السلام عليكم ورحمة الله وبركاته
هذي اول مشاركه لي ومالقيت اوسع من صدوركم احكي لها مشكلتي مع زوجي اللي كان حبيبي وكل شي حلو لي في الدنيا
واعذروني اذا طولت.ندخل بالحكايه:weeping: انا تزوجت زواج تقليدي بعد رفض لهذا الزواج 3 مرات بس بالنهايه سلمت انه النصيب لاني كنت ابغى اكمل دراستي بعد الملكه باربعه شهور اعترف لي زوجي انه كان متزوج وعنده بنت:dry: طبعا بتقولون كيف ماعرفنا من قبل؟ اول شي لانهم هم اهله خبوا الموضوع وثاني شي اهلي لما سألوا كلن مدح فيه ولد عايله وشيوخ ومحد جاب طاري زواجه الاول لانه تم في مدينه غير مدينتنا وماكان احد كثير عارف السالفه غير كذا عدم رضا اهله بزواجه لكن اجبرهم لانه ياحياتي كان يحبها وزوجي صادق تزوجها!!
المهم...اناانصدمت وانهبلت بس اش اسوي حبيته وخطتت حياتي انه فارس احلامي واهلي قالوا يطلقك ووقفت بوجهم وقلت ابيه..المهموانا اجهز وفرحانه من ظهر على الساحه؟؟؟ (طليقته) :thumbdown: المهم حطت فيه وقالت بس ماصدقتها وقلت تبي تخرب؟المهم تزوجنا وكان احلى زواج وكنت فرحانه زي اي عروس المهم سافرنا ثاني يوم وحنا خلاص بننام اش تتوقعون صار؟؟ناداني باسمها :oops: انا سكت ودخلت الحمام وقعدت ابكي المهم جاء يطلعني وبدل مايقول اسف طلعني ودخن ونام المهم عديت الامور لاني غبيه مااعرف اتصرف وللعلم هو اكبر مني بـ11 سنه تزوجته وعمري 19المهم جواله بس صامت ودايم يخبيه عني مرت الايام وثاني اسبوع من شهر(البصل)للاسف مادبوزه شبرين اشفيك ياحبيب قلبي؟:icon_redface: عروس اتدلع قال بنتي وحشتني قلت طيب روح شوفها وانا انتظرك عشان نطلع وياليته ماشافها المهم اتصلت عليه يكلمني وهو خايف سالته اش السالفه قال ولاشي الا وسمع صوت حرمه عنده انا انهبلت وقفل بوجي وسكر جهازه قعدت اصيح وابكي رجع وانا قمت دخلت الحمام ياحياتي ماعندي غيره :weeping: وطلعت وقال هي ركبت اوصلها لاهلها قلت ليش سواق لها؟مرت الايام ورحنا عش الزوجيه........
المهم انا قلت خلاص انتهت السالفه الاوربي ماانتهت مسجات اتصالات وهو يسكتني بكلمتين بنتي عندها وتبي تخرب علي وعليك وانا اصدقه لاني من جد احبه المهم مرت سنتين وحملت وحنا بالاتصالات والازعاج وكل شي كان يصير قدام عيني ويسكتني بكلمتين نفسها لحد ماجاءرمضان اللي راح واشوف مسج زلزلني كله حب وغزل وانتظرك الليله وكلام مااقدراقوله واجهته فيه طبعا حط السالفه براس بنته قال لا بس ابروح اشوف بنتي لان انا عايشه مع اهله بمدينه وشغله بمدينه وماصارلي سنه مع اهله غير عش الزوجيه الاول المهم قلت احلف ومسكته المصحف ان مابينهم شي وحلف وانا كنت حامل بالشهر الخامس وتعبانه وخيرته ياانا او هي المهم سكتني بكلمتين وصدقته كالعاده لاني طيبه لدرجة السذاجه عدت الايام وسافرنا انا وهو برا قولكم ليييش؟؟؟
عشان يفتح معي موضوع انه يبي يردطليقته لعصمته:shok: مع العلم ماتجوز له الااذا تحللت انا كنت بالشهر السابع والله لايوريكم اش صار فيني :shock_1: :weeping: كنت بنتي بتموت في بطني من الصدمه والبكاء يقول بنتي وامها بيضيعون من غيري طبعا وانا على عماتي ماكنت اعرف انه باقي على علاقه فيها!!!
مرت الايام وانابحزن مايعلم فيه الاربي سبحانه لاني ماقلت لاحد ولاعمري شكيت منه لاعلى اهلي او اهله اي شي بينا مايطلع من ناحيتي لكن هو للاسف..........
مرت الثلاثه شهور وولدت ببنتي وتجددت مشاعري له وقلت خلاص بينسى ويفكر ببنته الجديده وفيني بس طبعا درت الحيه وقامت بمزاولة نشاطها بعد ماعرفت رقمي واني ولدت سب وقذف وشتم وكل ماتبون بس انا ماعطيتها فرصه تخرب علينا على بالي ان زوجي وفي؟؟
لحد ماجاء يوم ارسلت لي في مسجات صدمتني ارسلت لي كلام صار بيني انا وزوجي مايعلم في غير الله سبحانه وتعالى؟؟؟!!!
واجهته انكر واجهته مره ثانيه وجت الصدمه :shok: انه هو اللي قالها ليش يابن الناس؟قال انتي اذا زعلت منك اكلمها تخيلوا الصدمه صارت دموعي تنزل من نفسها اخذت بنتي وضميتها وابكي واكتم صوتي عشان اهله مايسمعون ليش؟ ليش؟ ليش؟ قال خلاص مابيني انا وهي شي عشان كذا طلعت الكلام قلت يعني هي (عشيقتك) اللي تواسيك؟
وانا وين رحت انا اللي ماعمري شكيت ولابكيت منك حتى لما مديت ايدك علي انا اللي ابيع عمري عشانك انا اللي ماراح تلاقي مثلي وانت بنفسك تقول مافيه حرمه مثلك مومدح في نفسي بس وربي موناقصني شي لاجمال ولامال ولااي شي يحتاجه الزوج ماعمره سافر وجاءالاوانا بكامل اناقتي والبيت نظيف ووجبته جاهزه حتى لما نقلنا عند اهله مااملك غير غرفتي يجي وهي اجمل غرفه وانا ابدع فيها من كل شي اقراء عنه او اسمع عنه وفي النهايه يخوني مع طليقته لدرجة يستهزيء فيني وفي اهلي والحركات الرومانسيه اللي اسويها له يسب فيني عندها!!
وان يشهد الله علي ماعمري غلطت فيه او في اهله واني محترمته وحاطته فوق راسي بس هو قاسي معي جدا ولايهتم فيني حتى اذا غيرت شكلي عشانه مايسمعني كلام حلو او يمدحني مع انه اكثر من مره مدح اخته وامه قدامي وانا كاني جدر؟
حتى في الولاده يادوب جاب بوكيه ورد ولاشفت منه هديه ولاشي وانا كل شوي اخذله هديه من اغلى واحلى حاجه وهويادوب يذكرني بمناسبه اوغير حتى البوسه وربي مايعطيني الااذا جاء من السفرسلام عااااااادي وبارد حتى اذاشافني تعبت وسهرت مع بنتي مايقول الله يعطيك العافيه او شي لا معطيني ظهره ونايم واذا جانا زياره لانه تقريبا هو بمدينة شغله عند الهانم يقعد مع اهله يطلع مع اصحابه يجي اخر الليل على النت اوينام وانا مالي وجود حتى اذا زعلني مايقول اسف..........ز
وربي دايما ادعي الله انه يبين لي حقيقته وكل مره انصدم فيه اكثر واكثر واكثر ولاني عارفه اش اسوي؟
سامحوني طولت عليكم بس حبيت اقولكم كل شي عشان تعرفون مع مين الحق وبعد شهر اكمل3سنين على زواجنا

الله يكون بعونك ياقلبي بس شوفي انا بقولك وجهة نظري بالموضوع :: اصبري بعد شو ي واذا شفتي ان صبرك مافي قايده منه خلاص اطلبي الطلاق
على الاقل تعيشين ونفسيتك مرتاحه وتقدرين تربين بنتك في جو اجتماعي ونفسي سليم .. انا مااحرضك على الطلاق بس وش فايدة صبرك والضغط
على اعصابك وهو مايستاهل حتى اسراركم الخاصه يعلمها فيها انتي كبيرة وتعرفين مصلحة نفسك حاولي تعالجين الموضوع بالحكمه والصبر
واذاخلاص مافي فايده انتي في طريق وهو في طريق.. اتمنى لك الاستقرار والحياة السعيده وقبل لاتتخذين اي قرار فكري الف مره والله يسعدك..

مساء الخير ياالغالين اشكركم لمروركم على قصتي اللي تنفع فيلم عربي وفعلا اذا استمر بخداعي بطلب الطلاق لاني سكت 3 سنين بس الحين مابقدر واربي بنتي احسن تربيه والله العظيم من كثر حبي له كان الشي يصير قدامي واصدق كذبه واكذب عيوني بس الحين له فرصه اخيره وبنشوف بيشتريني ولابيبيعني لاجل ماضيه وربي فرحت من ردودكم الله يخليكم

انا مع وليف الروح والله بكيتلك, حبيبتي استخيري ربك وانشاالله ربي عندو الحل, اصبري على الابتلاء لانو ربي مايظلم احد, واذا ما تاب قوليلو مع الف سلامه اقعد لحالي ولا مع واحد قليل ذوق(سامحيني بس عصبني) وربي يحميكي انت وبنتك وحدعيلك في صلاتي يالغاليه.

انا اقول يا اختي اصبري وادعي ان الله يهديه والحي في الدعاء ودعوة المظلوم لا ترد

هذا اللي قدرت عليه والله يهدي زوجك وظال المسلمين ويصلح الحال أمــــــــــــــــيــن

اصبري وصدقيني بدور فيه الدنيا ومرده لك

عليكي بالدعاء آخر الليل وبعد كل صلاة والله بينصرك ان شاءالله

حسبي الله ونعم الوكيل ...
فعلا الدنيا تخوف ..
شوفي أختي لولوه أنا ما أأحرضك على الطلاق بس كل شي له حدود
مسألة إنه يطلع أسراركم برا ولمييين لطليقته هذا شي مايجوز وحرام وما يتقبله لا العقل ولاالدين
والمسألة الثانية كون إنه بياخذ طليقته وهي ما تزوجت غيره ... ما يصير وش هذا بالله وش ترجين من واحد يسوي كذا ما فيه شي يخوفه ولا يردعه لا الناس ولا رب العالمين ...

نصيحتي :
من أخت والله من أخت لك في الله تألمت لمصيبتك وما ترضى لك بالذل والهوان
أطلبي الطلاق لييييييييييييش عشان بنتك بكرة بتشوف أشياء وأشياء منه وببتعقد البنت
وش تبين فيه .. من جد وش تبين فيه وأسألي الشيوخ ياقلبي وشوفي وش رأيهم في موضوعك وهل الطلاق هو الحل المناسب في هالحالة ..

الله يكون في عونك يا قلبي وخذيها مني كلــــــــــــــــــــــــــمة طال الزمن أو قصر كل إللي سواه بيلقاه إن ماكان في دنياه فهو في آخرته , وأنتي ربي بيعوضك خير وتقولين " نوكيا " ما قالت .ز بيجي يوم يا لولوه وتتذكرين كلامي زيــــــــــــــــــن وتقولين صدقتي ...

وما أقول إلا :حســــــــــــــبي الله عليه دنيا وآخرة ...

هي كذا الدنيا جايه بالعكس والانسان ما يقدر النعمة اللي بين يدينه بس ما أقول الا الله يعينك ويصبرك ويخليلك لمار
بس بصراحة رافعة ضغطي هاللي ما تخاف من الله زوجته الأولى بس صدقيني لهم يوم وادعي ربك يا قلبي

صاح الخير حبايب قلبي الف شكر لمروركم على قصتي اللي من جدتعبتني ومااحط راسي على مخدتي الا وابكي هو له فرصه اخيره الحين وان صار شي دخلت ابوه في السالفه لانه مايخاف الا من عمي لانه اصلا ماكان راضي على زواجه منها..وربي يخليكم لي ولايظلم احد فيكم زي ماانظلمت انا......واتمنى اي وحده يتقدم لها واحد كان متزوج سواء مطلق او ارمل تفكر الف مره بأنها ثانيه للاسف مافكرت كذا الاتووانا ماكتبت كل شي عن مغامراتي مع اللي ماتتسمى حسبي الله عليها ووالله العظيم ماعمري اذيتها او سويت لها شي انادايم ادعي ومااترك صلاة الليل وربي دايم معي الحمدلله و الله يخليكم لي كلكم