واحنا راكبين السيارة وطبعا معاي جدتي
اللي حاولت اخليها تركب قدام عندي بس مارضت
وابدأ اهلي وارحب بجدتي واقول نورتي الرياض ياجدتي بجيتك وهي مستحيه وتقول منوره بك يابعدي
وانقلب السحر على الساحر وتحمر شدووووقي من الحياء
وابدأ اسالها عن اخبار البيت والحارة
فيه احد اتزوج:
قالت لا بالعطله ياكثرهم اللي بيتزوجون وقامت تعددهم
...فلان ولد فلانه ،وفلان بيتزوج مع اخوه فلان وعيال عمامي بيتزوجون سته مع بعض صار زوج جماااعي مو عيال عم
ومابقى غير انت ياوليدي ها وشقلت باللي قلت لك عليهن اول
تقصد بنت ولدها وبنت بنتها بس مستحيه من اللي معنا بالسيارة يطلع اخو البنت
وعلى طول غيرت الموضوع وقلت لها
طيب ماحد طلق :
قالت مافي بس فلانه زعلت على رجلها وخذت عيالها وراحت لاهلها كله يبيها تترك شغلها وهي معيه الله يهديهم بس هالناس مايخلون احد بحاله

تناصر قضية خفايا الروح جدتي



ثم قلت ماحد جاه ولد:
قالت مافي غير خلاتك اللي من اسبوعين وتدري عنهن
احد توفي ياجدتي ولا شي :
قالت سبعك ان شاء الله (( مشفرة )) تدخل ضمن القاموس اللي تحت الطباعة
المهم انا على بالي مسوي ذكي وحاجز شقه بجنب شقتي من العصر كله مخطط من شان الحق على مبارة البرشا ولا يضيع الوقت بلف والدوران على الشقق
وطبعا بالطريق قالت لي جدتي دور لنا شقه كبيره لنا كلنا حنا واللي معنا بالسيارة الثانيه او بجنب بعض لا تبعدنا
قلت يا ميمتي انا حاجز لك شقه صغيرونه من العصر بجنب شقتي ودافع حق ثلاث ايام عندهم ولا اظن بحصل لهم هناك ولا تكفيكم كلكم وانتي امرى
قالت عاد دور لهم اي مكان
يعني التخطيط والحجز والعبقريه اللي من العصر مافادت بشي
وابدأ الف ادور على شقتين للعائلتين اللي بضيافة جدتي طول الله بعمرها وبعد ثلاث ساعات حصلت ونزلتهم
ووصلت جدتي لمكان الضيافه المخصص لها هي والمرافق الخاص اللي حاجزها لها من العصر واحنا الان الساعة 12 يعني مبارة البرشا منتهيه قهر بس عرفت النتيجة بالجوال
ولما دخلت جدتي الشقه وشافت الشقه والصاله كبيرة قالت لو جبتهم بهذا يكفينا كلنا مو ذنبها طالعه على كريمه
طبعا جدتي الله يطول بعمرها كذا تتعتبر مواصله يومين اعتبار أن الساعه 12نصف الليل
قالت انا بنام ولا تنسى ياوليدي موعدي بكرا بالمستشفى الساعه 3 الظهر
قلت لا ماعليك سهله بعد الدوام بجيك ونروووح دخلت جدتي تنام وهي والمرافق الخاص اللي معاها وتطمنت عليهم
وطلعت انا ورحت لشقة العزوبية ومعاي هدايا جدتي

((البكيله والجبرق ونعنااع )) صناعه محليه
دعايا لمنتوجات جدتي
و اول مادخلت الشباب هجووم على البكيله يعرفون جدتي ماتلعب ودايم راعية كرم وشي جوناااااان
وبعد الدوام اخذت غداء ورحت مكان اقامة جدتي الله يطول بعمرها قالت يوليدي وينك صيفت ماجيت (كلمة جديده تضاف الى القاموس))
وتغدينا سوا وقلت انا بنام شوي وبعدها نطلع للمستشفى
قالت وين ياوليدي مايمديك تنام خلنا نروح الحين بدري عن الزحمة
قلت تونا ياجدتي الحين الساعه ماصارت وحده والموعد الساعه ثلاث والمستشفى ربع
ساعه ونوصل له قالت عاد نوصل بدري ولا نتعوق بالطريق
ومع اخذ ورد اقتنعت جدتي ورحمتني واعطتني الضوء الاخضر بالنومه
المهم انا كملت نص ساعه ولا ماكملت
الاجدتي فوق راسي يلا صيفنا راح الموعد قم ولا بروح اخذ تاكسي
اسلوب تهديد
وان كل شوي يلا قمت وخذ لك غفوه لين صحيت على الساعه ثنتين
واحصل جدتي لابسة عباتها ومجهزة عزبتها واوراقها
وينك يالمستشفى
واول ماطلعنا وتشوف جدتي زحمة السيارات والناس توها طالعه من الدوام قالت تشوف لما اقولك اعرف الرياض زين
جتها ثلاث مرات بس
وبحمدلله وصلنا المستشفى ودخلنا المستشفى وانتهت حلقتنا لليوم لاني تعبت
^^^^
^^
^
ماباقي غير الجزء الهم والاخير فانتظرونا