مشكلتي زوجي شاعر ويكتب خواطر ومواضيع في المنديات
المشكله ردور البنات عليه اللي تقول ,ياقلبي واللي تقول ياغالي الخ.......
والله لمني فتحت النتدى وشفت ردودهم عليه عكس ردود الرجال
اضيق وتنسد نفسي عن الاكل مره ماتسحرت والسبب ردودهم:sweatdrop:
انا اغير من ردودهم عليه والله اموت من الغيره بس وش الحل
انا احب زوجي مووووووووووووت اغلا من عيوني
وهو الحمد الله يحبني مووووت
بس خايفه من هالبنات يقلبن راسه ويغرنه بردودهم المايعه
انا بغيتكم تحلون المشكله بنصائكم
الله يجزاكم خييييييييييير
اختكم الخنوقه من الردود/حيوبي

الله يعينك على ما بلاك

حيوبى 000

هلا وغلا فيج حبيبتى 00 يا قلبى وسعى صدرج مهما كان هذا زوجج قاعد - نايم - طالع - يتكلم كل هذا وهو جدام عيونج يعنى مو مطنش فيج وشيئ طبيعى واحد عنده موهبة ولا بعد في الشعر والخواطر راح تشوفين الاغلبية 000 ( بنات )
وعبارات الاعجاب والمدح وهذا كله في اى منتدى مع كل شاعر

لا تتهورين وتفتحين عليج باب من المشاكل انت في غنى عنها !!
خليه يكتب ويرد على البنات جدام عينج ولا من وراج في الكوفى نت والربع بالدواوين
وشاركيه الردود وحسسيه بطريقة غير طريقة مباشرة عن قلة حياءبعض البنات في الرد لازم يكون بادب احسن بس مو بطريقة مزعجة 0


حيوبى 00

ترى انت الخسرانة اذا سلمتى نفسج للشك والوسواس !!
عادى عيشى يومج معاه ترى محد بينفعج اذا ( لا سمح الله ) طحتى من حيلج والله
بالعكس قعدى معاه وشاركيع باللى يكتبه وحتى ردوده مع البنات لا تحاصرينه بطريقة الاسلوب خليع على كيفه بس نبهيه من تحت لى تحت بطريقة ذكية 00
ولا ينحاش ويترك البيت واعصابج المشدودة معاه 0000 ههههههههه


ان شاءالله يهديلج زوجج ويصلحه امين

[align=center]^
^
اممممم
احسن طريقه اختي اننا نرد على مواضيعك بكلمة
ياقلبي
ياروحي
تسلمين حياتي
وخليه يشوفها
وحده بوحده
وشوفى ردة فعله

تحياتووو[/align]

حيوبى 00

خليج مع كلامى تسلمين من الشر وتغنيله بعد !!!

من الغريب .. تكون مشكله .. بالعكس اختي

من وجهة نظري .. انك تخلينها نعمه لك ..

حاولي .. انك تكونين حوله دايم .. اطلب منه .. انه يقول لك هالقصايد والاشعار ..

بصراحه راح تكون كل مشاعره لك .. ولو قالو له البنات تسلم و.. و.. و.. الخ

حاولي تحسسينه ان قصايده هي الافضل .. .. وصدقيني راح يكون ان شا الله كل مشاعره لكِ .



وانا مع كلام ام الغلا




والله يسهل أمرك

أختي العزيزة /

ماااااااااااااا أروع كلام أم الغلا00 إنه عين العقل والحكمة

ولاتتبعي سياسة التقييد مع زوجك ، عفوا لأنك لن تستطيعي00 وستخسري خسارة كبيرة

بل اتبعي سياسة الجذب والمشاركة00 واعلمي أن كل الشعراء تقريبا لهم زوجات

وهن اللاتي يلهمنهم الشعر وخاصة الغزل والمرأة طبيعتها تنجذب لذلك0 وطبيعي ستأتي

ردود رقيقة منهن لأنهن خلقن ناعمات رقيقات00 ولايقصدن بذلك جذبه أو استمالته

لأن تلك الكلمات هي المتداولة ولا تحمل خلفها شيئا مما يؤلمك

ويكفيك أنه صادق معك ويعمل أمام ناظريك00 ولو لم يكن يحبك لما عمل ذلك أمامك

وكل ما يقوله في الشعر هو خيال أخذه منك00

وإن تألمت من بعض أشعاره فالعرب تقول : أعذب الشعر أكذبه

ويا عزيزتي كل وحدة تغييير على زوجها00ولكن الغيرة إذا زادت خربت البيوت

وآآآآآسف على الإطالة

تحياتي

المعصقل 00

الف شكر لك اخوى على كلامك الطيب بحقى 00 والله يعطيك العافية وما قصرت

كل عام وانتي بخير اختي وارجو من الله يوفقكم ويرزقكم الذرية الصالحة وحاولي انك تسمعينة الكلام هذا الي في المنتدى تعلمي منهم وسدي الفراغ بكلام حلو وطيب وكلام كله رقة وذوق وذرابة واحترام عشان الانسان وخاصة الفنان ان كان شاعر او رسام يحب يسمع المديح والتفاعل مع القصائد خاصة إذا كان الي امامة انسان شاعر او حافظ من الشعر وتأكدي انك راح تدخلين معه في نفس اهتماماته وتشاركينه فيها

انا مع ام الغلا في كل كلمه

والله يصلح امورك يارب