[align=center] من حضرتك
سو الي براسك ولاتذكر اسباب
............لاصرت بايعني توكل على الله
مابيني وبينك مشاريه وعتاب
............شف دربك الي جيت منه تدله
ماراح تغلبني لو الحب غلاب
............من حضرتك عشان قلبي تذله
في ذمتي لجعلك عبره للاحباب
............لين الخليل يتوب عن جرح خله
زلاتك الي مانفع فيها احساب
............لاجيت اعددهن ثمانين زله
احرجتني بين القرايب والاحباب
............كن الجفا سيف بوجهي تسله
ماكنت اقصر فيك من كثر الاعجاب
............يومك تساوي عندي الكون كله
كنت القريب وكلهم كانوا اغراب
............حتى القمر لاغاب شفتك محله
خلاص لاترجع ترا خاطري طاب
............ابي طرا اللي كنت عايش بظله
رح واعتبرني واحد اذنب وتاب
............ماني بثوب تلبسه ثم تمله
مايجتمع بالحب صادق وكذاب
............رزقي على الله وانت رزقك على الله
للشاعر عطالله فيحان
لحظه
لحظه ترى ماجيت اقدم لك اعـذار
...........لحظه وبعده سـوى اللـي تسويـن
لحظه بصحِّح بيننا بعض الافكـار
..........وباقول لـك حاجـه قبـل ماتقولين
لا تحسبينـي بانثـر الدمـع وانهـار
..........والا اترجى واطلبـك مـا تروحيـن
روحي عسى دربك بساتيـن وازهـار
..........روحـي وغيـري بالمخاليـق تلقيـن
صحيح لك بالقلـب حشمـه ومقـدار
..........لكـن شسـوي لـك اذا مـا تحسيـن
لي قلب لامنـه عشـق حيـل مـدرار
..........ومن الغـلا عنـدي يكفـي ملاييـن
بس إن لقى صد وجفى صـار جبَّـار
..........وأقدر افـارق واهجـرك لاتخافيـن
يابنت انا لي عزتـي وباخـذ الثـار
..........وابغى انصحك لارحت اصحي تنادين
ماني براجع لاتقوليـن وش صـار؟
..........لاتسألينـي ليـه ؟ انتـي تعرفـيـن
غيـرك تمنونـي وبالعـب وباختـار
..........واعشق بدالك الـف وحـده بيوميـن
وانتي رصيدك بالغلا عندي اصفـار
..........ماهـو بذنبـي ماعرفتـي تحبـيـن
وكل الذي لجلك كتبتـه مـن اشعـار
..........والله خسـاره فـيـك ماتستحقـيـن
حتى صورك اللي من العـام تذكـار
..........بادوسهـا وانتـي قبالـي تشوفـيـن
يامـا عطيتـك الـف إنذار..وانـذار
..........أقـدر افارق..قلـت لـك : لاتحديـن
واليوم انا ليه اتعـب النفـس واحتـار
..........دامـك جرحتينـي وكنتـي تسلـيـن
إن كنت حي ومن طويليـن الاعمـار
..........لجرح بدال الجـرح تسعـه وتسعيـن
والحين يالله خلـي دموعـك امطـار
..........وباحاول اضحك طول ما انتي تصيحين.
منقوله ولا أدري من شاعرها
وهذي قصيده لكل متينه يلا يستاهلون المتان
للزين قالوا من قديم علامات**عين ومبسم والجسم والرشاقه
لكن كسر هالقاعده هالمتينات**من واقع ماهو كلام وبلاغه
اللي محليهن ولو هن ثقيلات**دايم خفاف الدم وفيهن لباقه
الله ياهن ياجماعه لطيفات**وعن الكلام الحلو فيهن طلاقه
ماهو ضروري بالرشاقه رشيقات**وزود الوزن ماهو بعيني إعاقه
صحيح بعض اللبس يعني إهانات**الوزن بالضيق عديم العلاقه
بس مو ضروري يلبسن استرتشات**يازينهن واللبس وااااسع نطاقه
لابارك الله فيك يالضيق بالذات**ترى السعه مرات تعطي أناقه
قالوا الرجيم اليوم هم البنيات**قلت الرجيم أدري يبيله فراغه
وقالوا الرياضه قلت ماهن مريضات**للسكري لا مامعهن بطاقه
قابلهن الله بلا رجيم ورياضات**بهديلهن مني من الورد باقه
هن دفء هذا المجتمع هن رقيقات**هن ملح هن سكر لذيذ مذاقه
هن لا سألتوني عن الحب بسكات**بأقول فيهن عن الحب طاقه
ماهو كلام اللي كتبته واشاعات**انا ربطتني مع متينه علاقه
وللأسف ما أعرف شاعرها بعد
وهذي قصيده لطفل عنوانها مالك خص
اضغط هنا وحمل المقطع وسو له حفظ واستمع [/align]
24-02-2005, 02:51 م
قصائد من اختياري أعجبتني الجزء الأول
مواضيع مشابهة للموضوع: قصائد من اختياري أعجبتني الجزء الأول
[/align]
النمط المتتابع
