سلامون عليكم ورحمتن من الله وبركاته < --- مانيب قايلن شي عشاان ماتقولون حاس اللغه خخخخخخخخخخخ
بمناسبة انتهاء الاختبارات نوهاااااائيا , لان اليوم مثل مااعرف انه اخر يوم بالثانويه الا كان انا ماعندي سالفه ماقول شييي ,,
لذلك على البركه العطلللللللله > --- بدري , تو الناااس انت ووجهك
---- > انت اللي انت ووجهك فيه ناس باقي تختبر ماخلصو الا اليوم راع شعورهم ياخي
< ---- تهاوشن الافكار براسه هع هع هع :crazy:
المهم ..
انا بصراحه احب سواليف الماضي ,, تعرفون قديمك نديمك > --- ابد مانقشها من علبة الكبريت هع هع :nosweat:
لذلك حبيت اسدح قصه من قصص الماضي .. متعلقه بالاختبارات ,, وايام الاختبارات اللله لايعيدها < ---- تراه حاقد عليها وبقووووووووووووووووه
عاد مثل مانتم عارفين ايام الامتحانات مليئه بالمواقف المضحكه وخصوصا محاولات النقش وماادراك مالنقش < --- يعني الغش خخخخخخخخخخخخ
من منا ماحاول انه يغش :blow:
من منا يطاول بالرقبه ويحتري المراقب يعطيه ظهره عشان يقز بورقه خويه الداافوور هع هع
من منا سهر الليالي الطوال وطاحت ايده من الكتابه مو كتابه عشان الدراسه لا عشان البراشيييم هع هع
من منا من وصخ سروال السنه ببراشيمه واذا راح للبيت غباه فوق الدولاب هع هع هع
< --- الحين حنا مزبنين انفسنا بسروال السنه بس البنوتات وش يسوون :in_love:
من منا دخل قاعه الامتحان وهو خايف ويتراجد خايف ينكشف ويرووح قوطي ببسي مفعوص خخخخخخخخخ
من منا ومن منا ومن منا .. ايام الدراسه صارت كلها من منا ومنا منا < --- لايكثر بس
بصراحه والصراحه مو راحه < ---- اللي قال راحه تراااه نصااااااااااااااااب خوذوها مني هع هع
انا ماقد غشيت ولا قد خطر على البال < ---- ايه هين
موب كلها شطاره لا ,
الموت يخوف ياجماعه , يعني لادخلت ومعي براشيم تقول ماسك فيش كهرب منجرح ماغير اتنافض , مابقى الا امسك المراقب اقوله ترا مامعي براشيم < ---- اللي على راسه بطحا يحسس عليها خخخخخخخخخخخخ
لكن هالقصه كانت اياام الصبا والمراهقه الحين عاقلين خلاص نغشش مو نغش < --- صح ياثقه ههههههههههههه
كان ياماكان مسكت معي ابرشم , مو حبن في البرشمه لا ياناس افهمو وضعي باللهي
كانت الماده صعبه < --- اشوا انها مطالعه هههههههههههههه < --- بالله فيه احد يبرشم للمطالعه هههههههههههههه
كانت تفسير المهم ,, جت حزت النوم ونا ماخلصت ياربي وش اسوي وش اسوي وش اسوي واسمع بليس يقولي برشم ياولد وارتاح
وشو ابرشم , ايه برشم يابن الحلال وارتاح
اقول اطلع من مخي يابووو تراني منيب رايق لك
قال عاد من زين هالمخ اللي تقول قوطي صلصه برشم وريحنا ..
المهم وبعد جهدن جهيد اقنعني هاللعين اني ابرشم
ورحت تقضيت لزووم البرشمه . .
وكانت كالتالي ..
رقم ون / قلم رصاص سنته دبوس < --- موب دبوس ذاك اللي يعلم لا ديوس يعني تبري القلم الين يسير دبوس < --- عسا ماتكلفت
رقم تو / برايه لزوووم القلم عشان نخليه دبوس مابين الفتره والاخرى
رقم ثري / ورقه يتم تقسيمها الى مالا نهايه من الاوراق المتناهيه الصغر
المهم , دخلت قاعة الامتحان وانا اتلفت تقول ضبن ملحوووق
واقعد على كرسيي اللي كان متنح تحت المروحه وادس المدعوه براشيم داخل دفتر الاجابه وانتظر ورقه الاسئله وكانت القاعه هدووووووووووووووووووء < --- لا والله
الا وذاك الدب عبد العزيز ياكرهيله ذاك الادمي دايم ينكبني نكبات العمر
يتنح بالكرسي اللي جنبي وينادي ... ياستااااااااااااد
قلت وش يبي ذا اخاف يعلم علي خبري به هو وحركاته وبالاخير يقول امززززززززززح خخخخخخخخخخ
المهم جا لمه اللاستاذ وانا اتراجد فزعا وخوفا الا ويقووول استاااذ حرررررررر ترا مانعرف نجاوب الحنن افتحو المروحه لو سمحتو <---- مشكله الدببه الازليه ههههههههههههه
ااااااااااااااااااه < --- تنفست الصعداء انا
الا وتذكرت ياولد ات جالس تحت المروحه الحين تتطاير الاوراق وانكفش ,, بس انا من الخوف ماتصرفت بسرعه ولا شي قعدت اتنح اناظرهم وهم يشغلون المرووحه خخخخخخخخخخ
ويوم اشتغلت المروووحه الا وينفتح دفتر الاجابه وانا امسكه بقووووووه طراااااااااخ على الطاوله بس المشكله تمكنت وحده من البراشيم من الهرب
واجي انا قلت مابدهاااش الحق عمرك وش تقول لهلك ساقط بالتفسير يخرب بيتك خخخخخخخخخخخخخخخ
واتناوط تقولون طيارة كونكورد واخذ الورقه ويجي ينتبه المراقب قال خير قلت ابد القلم ونا قاعد امسح فالقلم يعنني بريييييييييييييء
المهم ويبدا الاختبار وانا اجاوب مع صووب وخام الدفتر من صوبن ثاني خخخخخخخخخخخ
وانقش المكتووووب واطلع من القاعه بسلامه الرحمن ,,
بس طلعت مصفووور وحالتي حاله , واقابل هاكا المدرس قال ها كيف الاختبار ,, قلت تمااام ونا ماسك مخباتي خخخخخخخخخ
قال وراك مصفور ,, قلت جوعااان < ---- امحق اجابه خخخخخخخخخخخخخخخ
المهم ونطلع من المطرسه بكبرها وبعرضها ,, وعدت للبيتي بسلامه ربنا
بس بعدها كل ماجيت اغش اناطر فوقي مروحه ولا لا هع هع هع
لذلك انتبهو ,
ودمتم سالمين ,,
< --- اقول ترا يمدحون الدراما :clap: يعني كلها فقش بفقش وخيالن بخيال ,,
يعني بالعربي دونت بليف ات خخخخخخخخخخخخخخخخخ
تحياتي
W I Z A R D
16-06-2005, 07:22 ص
قصة من الماضي " طيــران بقاعــة الامتحــــان " . . // ! !
..
النمط المتتابع
