بسمة رضا ... هي وش سوت فيه ؟؟؟

هي ما تحس انه متلهف عليها وأكيد هذا الشي يضايقها


عموماَ تسلم ع الرد

انا الصراحه رايي شرات رايي بو بدر
اكيد الريال يمل حشا و اصلن الريايل طبعهم جي
و بعدين والله الريال يوم يحب ما يقولها بس هو اكيد يحبها بس يخفيها
لانهم الريايل يحسون انهم اذا قالو للحرمه انا احبج
انها تقلل من قيمتهم و رجولتهم
و ان الحرمه بتطله فوق راسه
و تقبلي مروري

هلا بك مجنونة Uae

والله ما أدري وش أقول بس هو يقولها أحبك

يسلموووو ع الرد

السلام عليكم
خطيبك شخص عملي مو رومانس وبعدين احنا في زمن كثرت فيه المتاعب لاتنتظرين يبادلك مشاعر انت حاسة فيها بعدين شوفي ايش يحب حتى تفتحي معاه موضوعات تناسبه وبعدين مرة زهقتي ايش اللي حادك عليه افسخي الخطوبة ويادار مادخلك شر
انت على البر مو احسن من بعدين

انا فكرت في الانفصال كثير وكنت مقتنعة تماماَ ان هو الحل بس الأهل مو مقتنعين ويقولولي لا تتسرعي

وانا انشاالله باستخير هذي الفترة لين يرجع وبعدين يصير خير

بس فكرت انو حتى لو بكمل معاه ما يكون بيننا مكالمات ولا زيارات لين يوم الزواج
وأساساَ أنا هذي الفترة منعت الاتصالات عشان لو تركنا بعض نكون اتعودنا ع الوضع

لا حبيبتي لا تتسرعي جي
انتي اولشي حلي الامور بهداوه
و بعدين هو ما يسوي جي إلا عشان مصلحتج فديتج يعني تبين تعيشين وياه و الريال ما يشتغل
والله الريال يحبج اصلن فوق ما تتصورين لانه مستحمل فراق اهله و يبا يعيشج احسن عيشه
لا تتسرعين فديتج
و تقبلي مروري و تدخلي اعرف رزه

فديتج <<<<<<<< تموت على هالكلمة
<<<<<<< وتموت على الكلام الإماراتي وعلى أهل الإمارات كلهم

حبيبتي مجنونة Uae أنا حاولت أحل الأمور بكل الطرق
وبعدين أنا ما قلت ابي اتزوجه الحين وهو ما يشتغل .. بعدين ما فهمت كيف متحمل فراق أهله عشاني .. يعني أنا وش دخلني؟؟؟؟؟؟؟!

هو يدرس بالخارج .. وحبه لي ماله علاقة بانه متحمل فراق أهله ..
معليش حبيبتي بس والله بجد ما فهمت ايش علاقة انه يحبني بــتحمله فراق أهله


تسلمي يا عمري على متابعة الموضوع

طبعا كل واحد له اسلووب في التعبير عن الحب ......
وبعدين مدري ليه

يمكن زوجهاا خجووول ومايحب يتكلم كذاا وبعدين لو كان مايحبها كان يقدر يمنع الزواج هذاا !!!!!

على العموم انشاالله خيييير ...... وربي يوفقهااا ونشالله تبعد عنها كل الافكاار وتعيش مرتااحه

ربي يوفقها انشاللله

يسلموووو اخوي حمووودووو ع الرد
بس حبيت اقولك انه ما يحبها مو معناته انه ما يبيها ... ما يحبها يعني مو متلهف عليها .. يعني هو ممكن ما تفرق معاه هي ولا غيرها المهم يتزوج يعني ما في وحدة بعينها في باله

مشكوره فديتج ع الكلام الحلو و هل الامارات بعد يحبونكم فديتج
المهم حياتي انا اقول هو متحما فراق اهله هب انتي السبب فديتج يعني انه ساير يدرس برا ليش
اكيد يبا يسعدج و يبا يهنيج و ياخذ اعلى الشهايد والله هذا كله عشانك يعني الحرمه اذا ريالها كان ما عند شهايد ما بيحترمونها الناس شرات الحرمه الي يكون ريالها مثقف و متفهم فهمتي غناتي
و تقبلي مروري