أبي أسمع ذكرياتكم مع المطبخ

أول طبخة سويتوها ؟

مواقف حصلت ... كم مرة حرقتوا الاكل
أخطاء طحتوا فيها بالبدايه ... تبون تحذروا غيركم ؟

وش ألذ طبخه سويتوها ؟ ..

يلا نبدا

[align=center]السلام عليكم ورحمه الله وبركاته..

أخواني أخواتي

أرجع لكم اليوم بموضوع جديد.. أتمنى انه يلاقي منكم التفاعل والتواصل.. وأني أشوف ردود الاعضاء واهتمامهم..



لا بد ان أغلب الأشياء في حياتنا.. فشلنا فيها كذا مرة قبل ما ننجح.. وما نجحنا فيها من أول مرة.


ومن الأماكن اللي ممكن الواحد يفشل فيها المطبخ.. ههههه.. وهذا هو صلب الموضوع..



أبي منكم .. تعترفون...؟؟ عن مواقف صارت لكم في المطبخ.. مثل أكلة نسيتوها فاحترقت.. أكلة ما ضبطوا مقاديرها فطلعت شي ثاني تماماً.. وأي شي ممكن يخطر على البال..

يا الله ننتظر... من كل واحد الفضايح.. ولا تستحون.. ترانا كلنا مرينا في مثل هذي
المواقف[/align]

مرحبا

/
\
/

اللهـ يعطيج ألفـ عافية ام خالد ع الفكرة الحلوة

وبصراااحة ماكو ببالي الحينـ أي شي بس لا تذكرتـ بجي اكتبهـ أكيد ..

0
0

والموضوع يستحقـ التثبيتـ

وبانتظار تفاعلـ الجميع

/
\
/

تقبلي مني كلـ التحية والتقدير

رورونـــهـ ..

[align=center]

يعني لازم فضائح
انا بقولكم عن موقف صار لي ..
مرة من المرات كنا عزابية في شقه وكان يوم خميس .. ويوم الخميس العامل مايجي عشان يطبخ
قلت انا بتبرع لكم واطبخ قالو العيال خلاص المهم طلعت للسوق وجبت كم كيلو لحم ( حاشي)
وجيت وقطعت البصل والطماط وجبت قدر ( الضغظ) الله لايعيدة من قدر
وحطيت الزيت وقمت (اصوط) الكشنه وحطيت البصل مع الزيت والبهارات والطماط لين حمر
وبعدها حطيت ( لحمه الحاشي) مع الماء وسكرت الغطاء وانا المهبول ماسكرت الغطاء زين
تعرفون قدر ضغظ لازم تسكرة زين وشبيت على النار للأخر شئ المشكله كان فيه تنسيم وانا
مانتبهت ..
وكنت جالس بالمطبخ اغسل الرز يمكن صار القدر على النار تقريباً عشر دقايق المهم
وكان ( الفرن) على يساري فجئه سمعت صوت انفجر غطاء القدر بنط في السقف
انا من شدت الخوف ولااا ادري وش السالفه انبطحت بالمطبخ والمشكله كان المطبخ صغير بالمرة
الطماط والبصل والحم وشوى من الماء على ملابسي ودخلو العيال منهبلين مايدرون شنو السالفه
يوم شافوني مترطش ( بالمرقه) ضحكو وربي ضحك ماهو طبيعي انا فيني خوف وقهر قلت
لهم الشرهه على الى يطبخ لكم
عاد بالأخير جبنا ( حبتين مع الرز من المطعم) وبعدها حرمت اطبخ بقدر ضغط ولا اطيقه
واذا شفت قدر الضغظ انصرع
هذا الموقف الى صار لي بالمطبخ وسوري على الاطاله [/align]

واو موقف لاتحسد عليه ياتحدوه

بالنسبة لي اول ماتعلمت الطبخ كنت اطبخ كبسة

تحت اشراف الماما وعملت كل شئ تمام

وجا وقت حط الرز في القدر وطبعاً لأني اول مره اطبخ مباشرة

حطيت الرز على القدر بدون ماغسله

وجات امي تسألني قلت لها ماغسلته واكلوا الطبخه برز ماتغسل

بس الحمدلله جات سليمة

ههههههههههههههههههههههه يعطيك العافية

هذا انا رجعت ثاني زي ماوعدتكم وياالله ياتحدوهـ انبسط

واضحك علي زي ما مت عليك من الضحك ..

هذا ياجماعه الخير لما كان عمري 15 سنه

ياحبي لي مره اجنن وشطوره ..

اخذنا في حصه التدبير المنزلي طريقة عمل الكيكه

وطبعاً انا قلت في نفسي لازم اول مااوصل البيت اروح اسوي كيكه

لمامتي حبيبة قلبي علشان تدري ان بنتها صارت حرمه

وتعرف تطبخ <<< ياليتني هونت احسن لي

واول مارجعت البيت دخلت المطبخ بمريولي حق المدرسه

وعلى طول قعدت اجمع في اغراض الكيكه وهي على النحو التالي ..

دقيق ابيض = بيض= فانيليا= زيت=حليب بودره الخخخخ

اللحين ترى الين اللحين مامتي ماتعرف اني جيت والا تعرف اني بالمطبخ

المهم وصرت اعجن واعجن واحط المقادير على كيف كيفي واقول لو ازود هذا

بيصير احسن واكيد لو حطيت خمس بيضات

احسن من بيضتين واكيد بيصير طعم الكيكه خيااال ,,

وبعدين حطيت العجين في الصينيه المخصصه له وجيت افتح الفرن

اهـ بس من الفرن .. تدرون انا كنت لسى صغنونه ومااعرف للفرن زين

وكنت حالفه ان مااحد يساعدني نهائي في الكيكه حتى في الفرن وجبت الكرسي وقعدت عليه

وقعدت احاول في الفرن ابي افتحه مو راضي واالاخت في الله داخله جو الا تبي تفتحه

مادريت عن روحي الا لما جا يولع ولع بس ياالله وربي بطريقه خيااااليه الا اللحين

مستحيل انسااااهاااا ولع بقوه مره مره وبصوت عااالي ومادريت عن روحي

الا وانا عند مامتي بالصاله وانا وصينيه الكيكه في وسط حضنهاااا

وهي ياعمري كانت مره مرعووبه وبعدين قعدت افسر الموقف لمامتي حبيبة قلبي

ولما شفتها مااقتنعت صرت ابكي وابكي علشان تحرمني والحمد لله تحقق هدفي

ههههههههههههههههههههههاي

كككككككككرركرررركرررررررركككككككر

وبس انتهى الموقف على خير ..

واللحين كل مااجي اسوي كيكه اذكر الموقف واموت على روحي من الضحك..

تقبلوا مروري ومشاركتي البسيطه

اختكم فرح الدنيا