنا،، ولو شوي ندوس على قلبنا والحمدلله الحين تمام التمام ،، الدنيا حلـوة ،،

وحتى لو صار اي زعل او سوء تفاهم بينج وبين اي شخص سامحيه وصفي النية، في ناس يقولون مستحيل اسامحه وما اتنزل اعتذر له،، اذا رب العالمين يسامحنا ويغفر لنا ذنوبنا ومعاصينا وحتى لو كانت كبائر ، فأنت يا إبن آدم ليش هالتكبر !!! وللأسف يا أم الغلا كثيـــــــر من الناس ما يعرفون ان التواضع والتسامح كنز يرفع من صاحبه،،

وفي ناس حتى ما يحترمون الأكبر منهم لأنهم يشوفون ان الاحترام ينزل من مستواه الشخص ،، اللهم اني احمدك على نعمة العقل.. ومرة مريت بها الموقف وحدة اعرفها واصغر عني قالت لي شيء قلت لها احترمي الاكبر منج ردت علي وقالت هاللي ناقص احترمج ويابتها بطريقة مصخرة وقالت هذا في بيتكم مو في بيتنا لأن ابوي وامي الله يحفظهم ربونا على احترام الكبير واحترام الغير ومهما يكون ما نطول لسانا على الناس ولو كنا على حق نتكلم بأدب واحترام، رديت على البنت هذي وقلت لها احترام الكبير مو من عندنا مألفينه ،، احترام الكبير هذا من عند رسولنا صلى الله عليه وسلم وما قدرت ترد علي بشيء



اعرف اني هذربت وايد هههههههههه

تسلمين حبيبتي ام الغلا عالموضوع الروعة

تقبلي تحيتي

اختج
ضوء القمر

متميزة في مواضيعك فبوركتِ أخيه..