[align=center]البارحه جانـي خبـر بـأول الليـل
قالـوا زواجـه تـم يامنتظـرهـا
حاولت اكذب كل ما اسمع من القيـل
رحت اتحقق صـار صـدقٍ خبرهـا
ضاقت بي الدنيا وحسيـت بالويـل
وبين الضلوع اوجست جمرٍ جمرهـا
تحـدرت دمعـات عينـي هماليـل
وصرت اتذكر قولهـا فـي سفرهـا
يومه تقول القلب غيرك فـلا يشيـل
غيرك ترى وان حـل داري دمرهـا
قلت ابشري لامال وقتـك ولا يميـل
روحي لجل شرواك يرخص حمرهـا
وفزعتلك في كل مابي مـن الحيـل
خوفي عليـك يعـل نفسـك كدرهـا
خايف عليك تـذوق مـر البهاذيـل
وعينك من الهوجاس يكثر سهرهـا
اثرك سعيد وماضي الحـب تمثيـل
تسلى بمشاعـر هايـمٍ بـك نثرهـا
مغرور تحسب كل مابه مـن الجيـل
انجوم ليـلٍ وانـت معهـا قمرهـا
تضننـي بالصـد بسحـب مواويـل
وابكي واقول الروح عنـده اسرهـا
لكن تأكد قلبـي ابعـد مـن سهيـل
ورادتي تقطع حبـل مـن هجرهـا
كرامتـي ماتعيـش ساعـه بتذليـل
وبنت اغدرت بي يوم ما امشي بثرها
يحكم على حبه من القلـب ترحيـل
عقـلٍ فهيـم بهالحيـاة وبشـرهـا
ياخذ من الماضـي عبـر للمقابيـل
ويـرد كيـد الكايـده فـي نحرهـا
وسلامتكم
ملطوووشه[/align]
17-12-2006, 12:05 ص
قـالـوا زواجـه تـم يـامـنـتـظـرهـا.....
النمط المتتابع
