إسمها "عبيــــر"
ماذا قالت يوم زفاف حبيبها ..؟؟
إسمعوا معي.

جاني الخبر يا صاحبي واظلم الكـون
قـــدام عــينـي ثـم نــطقـت الشهادة

على العــمــوم أقولهــا ألف مـلـيـون
مــبـروك مــن قــلـب شكالك إبعـاده

مــبروك لا يهمك سواليف وظـنون
مـن عاشق يـهـديك فـــرحة فـؤاده

سوي الفرح اليوم وإبليس مـلعون
واللــي يــشــب النار يجني رماده

أنا أول العـالم على الصالة يلفون
أول مــعـازيم الفــــرح والحدادة

ابشر أبرقص على العرس بالهون
كل يـعـبـر فــرحــتـه بــاجتهــاده

لو البلا رقــصي يقولون مزيـــون
المشكلة الــقـلــب يــفـضــح وداده

يوم العذارى في دخولـك يغنــون
وعروستك بأحلى ثواني السعادة

كنــت أتمنــى بـــدالها والله أكون
وأحط أنا كفي تحت راسك وساده

واشلون أبكتم صرختي يوم تمشون
تكفــى ..خــذني للعروســـة قلادة

حتى معازيم الفرح قاموا يمشــون
وأصبحت أنا وحدي بدون استفادة

وطفوا عـلي النور من غير يدرون
قـصر الفرح يا قبر(غدير) ومهاده

وصيتي لو جاك بنت وأنا أمـــون
سميتها لك (غــدير) قبل الـولادة

وسلامتكم ويبعد عنكم كل شر وهموم.

مشكور أخوي خالد على مرورك وردك اللطيف

تقبل شكري.

قصيدة مؤلمة
وحزينة بكلماتها ومن الم الفراااق
والبعد عن الحبيب

سلمت يداك وربي يعافيك

والله تعور القلب هالقصيدة !
تسلم أخوى الوالى على أختيارك الحلو

اخوي العزيز الوالي

صح الله لسان قايلها وسلمت بنان ناقلها

قصيده جدا مؤلمه وحزينه

وهذا حال الدنيا دايم تفرق بين الاحباب

تسلم على النقل الرائع

وفي انتظار جديدك

اختك فرح

تسلم أخوي وصح لسانك ولسان قائلها

الفررراق صعب ومهما طالت المده يوجد الفراق

يعطيك الف عافيه

تحياااااااااااتي**

سيدي الوالي

لقد اقتحمت بجيشك قلاع التميز00

وهزمت بفنك جيوش الإبداع00

وتسكعت بقصر القمة متبخترا00

فمرحى لك

تحياتي