كان يا ما كان في قديم الزمان ملك غزاوي عنده ثلاث بنات
حب في يوم من الايام انه يختبر حبهم اله
جاب الكبيرة ..وجه البكسة وقالها : يابا ياحبيبتي قديش بتحبي ابوك الملك?
. . البنت من غير تفكير : بحبك قد ما السمك بحب البحر الملك فكر وقال في باله
: اي هو السمك بقدر يعيش بدون بحر . هاي البنت بتحبني كتير . وقال الها : انا كنت عارف انك
بتحبيني بس مش لهدرجة وقام اعطاها قصركبير ومجوهرات,,
جاب البنت التانية ( واسطة العقد ) وسألها نفس السؤال . فقالتله بحبك قد ما الطير بحب السما . انبسط الزلمة وكيف . واعطاها قصر جنب اختها ومجوهرات وميمعة
بعدين جاب البنت الصغيرة ( اخر العنقود اللي بموت فيها ) وسألها نفس السؤال قامت جاوبته : بحبك قد ما الدقة بتحب الشطة الزلمة زعل وعصب وقام لفحها كف خلا ايديها ورجيلها اربعة . ومسكها من شعرها وزتها برة القصر وما رضي يسمع منها ولا نص كلمة . البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ما ربنا حن عليها واجاها مزارع مسكين على باب الله حبها وحبته وراحوا سكنوا بالكوخ تبعه اللي بنص الغابة . (طبعا اول اشي تزوجوا بلاش مخكم يروح لبعيد) عارفكم أنا.
ودارت الايام ومرت الايام ما بين بعاد وخصام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة . دور على المرافقين . ولا هم هون . طب الحرس . فص ملح وداب . وين الشباب ؟؟؟؟؟؟؟؟ لا حياة لمن تنادي ضل الملك يمشي ويمشي .لغاية ما لقي هالكوخ لصغير قال يلا بفوت برتاح وباكلي لقمة .
دق على الباب فتحلوا صاحب البيت وهو مش عارفه جوا وهو شايفه تعبان وصار يحكي مع الزلمة و مرته مش خافي عليها الصوت . قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا واضحة بنت الملك المقصوفة الصغيرة . بدت تشتغل بالجاجات وخطر على بالها فكرة نادت جوزها وقالتله خود شوية الدقة هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة حطله الزيت والدقة قدام الملك وقاله : اتفضل يا عمي على بين ما يجهز الاكل
الملك ميت جوع وهو بحب الدقة كتير . ما بلع اول لقمة ولا صار بده يستفرغ . وصاح بالزلمة ايش هادا؟؟؟؟؟؟؟؟؟؟؟...العاااارض يكويك كوي يا رب!!!!.... تفوووووووو ولك دقة من غير شطة ؟؟؟ كيف بتاكلوها هادي؟؟؟؟؟؟؟؟؟؟؟ وفجأة اتذكر بنته الصغيرة وصار يعيط زي الهبايل . قاله الزلمة : ول ول ول.... شو مالك يا زلمة!!!!!!! انت العاقل . كل هاد عشان شوية دقة هلقيتة الجاج بخلص . قلعطتني . شو هالعالم هاي راح الملك حكى للزلمة القصة . وهو خلص من هون نطت البنت وقالت:بخخخخخخخخخخخخخخ كيفك ياباا.؟ عرفت اديش بحبك يا اهبل . ؟؟؟؟؟؟؟
وهيك عرف الملك قديش بتحبه بنته . وجابتله دقة بشطة . (طبعا ما أكل منها ولا لقمة لانه غز راصو بالجاج و نزل جرد)...و اعطاها قصرين ومجوهرات و سوبر ماركت و وكروز دخان (عاد هي بتأرقل).وشغل جوزها ضريب مواس عنده
وتوته توته خلصت الحتوتة
انشالله تكون عجبتكم :beee: