السلام عليكم جميعا
شحالكم عساك ابخير
انا عضوه يديده في المنتدى
وعندي مشكلة وياريت القى الحل عندكم
انا مالجه خذت ولد خالتي وباقي ع العرس 4 أشهور
لكن قبل كم من يوم وانا كنت يالسه وياه في السيارة حد اتصل فيه والمتصل كانت وحده يعني سمعت صوت بنيه فا استغربت سألت المتصله انته وين جان يقول انا ويا الحرمه ومادري شو قالت جان آخر شي بندت الخط

لكن انا الحين شاكه الصراحه منو هاي اللي اتصلت فيه وسألت انته وين
لو كانت وحده وياه في الدوام كان بيخبرني لكن هالمرة ما قالي امنو هاي
وشكله كان خايف اني انا سمعت صوت البنية؟
فاحبيت مساعدتكم ابغي اواجه كيف ابدى وياه ولا اودر السالفه؟

ما اعتقدت اتكون وحده من الاقارب

انزين نفرظ انها وحده من الاقارب كيف اسأله

الله يخليكم ردو علي بسرعه

بسم الله الرحمن الرحيم

اول شي الله يوفقكم ويسعدكم ان شاء الله

وثاني شي في حديث عن الرسول صلى الله عليه وسلم فيما معناه إياكم وسوء الظن فهي تورد النار وتهلك صاحبها (والمصارحة بذوق وفن وتفهم الطرف الثاني)

ويقولون التغافل نصف العقل

يعني تنصحني اني ما اتكمل في هاي السالفه ولا اقول حق حد

ممكن شياطين الانس ولاجن ( ينسجون في خيال الانسان حاجات ما لها اصل من الصحة
مجرد شك وظن وظل الانسان عايش في حيرة من امرة ويتقلب عل جمر الغظى افضل شي انه يعيش في عالم الواقع والحقيقة وإذا انه شاك او مجرد يظن يحاول يستفسر عن الامر بذوق وفن عشان يزول عنه الشك او يتجاهل كأن شي ما صار إذا حس أن السؤال راح يجرح الي امامةوراح يخسرة ) هذا مجرد رايئ

اختي ام سواف

انتي اسئليه من الى اتصل بك

واذا ماقدرتي تسئليه يعني محرجه منه او من هذا القبيل

لاتخلين الشيطان يوسوس بك انسى السالفه وكأن ماصار شي

اشكركن ع الرد

اقول الله يجمع بينكم بلخير


اقول فكري كيف بتسوي يوم الزواج


وسيبك في التفكير الى بضيع حياتك بدون فائده وفكير كيف تكسبه بعد الزواج ولا يفكر في وحده غير









بعدين افرضي انها كانت وحده ايش المشكله اعرف ما فيه شاب الا وغازل قبل الزواج



الا من رحم ربي