حبيبتي بروق انا فاهمه الي تقصدينه
وانا اوايدك ومعك وهذي قناعه شخصيه
انا مااقصد انه خاين لان الخيانه موجوده
لدى الجميع رجل او امراه
بس انا معك انه مايقدر النعمه الي بين يديه
وخائن بنظراته للنساء رغم جمال زوجته
رجل متذمر لايعجبه العجب لو توقدين اصابعك العشره شمع
يطلب المزيد ويحط فيك كل عيوب الدنيا
وهو بالمقابل مايكلف نفسه بشئ مايشوف عيوبه ولا اهماله
يبغى ملاك وليس زوجه تتحمل ضغوط عمل واولاد وبيت الكل يبغاها تكون مستعده للقيام بكل شئ
ولو جاء يوم وتعبت ومرضت اقل شئ يقوله روحي اقعدي عند اهلك
حتى كاس الماء مايجيبه لك واذا مرض لازم تشيلينه شيل وتسهرين عليه اعرف ان هذا واجب الزوجه لكن عندما تتعب وتحتاج له للاسف ماعنده استعداد يتحملها
ومع هذا شايفين نفسهم واهم شئ راحتهم ووناستهم وزوجته واطفاله
بالمشمش وعندهم مبدا لا تدلع زوجتك ولا تقول لها كلام حلو تغتر عليك
وفوق هذا كله يقلل من احترامها امام الاخرين عندما يستهزءون بالسعوديات وياكثر رسائل الجوال الي كلها مسخره في السعوديات ومقارنتها بالبنانيه وغيرها ويتضاحكون الي يشوفهم يقول وخر عنهم هالرومنسيين يتكلمون في الجنس وهم اسوء من يمارسه
ومع هذا تصبر الزوجه وتحتسب عشان ماتجرحه وهو لايخجل ان يستهزئ بها ليضحك اصدقائه ويتسلون في الاستراحه الي يترك زوجته وبيته يوميا عشان الاستراحه والاصدقاء ويقول احمدي ربك شفتيني على الغداء وش تبين بعد ولا ياويلك اذا جيت من السهره ولقيتك نايمه ابيك متزينه ومتجمله لي تحتريني اذا جيت قمه الحقاره والانانيه فيهم حسبنا الله ونعم الوكيل

اسمحيلي اختي بروق اسفه على الاطاله
واسمحو لي اصدقاء جوري فالمنتدى هو المكان الوحيد الي نقدر نفضفض فيه بكل حريه
هو المتنفس الوحيد لنا
وشكرا

اختي... مو بس الرجل حتى النساء

الله بس يعين على هالدنيا بخير الواحد يعيش على امل خير لبكره ..
والله يسمح من لعب بعواطف الناس على حسب نفسه

اختي والله اول ماقريت العنوان زعلت بس بعد ماقريت الموضوع اقتنعت انك صادقه لانا والله مضلومات كثير بس موكلنا بعضهم الله مهديهم والبعض الله يصبرنا عليهم

بسم الله الرحمن الرحيم
الاخت المكلومة بروق......السلام عليكم ورحمة الله وبركاته
وبعد..
انا شاب سعودي ارى وعن قناعة تامة ان الله اودع في السعودين وفاء يفوق كل وفاء الشعوب وفيهم من الاخلاص ما الله به عليم ولا يعني هذا انه لايوجد شواذ لكن ما سبب وجود هولاء بين الشرفاء؟؟!
الجواب هو اما ان يكون اهمال الزوجة او قلة احترامها لزوجها .....الخ يعني ان هذا الشاب ربما حرم من عطف وحنان الزوجة فشعر بالحرامن وطبعا هذا ليس عذر لكن هكذا هم يقولون...
او ان هذا الشاب كانت عنده في الاساس مشكلة في حياته فلم يترباء التربية الايمانية لتي تمنعة من الوقوع في مثل هذاة الامور
او ان هذا الشاب مما اثر حب الهواى على مرضات ربه فلا يقيم لاحد اعتبار.




لكن بالجملة انا افخر بكل شباب وطني ولا ارضا عليهم مثل اتهامك فاقول للمصلح منهم بارك الله فيك
واقول لمن جرفه هواه الله يهديك ويردك لجادة الصواب


وانتي اكيد تحبين ابناء وطنك وهذا ابعتبره عتاب الاحباب بس لا تعودينها مرة ثانية



اخووووووووووووكم ومحبك خالد2007

ياشين الخيانه سوآ من رجل او امرأه -سعوديين اوغيرهم وربي انها تكسر الخاطر وتولد الندم وتعيّش الواحد في دوامه من التساؤلات بس الله يعين ويحرمها عليه وعليكم
وصدقوني الحب الصادق من الطرفين يجبر الواحد على الوفاء مهما كانت الاسباب
لان الوفاء من اساسيات الحب ومااعتقد اللي سكن قلبه الحب يخووووووون 00

لاحول ولا قوه الا بالله ...
الدعاء اهم شي ...

والله يكون ف عونك .. اذا احد قريب لكي خانك .. صدقيني الدعاء .. هو بمثابه الانتقام ..
وف نفس الوقت ادعي ل الشخص بالهدايه ...

حبيت اساعدك ..

اختي والله ان اكثر رجال يقدر زوجته ويحترمها هو الرجل السعودي

ولا تعممي ترى اصابعك مو كلها سواء

الله يهدي لك زوجك يا رب

فعلااصابعك مو كلها سواء والله يوفق الجميييع

الله يهديك أختي ويفرج كربتك وهمك ويبرد على قلبك