السلام عليكم ورحمة الله وبركاته
انا امرأة متزوجة قبل سنتين المشكلة تبدء من طفولتي ما كنت احرف معنى الحنان الام منشغلة في السهرات والاب كذلك والبيت مانعرف شي اسمه جو اسري ابدآ والله كنت ابكي قبل لا انام ابغى صدر حنون ابغى احد يهتم فيني ابغى اعيش زي بقيت الاطفال المهم عشت زي اليتيمة في بيت امي وابوي ولما تزوجت كبرت المشكلة طلع الزوج ما يعرف شي عن الحنان لا وبعد يبغالة من يحن عليه والله اني حنونة عليه لدرجة البلاهه والضعف وهو عارف كذا ودائمآ يقولي انت طيبة وحنونة علي المشكلة قلبة قاسي زي الحجر وانا عصبية بالمرة ما اتحمل اي شي ولما اشكيلة همي واقولة اني ناقصة حنان وابكي عندة زي الطفل يقولي بلا خربيط زايدة محرومة من الحنان وانا بنت وانا متزوجة ايش اسوي ايش الحل وانا ذحين ما اديه وجه والله حتى ما احب انام معه في الفراش احس اني كرهتة وانا ماودي تتعقد الامور وهو طيب بعض الاحيان وانا عندي بنت منه والله لولا البنت كان تطلقت منه من زمان بس اقول ايش ذنب هالمسكينة وما ابغاها تعيش الحياة اللي انا عشتها والمشكلة الاكبر انة مايجلس معي بس عند الجمال هو يحب لبن الجمال يجلس بال5 وال6 ساعات عندها بالله هذي حالة يقابل الجمال هو انسان كان عايش في قرية وانا عايشة في المدينة وهو اكبر مني ب9 سنوات ولما اقلة اجلس معي انا وبنتك يقول ماباقي الا تربطيني عندك ولما استلم المكافئه من الكلية القاه عندي طول الوقت وتمصلح معي لين اديه الفلوس اللي يبغاها مع انه راتبه حلو مرة بس وين الصبر ملييييييييت ابغى حل ارجوووووكم

أختكم بنت السعودية

مشكور اخوي وليف الروح بس ما قتلي ايش الحل؟؟؟؟؟؟؟؟؟؟؟؟

صباح الخير قلبي لاتشكين ابكي لك اناوربي نفسك ومافاد معاه اي شي بس اعوض كل شي في بنتي حبيبتي تقبلي تحياتي

مشكورة اختي لولوه على المساعدة

معقولة 19 مشاهد لهذا الموضوع وما رد علي غير اثنين الله يسعدهم

ربي يكون بعونك واتمنى انه يلين قلبه مع الايام

ويعوضك الحب والحنان اللى فقدتيه من صغرك

اامين ياارب

اختى بنت السعوديه الله يعينك ان شاءالله
لاكن انصحك خلي حياتك تمشي طبيعه ربي كاتبلك كذا خطأ انك ما تنامي معه كذا يزيد بعده عنك
حاولي تتقربي منه اكثر وان شاءالله بيحسك فيك واهم ما في الموضوع بنتك كوني قريبه منها وحنونه علشان ما تعيش الحال الي انتي عشتيه
والله يكون بعونك ويصبرك ويحنن قلب زوجك عليكي

حبيبتي والله زعلتيني:no2: ,واسمعي ياقمر كل الناس بماشكلهم,انا زوجي مدمن العاب :mf_pcwhack: من بعد صلاه العشا ما يعرفني ووصلت مرحله اني خلاص قلت لازم اسيبو,بس زي ما قلتي عندي منو بنتين زي القمر . ايش يسوي الواحد؟ لاقيت نفسي اقول اما اسيبو وانهي الموضوع او اقعد معاه وانا مقتنعه لاني قررت اني ما ابغ اعيش في نكد, وسبحان الله الامور سارت احسن. لاتفهميني غلط مااتغير ولا نتفه بس انااتغيرت ماسرت تفرق معاي يجي يروح بسلي نفسي مع الدراسه والبنوتات, وخذيها مني ياعسل اذا بتستني الناس يسعدوكي حتموتي تعيسه,السعاده بقراراتك انتي وحدك. وادعي ربي انو يهديه ويرحمنا برحمتو..

مشكورة على ردودكم اللي اثلجت صدري